Tɔŋ miingua 26:12 - BII BILA

¹² «Vɔsi yàándɔ oo vɔsi yàándɔ, vɔsi yɔngaa o-tɔ́ndɔɔ o vanin ni. Vana cii pɛ o-tɔ́ndɔɔ faaŋiaa o ɲɛm ndɔn kpow coo, mò piɔw leviia, mialla, vííya a vanlaandua piaandaa ndaa vi-a ɲɛm mun, mà de mà pim o kobi vana kon vanin icali nin-ndo nin,

Tɔŋ miingua 26:12 Referans Kwoze

Kundalan 18:24

Kani o-tɔ́ndɔ Israɛlla vanin faŋaa o ɲɛm ndan coo le ya Mɛlɛka-o ya yɔngu nda kɛ́ɔ ni. Lelan ya dimul nda ni maa a nɔnin lelɛŋ o Israɛlla tɛɛn te.»

Tɔŋ lasálàá 27:30

Le Mɛlɛka o-tɔ́ndɔ fula o tɔlɔɔlan kpow nin-ndo co ni, o va o-tɔ́ndɔ fula o yɛyun vana saŋ-ndon nin-ndo, o va ó fula o yɔmii koamɛi nin-ndo. Ɲɛ co le Mɛlɛka-o co kon ni.

Talelan 14:21

Vana pɛɛsa pɛ caanda o tosa hakio, kɛ dɛnɛ co le vana kon, vana nɔ ɲííye a vanaa bala fondoa-o.

Hebreea 7:5

Ɲɛ tɔŋ Moise-o dimi le vanaa-solia-lasálàá, yungu Levii-o-o co hoo ni maa a bɛnda mà ɲuna cuavaa Israɛlla o-tɔ́ndɔɔ o ɲɛm ndan kpow nin. Vannda bɛnda mà yɔngu nda kon ni, puapilɛa ndaa pɛɛn, nduyɛ nda bɛɛ yungu Abraham-ndo nda co ni.

Tɔŋ miingua 16:14

La vanin o kɔlkɛndɔɔ nin le kafo kon tosaa niaa poaa niaa, cuavaa niaa laandua, buɛyaa niaa piaandua, buɛyaa niaa laandua, leviaa vanin o kobila niaalan nin-nda, mialaa vanin niaa o bɛngu coo-a, vííya a vanlaandua piaandaa ndaa vi ma va icali niaa tɛɛn-nda.

Hebreea 7:9

O kon, n nɔla mì n dimi maa telen Abraham yɔngu o-tɔ́ndɔɔ o ɲɛm ndɔn nin-ndo, Levii yɔngu o-tɔ́ndɔɔ lende ni, ndu polale ndɔlen le sɔla o-tɔ́ndɔɔ vannda o ba-o pɛɛn.

O Kandɔɔ 47:24

Kɛ te la kow pɛ, la yɔngu Faraɔnnɔɔ ipilɛ o kunda ŋuɛɛnu oo kunda ŋuɛɛnu coo. Mì kundala hiɔɔlu-hiɔɔlulan la lo le yɛiye a le balo niaa niaa pilaa, le balo cuavaa niaa a le balo vanaa vanin niaa o bɛngu coo-a kpow.»

O Kandɔɔ 47:26

O sɔɛi ken coo, mí Yosɛf handu tɔŋndo le lɛŋnde Esipte len kpow, tɔŋ kon co vɔ háá hau: vana-vana kow pɛ ciɛi ndɔɛi, o soli ipilɛ o ŋuɛɛnu oo ŋuɛɛnu coo le Faraɔnnɔɔ. Fɔ yondola vanaa-solia-lasálàá kínɛí la luei o ba masa kon bɛngu le ni.