Tɔŋ miingua 26:10 - BII BILA

¹⁰ Lelan Mɛlɛka, sisa tofa vɔ mɛɛ ya cuu nɔm kɔmnde tasele ya sɔla o tɔlɔɔlan nin-nden yɛ, tɔlɔɔla ya tɔl o lɛŋnde n ke ya len coo lan pɛɛn.› O kon, o kɛsi ɲɛm mun Mɛlɛka Hala ndɔɔ o hɔl, o baŋ vulan ndu o labɛngunin le ndu biiloo.

Tɔŋ miingua 26:10 Referans Kwoze

Dɛnnda cɔɔmuanndan 22:9

Kɛ mó dimul-la aa: «Tosa lende le! Caan nɔm niaa co baala pilɔɔ tosaa-o ya co ni, caaŋoo puapilɛa nɔmnda, vanaa-tɛɛngaa-diom Hala-a pɛɛn, a vanaa co sɔɔn sɛbɔɔ ho biyɔɔ-a. Hala n bɛnda le vulan baŋɔɔ o labɛngunin ni.»

1Korɛntea 10:31

Lelan, o va dio, o va kolɔɔ, te kon te ɲɛ-ɲɛ niaa va pɛ tosaa, la tosa ndu mì Hala sɔla biiloo.

Rɔmnda 2:1

Éé nɔm vanacieo! Nɔm co yaman caanda kiolɔɔ-o, mɛ̀ɛ́-mɛ̀ɛ́ n va, a nɔ mɛɛ kɔɔsaa le, kani le dɛnɛ n co yamɛi caanda kiolɔɔ-o, nɔm bɛɛ co ndu tosaa, mɛɛ nɔm pila cii yaalan.

Esai 66:23

O kafo paangii sɛnɛi oo kafo paangii sɛnɛi coo, o paale pɛngiaa oo paale pɛngiaa coo, vana-vana vanin hunɔɔ vulan baŋɔɔ ya o labɛngunin. Ya Mɛlɛka dimi lende ni.

Talelan 3:9

Biilu Mɛlɛka a ɲɛm nɔmndon, mà yɔngu ndu ɲɛm tasen n co sɔlaa o vali nɔmndo nin-ndon.

Condii lisai 95:6

La luɛi mì n tundun, mì n piɛinun, mì n baŋnun vulan Mɛlɛka cɔw naa-o o labɛngunin.

Condii lisai 86:9

Vanaa-mangalaa-isɔɔa n cɔw-va kpow a hunnin mà baŋ vulan nɔm o labɛngunin Maalii, a sangalanin diola nɔmndan.

Condii lisai 22:29

Kani Mɛlɛka nɔ masalen o ba ni, ndu o ba bɛngu vanaa-mangalaa-isɔɔa kpow a co ni.

Condii lisai 22:27

Vanaa bala fondoa dianin mà pim, vanaa co Mɛlɛka nuwviaa-a sangalanin ndu. Màá la viow yoomu!

1Dɛnnda lemasalan 29:14

Kani yɛɛ ya David co yɛ, yɛɛ vanaa nia a co yɛ le nɔm ɲɛm-kéan yɔngoo a kɔlta naalan nuaa? Nɔm o ba ɲɔɔn kpow n fula ni, ɲɛm mun koni naa n co nɔm vɛlɛ yɔngoo ni.

Tɔŋ miingua 26:17

Niaa pila dimi hau ni maa Mɛlɛka vanin Hala niaa, maa la kelanin o nɛila ndɔlan coo, mì la bii tɔŋnda ndɔlan, silala ndɔlan, pɛɛkula ndɔlan a diom ndɔɔ.

Tɔŋ miingua 26:4

O kon, vana-solia-lasálàá bii ndu kambɛi kon o ba, o kɛsi ndu o fonda-loamaa-lasálà Mɛlɛka Hala niaa-o o hɔl-ndɔ.

Tɔŋ miingua 26:2

vana-vana faŋa ɲɛ pum o kulun tasen o sɔlanin o tɔlɔɔ ndɔɔ nin o lɛŋnde len nin-ndon nin, o vow mun o kambɛiyo nin, o kɔɛ a mun o fonda Mɛlɛka hɛlinin le diola ndɔlan vaa biilɔnndo-o.

Tɔŋ miingua 18:4

La bɛnda vɛlɛ mi la yɔngu nda ɲɛm tasen niaa vanin sɔlaa o valta yondolan nin-ndon: malun tason, mɔima tasean a cuɛima tasean, mì la yɔngu vɛlɛ nda yiiŋii niaa vanin kiolɔɔ saa niaa tasea lekɔɔ-e.

Fulaa 22:29

La bɛnda vɛlɛ mì la yɔngu ya cɔlua piaandua tasea cɔlua niaa koam-nda: nawva, saa a cuinnda. Te kalaa ndaa kom nda pɛ, a bɛnda mà lo nda ikɛi háá palɛi ndii ŋɔmmɛw. Kɛ o paale ŋɔmaandɔlen coo, la bɛnda mì la yɔngu ya nda.

Fulaa 23:19

La bɛnda mì la kɔɛ a ɲɛm tasen niaa koawnin o ciɛɔn niaan nin-ndon o Cɛi-Mɛlɛka Hala niaa nin. La yaw cuin cuaa o mɛɛma kala ndɔan nin te.»

Tɔŋ miingua 8:18

La bɛnda mì la loonun maa Mɛlɛka Hala niaa co niaa yoomuan yɔngoo le ɲɔɔn sɔlaa ni. O co kon tosaa hau le kpema o cuel fuɲaa niaa mamaa-o peeloo le niaa, ciɛ́ɔn o cuel nda mó mɛnan, mó yiilu nda kpemaa-on pɛɛn.

Talelan 10:22

Duaa Mɛlɛka-o kínɛí siinguu vana vana bolofaa ni. Kindikindin vanacieo cɔɔlu ɲɛ-ɲɛ lecoo le.