Tɔŋ miingua 24:1 - BII BILA

¹ «Te vanapɔnɔɔ pum yil pɛ lanɔɔ, o calii ndɛi nin, mì vanapɔnɔ kon ce káà vɔɔndo pum o kela laa ndɔ kon nin, te kaola lanɔ kalaa cuu pɛ vanapɔnɔ kon o kɔl, o tiwba mo sɛva sɛbɛ tɛɛmbua nɔu, mò yɔngu ndu, mò soli ndu o ndu lo cɛinin.

Tɔŋ miingua 24:1 Referans Kwoze

Yeremi 3:8

Mí yɔngu Israɛl lo o lediom coo loo sɛbɛ tɛɛmbua nɔu le suunda o suunda-o, mí ca maa puapilɛ ndɔɔ Yuda yɔŋ isiòòn te, mí ndu bɛɛ kɔa, mó laasian lende.

Esai 50:1

Mɛlɛka soo mó ɲuna aa: «Ɔ́ɔ̀ sɛbɛ lesei ya ke kala niaa le cɔmndo maa i kɛɛ ndu o nɔ̀u nin-ndo? Te kon te, o vanaa ya nɔ kueela ndalan-nda tɛɛn, ɔ́ɔ̀ vanaa ya pisi niaa ndu o ba-o? La tuei-yɔ, le yɔŋnda vɔɔnnda niaalan niaa pisin ni. Le hakila niaalan ya kɛɛ kala niaa ni.

Tɔŋ miingua 22:29

vanapɔnɔ suunda kon a cua pilaa-o bɛnda mò luɛi bɔnɔ, mò yɔngu fuɲaa cuaa volin latámán beleŋuɛɛnu, mò cua vɛlɛ cuaambɔ kon o nɔ̀u nin. Kani kpuvaa o kpuva ndu ni, handɔɔ o kon coo, háá mo vi o bɛnda lɛ mo kɛɛ ndu le few.

Tɔŋ miingua 22:19

A luei ndu bɔnɔ volin latámán kɛmɛ, a yɔngu fuɲaa cua kon volin mun. Kani po kon tɛɛmbuu cuaambɔ lembu Israɛlnɔ hiw-vɔ vanapɔnɔ kɔɔli loo diolan, mó sui ndu poopoo. Lelan, le lɔ́ɔ́-lɔ́ɔ̀ nin, te po kon co vɔ pɛ yoomu, laa ndɔ cua kon co va ni. O nɔ lɛ di oo di mo kɛɛ ndu le.

Tɔŋ miingua 22:13

«Te vanapɔnɔɔ pum yil pɛ lanɔɔ, mò sina ndu vanalanɔ, o kon kɔɔli, mì kaola laa ndɔ kon cuu ndu o kɔl,

Tɔŋ miingua 24:3

hali kaola ndɔɔ cuu bɛɛ pɔnɔ ndɔ diinndɔ o cal kon o ba-o o kɔl, mì pɔnɔ kon bɛɛ sɛva sɛbɛ tɛɛmbua nɔu, mò yɔngu ndu, mò soli ndu o ndu lo cɛinin, te kon te pɔnɔ ndɔ diinndɔ kon vu bɛɛ,

Fulaa 21:10

Te vana ndɔ bɛndoo cii nin pɛ ndu cua maa laa ndɔ, mò yil vɛlɛ lanɔ celen o ndu kɔɔli, vana ndɔ bɛndu kon bɛnda mò dɔɔnial ndu ɲɛ-ɲɛ hiovɔɔ lanɔ kon coo le, o va o ɲɛdiaa nin, o va o ɲɛ cuɛinan nin, o va o kpelemɔɔsaa nin.

Luke 16:18

Vana-vana kɛɛ pɛ laa ndɔ, mò yil o celen o nɔ̀u nin, mɛɛ o suunda. Vana-vana yil vɛlɛ pɛ vanalanɔ pɔnɔ ndɔ kɛɛ-o o nɔ̀u nin, mɛɛ ndu bɛɛ, o suunda.»

Matie 1:19

Nduyɛ, vana sandaa Yosɛf pɔnɔ ndɔ va ni. Ndóò yeema le Mari diolan tɛɛmbuu le, o kon mó yiyan le ndu kɛɔ o vionnɔnndo nin.

Malasi 2:16

Kani ya Mɛlɛka Hala Israɛlla, ya dimi ni aa: Nɔ piɔlɛiyo nɛinun ya bɔɔ. Kani dɛnɛ kɔlvesɛiyo co kon ni. Ya Mɛlɛka-Nɔ-Kpaayaa-Kpow-vo dimi lende ni. Lelan niaa pila la mandan taw, la fáŋàn o diomnda niaalan coo le.»

Tɔŋ miingua 21:15

«Te vanapɔnɔɔ pum nɔ pɛ laandua nda ŋiɔn, mò kaola o pilɛ hiovɔɔ o pilɔɔ coo, mò velu hɔ́aa piaandua a laandaa ndɔa ŋiɔŋaa kan kpow, te lanɔ o kaola taw loo vilul ndu po tasoo ni,

Kundalan 5:12

«Soo o Israɛlla lo ma dimul nda aa: ‹Ɲɛ niaa bɛnda le tosaa-o co hoo ni: te vanalanɔ co o nɔu-vo pala pɛ pɔnɔ ndɔ, mò hiŋ ndu hɔlla,

Kundalan 5:28

Kɛ te o va pɛ maa vanalanɔ kon nɔɔlian Mɛlɛka o hɔl a dɛnɛ kon te, maa o connun o diandaa, mɛɛ sendío nɔla mò bii ndu le, o nɔla vɛlɛ mò velu cuawva.

Tɔŋ miingua 24:2

Kɛ te vanalanɔ kon faŋan pɛ ndu o ba, mò kɔ cal o nɔu pɔnɔ celen o ba,

Yeremi 3:1

Mí Mɛlɛka dimi aa: «Te vanapɔnɔɔ kɛɛ pɛ laa ndɔ, mì laa ndɔ kalaa faŋan ndu, mò kɔ cal vanapɔnɔ celen o ba, vɛ̀ɛ̀ o kɔa lɛ vɛlɛ lanɔ kon kɔɔli? Vɛ̀ɛ̀ lɛŋnde len le nɔɔlian a kela vaa lende le? Nɔm Israɛl-lɛ, a nɔɔlian a vanaa sɛ́lɛ́ bɛndua co suundaa a nɔm-nda. Nduyɛ, a yeema vɛlɛ le muungoo o ya lo! Ya Mɛlɛka co sɔɛi nuaa ni.