Tɔŋ miingua 26:5 - BII BILA

⁵ O kon kɔɔli, vana kon cua niko sɔɛi, o dimi Mɛlɛka Hala ndɔɔ o hɔl aa: ‹Aramiinɔ va kelaa-o fuɲa ni mamaa va ni, mí ndóò tuusu sindɛ Esipte a vanndacieea kɔɔli ɲɛ-pɔmbɔ, mó kɔ cal o sumialle lon a nda. Mí vanaa kan kɔ kui lon taw, má sɔla kpaayaa.

Tɔŋ miingua 26:5 Referans Kwoze

Tɔŋ miingua 10:22

Fuɲaa niaa mamaa kɔɛ lɔ́ɔ́ kon Esipte-a, à va n'van belaŋɔmmɛw daama, kɛ sisa Mɛlɛka Hala niaa vangala niaa mí la kui sɛ́lɛ́ bɛndoo maa loeon o halataala.»

O Kandɔɔ 46:27

Poaa Yosɛf ndóò velu nin o lɛŋnde Esipte len nin-nda va a ŋiɔn. Vanaa fula o polale Yakɔb len coo má kɔa Esipte-a va kpow n'van belaŋɔmmɛw.

O Kandɔɔ 31:20

Nuaa Yakɔb vennun Laban Aramiinɔ ni mó can kɔnndan, o congun ndu le.

O Kandɔɔ 45:11

A co va lon mò toosiaa kpekula nɔmndan, yɔŋii bolofaa niaa cuu, mì la lo bala fondo niaa yungu nɔmndo a ɲɛ-ɲɛ co nɔm o ba. Kani o lo vɔ vɛlɛ vɔsilan tan ŋuɛɛnu malan yima fofolan man ma cuu.›

O Kandɔɔ 45:7

Hala vem ya niaa laci nanu le niaa malaa ni, haliko mi la lo yoomu o lɛŋnden nden coo, mì la sɔla baŋan kɔndɔfillo.

O Kandɔɔ 43:12

La cua volion taw mì la kɔ mingi volin nda sɔɔ o bɔlɔla niaalan nin o hunɔɔ-on. Bɔɔle pɔɛɛnɔnndo ndáà pɔɛɛnun ni.

O Kandɔɔ 31:24

Kɛ icɔllo, mí Hala hun soaa o Laban Aramiinɔ lo o lɔma sɔlaan nin, mó dimul ndu aa: «Caa dɛ! Dimul Yakɔb ɲɛ-ɲɛ le, o va sɔɛi kɛndɛ o va sɔɛi vɔɔn.»

Dɛnnda kiilaa 7:15

O kon kɔɔli, mí Yakɔb muungu Esipte, mó kɔ vu lon, mí fuɲaa naa mamaa bɛɛ a vu.

Osee 12:12

Vanaa co Kalaad-a tosa dɛnnda lahakilan má siŋnun vanaa fondoa. A co sálàlan solio Kilkal a navaa tovaa, kɛ fondala-loamaa-lasálàla ndalan la siŋnunnin powta kundalan o ciɛɔn nin.

O Kandɔɔ 25:20

Isaak ndóò nɔ vɔsilan belehiɔɔlu, mó yil Rebeka o nɔ̀u. Cua Betuɛl Aramiinɔ fula Padan-Aram-ndo a yemaa Laban Aramiinɔ Rebeka kon va ni.

O Kandɔɔ 24:4

Kɛ maa a kɔanin o lɛŋnde nilen nin, ma kɔ cuel Isaak po ni lanɔɔ lon o vanayan nun nin.»

Tɔŋ miingua 7:7

«Holnɔn Mɛlɛka holnun niaa mó hɛli niaa-o, o co nuaa maa niaa le hiow vaa sɛ́lɛ́ a vanaa-mangalaa-isɔɔa tɔ̀a le. A toɲa, niaa hiow dɔɔnanndo a vanaa tɔ̀a ni,

Fulaa 1:12

Kɛ nduyɛ, mɛɛ ndáà saangiaa nda faw, lende koni ndáà hiaw laci a kuiyo a á lɛŋnden hiɔlɔɔ. Mí siòònde bii Esiptea a sɔɛi he.

Fulaa 1:7

O kon kɔɔli, mí vanaa tɔ̀a lo lon-nda koma kui taw-taw, má sɔla kpaayaa. A lo kuiyo tei, má tiw o lɛŋnde len nin sɔ́.

Fulaa 1:5

Kpow-kpow, a va vannda belaŋɔmmɛw, Yosɛf ndu va nin o lɛŋnde Esipte len nin.

O Kandɔɔ 47:27

Mí Israɛl a cuavaa ndɔa cal o lɛŋnde Esipte len nin, o tàndàá Kosɛn nin. Má sɔla yondolan ndon, má vialu cuawva, má kui taw-taw.

O Kandɔɔ 31:40

Ipala, hangullo va ya palaa, icɔl hoeiye va ya yɛɛvɔɔ. Hali lɔan, mí ma kɛɛ ya.

O Kandɔɔ 28:5

Nuaa Isaak vem Yakɔb po ndɔ Padan-Aram ni. O kon, mí Yakɔb can, mó kɔa o Laban bom ndɔ lo, po Betuɛl Aramiinɔ-o pɛɛn. Laban kon yɔŋnun yemaa Rebeka ni, kalaa Yakɔb nda Esau pɛɛn.

O Kandɔɔ 27:41

Mí Esau cua nɛyɔn Yakɔb-o le duaa ndɔ o hɛlu fuɲa nda o ba-o. Mó dimi o kɔl ndɔɔ nin aa: «Piɔ́m fuɲa naa bendu lɛ le, te o vi dɔ́ɔ́ pɛ, i koma dii Yakɔb pɔmbɔ ni.»

O Kandɔɔ 12:2

I siinguunin nɔm fuɲa-mama vanaa-mangalaa-isɔɔa súúlan taw. I dɔawnin nɔm duaa ma pɛlnun ladio. Vanaa bɔɔ-bɔɔ a sɔlanin duaa nɔm o ba bɛngu.

O Kandɔɔ 47:4

Má cɔɔlu vɛlɛ dimi aa: «N hin le calle o lɛŋnde nɔmnden nin. Kani yima fofolan ma co ma bɔɔ o lɛŋnde Kanaan-nden nin, hali bil puiyaa, o co lɛ lon le cɔlua naa le. Lelan, yiyan naa coo ma cɛl mì n cal o tàndàá Kosɛn nin.»

Tɔŋ miingua 1:10

Mɛlɛka Hala niaa vangala niaa, mí la kui taw. La co nin sɛ́lɛ́ taw maa loeon o halataala.

Tɔŋ miingua 26:4

O kon, vana-solia-lasálàá bii ndu kambɛi kon o ba, o kɛsi ndu o fonda-loamaa-lasálà Mɛlɛka Hala niaa-o o hɔl-ndɔ.

Osee 12:13

Mí Yakɔb ndóò ɲaanun lɔ́ɔ́ kon, mí ndóò kɔannun Aram, mí Israɛl tosa baalaa le lanɔɔ sɔlaa, mó manda cɔlua le lanɔɔ sɔlaa.