Tɔŋ miingua 26:2 - BII BILA

² vana-vana faŋa ɲɛ pum o kulun tasen o sɔlanin o tɔlɔɔ ndɔɔ nin o lɛŋnde len nin-ndon nin, o vow mun o kambɛiyo nin, o kɔɛ a mun o fonda Mɛlɛka hɛlinin le diola ndɔlan vaa biilɔnndo-o.

Tɔŋ miingua 26:2 Referans Kwoze

Fulaa 23:19

La bɛnda mì la kɔɛ a ɲɛm tasen niaa koawnin o ciɛɔn niaan nin-ndon o Cɛi-Mɛlɛka Hala niaa nin. La yaw cuin cuaa o mɛɛma kala ndɔan nin te.»

Fulaa 23:16

La bɛnda vɛlɛ mì la tosa duɲɛi kafo koavaa telen niaa kandunin ɲɛm niaa vàá o ciɛɔn niaan nin-ndon kovɔɔ-o, ɲɛm tasen niaa koawnin-ndon pɛɛn. O vɔsio mɛɛlulan, la tosa vɛlɛ duɲɛi kafo lakùùo telen niaa ciinin ciɛɔn niaan kovɔɔ-o.

Esekiɛl 44:30

Ɲɛm hiow naŋɔɔ o ɲɛm tasen vanin fulaa o ɲɛm niaan nin-ndon, ɲɛ-ɲɛ niaa vanin faŋaa o ɲɛm niaan coo le Mɛlɛka yɔngoo, mun kpow n vanin le vanaa-solia-lasálàá. Vannda bɛnda mà va nda kpeyan hiow naŋɔɔ o kpeyannda ndalan nin-ndo yɔngoo, haliko mi duaa tol o cɛila vanaa kan coo.

Nsaki 1:18

O velu naa a sɔɛi toɲɛi mɛɛ hɛnan ndɔɔ co yɛ, haliko mi n va vanaa tasea o ɲɛm o cɔw-von tɛɛn.

1Korɛntea 16:2

O niaa tɛɛn, vana-vana kɛsi ɲɛ pum landɔ o ndu lo cɛinin mɛɛ o tiw ba yɛ le hunɔɔ a ndu o paale tasele co o lɔ́ɔ́ o lɔ́ɔ́ bɛngu len, haliko la cum telen ya kɔanin-ndo le ɲɛm mun cuungiaa le.

1Korɛntea 15:20

Kɛ nihau, Krista tendul, ndu yɔŋnun vana tasoo fulaa vanvílɛ́iya tɛɛn ni.

Rɔmnda 11:16

Nduyɛ, te kunda tase ɲɛdiaa co pɛ o diandaa, mɛɛ o diandaa ɲɛdiaa tɔu bɛɛ co ni. Te puundun yɔmndon co pɛ n'diandaa, mɛɛ n'diandaa lɛwvon bɛɛ n co ni.

Rɔmnda 8:23

O co ka ɲɛm mun daama le, kɛ naa n sɔla nin Kɔl-Diandaa o tasendɔ-a bɛɛ, naa pilaa n co somisominndo. N co cumndo le mɛɛ Hala siinguu naa cuavaa ndɔa kpeekpeiya yɛ, haliko mi dialun naan sɔla baŋaa.

Esekiɛl 48:14

Fonda kon hiow diondɔɔ o lɛŋnde len nin, kani fonda solin sálà le Mɛlɛka-o o co ni, lelan leviia bɛnda mà pisi ndu le, a bɛnda mà singa ndu a ɲɛ-ɲɛ le, a bɛnda vɛlɛ bɛɛ ma vɔngul ndu le.

Esekiɛl 20:40

Kani o pembii nii diandɛi coo, o pembii bɛndu-bɛnduei Israɛl coo, cuavaa Israɛlla kpow a vanaa vanin o lɛŋnde len nin-nda kpede a biilunin ya ni. Lon ya cɛlnin nda a kɔllo kpow ni. Lon ya ɲunanin niaa le ɲɛm niaa faŋa o ɲɛm niaan coo le ya yɔngoo-on ni, ɲɛm niaan tason o ɲɛm kean niaan nin a ɲɛm niaa kɛsi le ya-on pɛɛn. Sɔɛi fula Maalii o sondo-e co ken ni, Mɛlɛka pɛɛn.

Tɔŋ miingua 16:10

o lɔ́ɔ́la lan mɛɛlulan, la tosa kafo koavaa a le Mɛlɛka Hala niaa biiloo. O kon, la ke ndu ɲɛm niaa kialunin a yeemɛi niɛi-yon mɛɛ duaa ó vanin niaa dɔvɔɔ-o vanin yɛ.

Fulaa 34:26

La bɛnda mì la kɔɛ a ɲɛm kɛndɛn tasen niaa koawnin o ciɛɔn niaan nin-ndon o cɛi-kola-toandaa diandaa Mɛlɛka-o nin, ya Hala niaa pɛɛn. La yaw cuin cuaa o mɛɛma kala ndɔan nin te.»

Dɛnnda cɔɔmuanndan 14:4

Nda yɔŋnun vanaa nɔɔlian a vanlaandua le-a ni, kani a síná dɛnɛ vanalanɔ le. A co kɔlan Saa téndóó kɔɔli nɛɛ-nɛɛ ka-a. Kan sɔla baŋaa vanndacieea tɛɛn ni, nda yɔŋnun vanaa tasea le hɛlio sɔlaa le Hala a le Saa téndóó ni.

Rɔmnda 16:5

La yil-la vɛlɛ vanaa laalaŋaa co cuungianndo biyɔɔ o la nda lo cɛinin-nda. Mì la yil-la Epainɛte ya kaola taw-vo, nda yɔŋnun vanaa tasea le Krista o lɛŋnde Asii len nin ni.

Yeremi 2:3

Le ya Mɛlɛka kínɛí Israɛl va ni, ndu va ɲɛ tasoo o ɲɛm nun coo ni. Vana-vana óò de ndu pɛ, vanan kon ndóò del kasi, dɛnɛ palaa ndóò tol vana kon coo. Ya Mɛlɛka soo nuaa ni.

Nehemi 13:31

Mí bɛɛndiaa vɛlɛ dɛnɛ ɲɛm-kéan iyɔmun ndáà bɛnda le yɔngoo o telen kelunndo-on, a dɛnɛ ɲɛm-kéan ndáà cua o ɲɛm vaan tason nin-ndon. ‹Éé Hala nuu, loonun a ya mà tuinun ya iɲíí!›»

Nehemi 12:44

«Telen pilɛ kon, má ke vannda baalaa le cɛila ndáà manda ɲɛm-kéan ndáà cua o ɲɛm vaan tason nin-ndon cumullo. Lon ndáà manda ɲɛm-kéan a o-tɔ́ndɔ ndáà soli o kɔmnde tasele latɔlɔɔle ndáà sɔla o yondoláà balu cieon pɔmbɔn-ndan nin-nden ni. Mɛɛ tɔŋndo ndóò dimi yɛ, le vanaa-solia-lasálàá a leviia ɲɛm mun va ni. Mí ɲɔɔ hɛnan vannda Yuda kpow le baala vanaa-solia-lasálàá a leviia a va tosaa-o.

2Dɛnnda lemasalan 31:5

Sɔɛi ken diminndo dɔ́ɔ́, mí Israɛlla yɔngu ɲɛm tasen nda sɔla o tɔlɔɔlan nin-ndon taw: maalon, mɔiyan, cuɛiyan, lɛan a ɲɛm vaan celen. Má hun vɛlɛ a o-tɔ́ndɔ ɲɛ-ɲɛ ndáà sɔla kpow.

2Dɛnnda lemasalan 6:6

Kɛ mí hɛli Yerusalɛm haliko mi diola nilan la va biilɔnndo lon. Mí hɛli vɛlɛ David, haliko mo tosa masalen vanaa nia coo, a co Israɛlla-a.›»

2Masaa 4:42

O telen kon nin, mí langbanɔɔ pum can o lɛŋnde Baal-Salisa len nin, mó hun. Mó cuu vana-tɛɛngaa-diom Hala-o bulula ɔrselan bidiin, a yasala n'malta ɲululan o bɔlɔɔ nin. Mí Elise dimi aa: «Yɔngu vannda ha mà de.»

Yosue 18:1

Mí Israɛlla kpow a cuungian Silo, má baŋ cɛi-kola-toandaa-labɔɔŋianndo lon. Lɛŋnden kpow le va nda o ba bɛngu.

Tɔŋ miingua 18:4

La bɛnda vɛlɛ mi la yɔngu nda ɲɛm tasen niaa vanin sɔlaa o valta yondolan nin-ndon: malun tason, mɔima tasean a cuɛima tasean, mì la yɔngu vɛlɛ nda yiiŋii niaa vanin kiolɔɔ saa niaa tasea lekɔɔ-e.

Tɔŋ lasálàá 2:14

Taa yeema pɛ le ya Mɛlɛka sálàá solullo a ɲɛm tasen n kow-von, a bɛnda ma yɔngu ya yasala n toŋ o yin má cui lan-ndan.

Tɔŋ lasálàá 2:12

Te o va pɛ ɲɛm tasen fula o vaala niaalan a o baalala niaalan nin-ndon, la nɔla mì la hin a mun o ya Mɛlɛka lo, kɛ vana lum mun o fonda-loamaa-lasálàá coo maa sálàla cuɛima cun kɛndɛlan te.

Fulaa 22:29

La bɛnda vɛlɛ mì la yɔngu ya cɔlua piaandua tasea cɔlua niaa koam-nda: nawva, saa a cuinnda. Te kalaa ndaa kom nda pɛ, a bɛnda mà lo nda ikɛi háá palɛi ndii ŋɔmmɛw. Kɛ o paale ŋɔmaandɔlen coo, la bɛnda mì la yɔngu ya nda.

1Korɛntea 15:23

Kɛ vannda a pilɛn-pilɛnnda a hunnin o polalen. Krista co vana tasoo ni. O ndu kɔɔli, vanaa vanin a ndɔa lɔ́ɔ́ o hunnin-ndo-a.

Fulaa 20:24

La ców ya fonda-loamaa-lasálàá a puuloo, mì la soli sálàla loamaala niaalan a sálàla kɔlɲulula niaalan lecoo, mì la soli vɛlɛ cɔlua niaa pɔmbɔa a navaa niaa sálàá lecoo. Fonda oo fonda ya cɔmnun niaa pɛ, i hin o niaa lo, i dɔw niaa duaa.

Tɔŋ miingua 26:1

«Lɔ́ɔ́ niaa luɛinin o lɛŋnde Mɛlɛka Hala niaa yɔngu niaa kɛ́ɔ len nin-ndo, te la hɛlu pɛ lɛŋnde len mì la cal lenin,

Tɔŋ miingua 26:3

O tiiya pɛ, o kɔɛ o vana-solia-lasálà vanin sálàlan solio lon o palɛi ken nin-ndo lo, o dimul ndu aa: ‹I dimi hau Mɛlɛka Hala nɔmndo o hɔl maa i luɛi o lɛŋnde ndu Mɛlɛka yiilu fuɲaa naa mamaa kpemaa, mó mɛnalan nda le naa len yɔngoo len nin.›