Le hee, i tol le nda solio o sanga kon nin Esiptea o ba, a le nda yɔ̀ɔ́ o lɛŋnde bɛndule kɛndɛ-kɛndɛlen nin, o lɛŋnde cɔlua a tɔlɔɔlan la naŋ nin taw-taw len nin, o lɛŋnde Kanannda, Hitiia, Amoriia, Perisiia, Heviia a Yebusiia co icali nin-nden nin.
Kɛ háá paalen nden hau, Hala nɔ ya baa coo tuŋ. I co vɔ nanu le vannda kpede seilen nden tɛndallo, cuaambɔa a kaasonnda. I co ɲɛ-ɲɛ celen dimi le, mɛɛ ɲɛ vanaa-tɛɛngaa-diom Hala-a dimio a ɲɛ Moise dimi maa o co hunɔɔ tosanndo kínɛí.
O lɛŋnde veselɛilen nin bɛɛ, yáà heelu baa ni, mí mɛnalan nda maa i lueinin nda o lɛŋnde yáà ke nda len nin ten, lɛŋnde cɔlua a tɔlɔɔlan la naŋ nin taw-taw len, lɛŋnde hiow lɛŋnde kpede naŋɔɔ len.
Paale len, mí heelu baa coocoo, mí mɛnalan nda le nda faŋaa o lɛŋnde Esipte len nin, le nda yɔɔ o lɛŋnde ya mɛɛndian le nda len nin, lɛŋnde cɔlua a tɔlɔɔlan la naŋ nin taw-taw len, lɛŋnde hiow lɛŋnde kpow naŋɔɔ len.
Mí Samiɛl cua powvo pum, mó baŋ ndu Mispa a fonda nda veelu aa Ciŋnde-o tɛɛn, mó ke ndu diolan aa: «Pow mala vana-o». Mó dimi aa: «Kani háá hau, Mɛlɛka koni co naa malaa ni.»
La tofa vɔ, ya Yosue, i co hau hunɔɔ faŋan o ceendo ho coo. Kɛ niaa, la sina o kɔlta niaalan kpow nin a o yoomu niaa kpow nin maa sɔɔn kɛndɛn Mɛlɛka Hala niaa ndóò dimi le niaa-on kpow, i pilɛ bɛɛ i ló le kɛɔ peelɔnndo le.
Lelan ya dimi ni aa i co niaa soli o mɔnɛi ken nin, mì yɛɛ niaa o lɛŋnde Kanannda, Hitiia, Amoriia, Perisiia, Heviia a Yebusiia nin, lɛŋnde cɔlua a tɔlɔɔlan la naŋ nin taw-taw len pɛɛn.
Lelan, lo o calta nɔmnda diandaalan nin ma tofa, lo o halataala ma tofa, ma tuisi vanaa nɔmnda duaa coo, Israɛlla pɛɛn, ma dɔw lɛŋnde n yɔngu naalen duaa, lɛŋnde n yiilu fuɲaa naa mamaa kpemaa le nda len yɔngoo len, lɛŋnde cɔlua a tɔlɔɔlan la naŋ nin taw-taw len pɛɛn.›»
O kon, la sɛva sɔɔn co o tɔŋndo ho nin-ndon kpow o powta lan coo. Lende niaa tosanin paale niaa taŋnin peo Yurdɛn le luɛyɔɔ o lɛŋnde Mɛlɛka Hala niaa ke niaa len nin-nden ni. Lɛŋnde len yɛ, cɔlua a tɔlɔɔlan la naŋ lenin taw-taw, maa mɛɛ Mɛlɛka pila dimul niaa yɛ, Hala fuɲaa niaa mamaa pɛɛn.
Lelan, Israɛlla, la yaŋ nilan o sɔɔn mun, la bìí mun mì la kela lecoo, haliko mi la sɔla dɛnɛ kɛndɔɔ, mì la kui taw o lɛŋnde cɔlua a tɔlɔɔlan la naŋ nin taw-taw len nin, maa mɛɛ Mɛlɛka, Hala fuɲaa niaa mamaa dimul niaa yɛ.