Tɔŋ miingua 26:7 - BII BILA

⁷ Kɛ mɛɛ naa n koŋul o Mɛlɛka Hala fuɲaa naa mamaa lo, mó tuɛi somisominnda naalan, mó ca mɔnɛi naa n va nin-nde, mó ca sanga naa a bɛpɛla naa n va nin-ndo.

Tɔŋ miingua 26:7 Referans Kwoze

Fulaa 2:23

Mɛɛ ɲɔɔ viow tei, mí masa va kon Esipte-o vu. Israɛlla va o cɛle len nin tuŋ, a va kuŋndan a koŋullo. Mí Hala tuɛi somisomin ndaa.

Fulaa 3:9

Kani i co cɔu mɛɛ Esiptea co Israɛlla saangiaa a yɔɔkpiaa yɛ, yééla ndalan la co ya komallo háá nanu.

Yeremi 33:2

«Diom Vana co dɛnndan kpow tosaa-o soo-o co ho ni, o co lan toosiaa mò va lan peeloo-o, o nɔ diolan aa Mɛlɛka-o aa:

Condii lisai 119:132

Mulul-la hɔlla mà tuinun ya iɲíí, mɛɛ n dema tosa a vanaa kaola nɔmnda yɛ.

Condii lisai 50:15

O kon, paale niaa vanin o buulanndo nin-nden, la piɛi ya. I baŋanin niaa, mì la biilu ya.›

1Samiɛl 9:16

«Siɔdii a telen vaa nuaa kpafii, i cɔmnin nɔm langbanɔɔ pum, fulaa o polale Bɛnyamɛn-nden nin. Ndu n pɔlanin le siŋnɔnndo masaa vanaa nia coo ni, Israɛlla pɛɛn. Ndu baŋanin nda Filistia o ba ni. Kani i yiyan caŋnda vanaa nia co ya o lani le nda malaa lan.»

Fulaa 6:5

I co cuavaa Israɛlla tueyɔɔ koŋullo a saangiaa bɛndu Esiptea co nda-o, mí loonun a kpema ni ya yii-o.

Fulaa 4:31

Má laalan kpow, má sina pɛngu maa Mɛlɛka ce mɔnɛi nda co nin-nde, mó hun le nda baŋaa. O kon mí nda kpow baŋ vulan, má hini Mɛlɛka o labɛngunin.

2Samiɛl 16:12

Bɔɔle mì Mɛlɛka ce dɛnɛ ni palaa, mò tuinun ya iɲíí, mò dɔw ya duaa sɔ̀ngɔ́ yeowla nda co ya lan hau lan.»

O Kandɔɔ 21:17

Mí Hala tuɛi poombɔɔ caŋndo, mí mɛlɛkanɔ Hala-o lo coocoo, mó veelu Akar, mó ɲuna ndu aa: «Akar, yɛɛ yɔŋnun yɛ nɔm? Buulan te, kani Hala tuei poombɔɔ caŋndo nɛɛ n mɛi ndu-a.

O Kandɔɔ 29:32

Mí Lea cua folio, mó vialu hɔ́ɔ́ piaandoo. Mó ke ndu diolan aa Rubɛn (kon co dimio ni aa «Má cè poo!»). Mó dimi aa: «Mɛlɛka ce mɔnɛi co ya biyɔɔ-e. I ce maa pɔnɔ nuu co ya nin kaola.»

Fulaa 2:25

Hala tofaa nda, mó sina mɔnɛi nda va nin-nde.

Condii lisai 31:8

I dɔawnunnin ɲaale mì naŋ kɔl le vanakɛndɛyɛi nɔmnde, kani a ce dɛnɛ palaa nuu, má sina kɔl yulan-yulan co ya nin-ndo.