Vɛ̀ɛ̀ hala pum co o kɔ soli vanaa-mangalaa-isɔɔa pum le ndu pila o vanaa-mangalaa-isɔaa celen tɛɛn a dɛnnda bɛndulan, a kaamaalan, a kɔndifiltan, a cɔwlan a á kpaaya bɛndoo a vannda siòònde lueiyo-o? Nduyɛ lende Mɛlɛka Hala niaa soli niaa o lɛŋnde Esipte len nin ni, niaa pila co seiya le ken.
La loonun maa cɛa niaa yɔŋnun o lɛŋnde Esipte len nin ni, maa Mɛlɛka Hala niaa soli niaa lon a kpaaya bɛndoo ni. Lelan ndu Mɛlɛka Hala niaa ke niaa tɔŋndo le paale pɛngiaalen biyɔɔ ni.
Mí Moise dimul Israɛlla aa: «La loonun a paalen nden o kɔɔ, la va o cɛlen nin o lɛŋnde Esipte len nin, mí Mɛlɛka soli niaa lon a ba ndɔ kpaayaa. Lelan, la va pɛ kafo kon tosaa, la dia bulu toosian a lɛvɛnndo-o le.
Lelan, dimul nda aa: ‹Ya co Mɛlɛka ni. I co niaa soli o baala lepɔtɔllo nin Esipte. I co niaa soli o cɛle ndalen nin. I co niaa baŋa a kpaaya ni bɛndoo, mì tuisi nda sangaa coo.
A soli vanaa nɔmnda, Israɛlaa o lɛŋnde Esipte len nin a ba nɔm mayoomu bɛndoo, a dɛnnda kɔndɔfiltan a kaamaala n va tosaa lan, mí siòònde bii vannda taw.