Tɔŋ miingua 23:9 - BII BILA

⁹ Cuavaa vanaa-mangalaa-isɔaa sala tiɔŋaa kan a nɔla mà kandu luɛyɔɔ o kunda Mɛlɛka-o nin o lambi yàándɔɔ.»

Tɔŋ miingua 23:9 Referans Kwoze

Yosue 6:18

Kɛ la mandan a ɲɛm co o tanaa bɛngu-on, te la cua ɲɛm niaa bɛnda le cua loon pɛ, n kuunan naa-on pɛɛn, mɛɛ dɛnɛ palaa bɛndoo toalnin Israɛlla coo o dɔ́ɔ́ngɔ́ ndaa nin le ken.

2Dɛnnda lemasalan 19:4

Yerusalɛm ciee Yosafat va icali ni. Mó kei o lɛŋnden nin, kandɔɔ Bɛɛr-Seba háá o tàndá n'pembu Efraim-ndo nin, le Israɛlla dimullo ma muungu Mɛlɛka o ibuŋ, Hala fuɲaa ndaa mamaa pɛɛn.

Masaa kialaa n'yamaa 20:26

Mí Israɛlla kpow a kɔ cal Mɛlɛka o hɔl Betɛl, má caŋ. Má niinu ɲinkon kpɛŋ o sumndo nin. Má solul Mɛlɛka sálàla loamaalan a sálàla kɔlɲululan.

Luke 3:14

Mí vanaa cɔwva bɛɛ ɲuna ndu aa: «Naa yɛ, yɛɛ naa n tosa yɛ?» Mó mulul nda aa: «La del vana coo le, la cua ɲɛ vana a lakafa le, la hìní kɔl a sala niaa.»

2Dɛnnda lemasalan 31:20

Ɲɛ Esekia tosa o tàndá Yuda-o nin-ndo yɔŋnun kon ni, mó tosa ɲɛ bɛnda-o, dɛnɛ sandaa a toɲaa Mɛlɛka Hala ndɔɔ o hɔl.

Tɔŋ miingua 23:8

Kɛ la nɔ́ nɛyɔnndo a Edɔmnda le, bau puapilɛa niaa nda co ni. La nɔ́ vɛlɛ nɛyɔnndo a Esiptea le, bau la va icali o lɛŋnde ndalen nin.

Tɔŋ miingua 23:10

«Tuma niaa kuelnin yaamɔaa niaa a cɔwvo-o, la bɛnda mì la mandan a dɛnnda nɔɔlɛilan kpow.

Esai 56:3

Mial yiinun a Mɛlɛka-o bɛnda mò dimi le aa: «Mɛlɛka faŋanin ya lekɛ́ndɛi vanaa ndɔa coo.» Vanapɔnɔ nda tɛnda bosio-o bɛnda mò dimi le aa: «Ya ya, yɔm vesɛiyo ya co ni.»