Tɔŋ miingua 23:4 - BII BILA

⁴ Le fɛɛn a fɛɛn, Amɔnnda a Moabua a bɛnda mà luɛi o kunda Mɛlɛka-o nin te, hali cuavaa ndaa o lambi tɔ́ndɔɔ a lueinin lenin te.

Tɔŋ miingua 23:4 Referans Kwoze

Nehemi 13:2

Kani a bii sindɛ Israɛlla le, a ke nda ɲɛdiaa le, a ke nda mamɛm le kolɔɔ le. Mí Moabua hiaw Balaam kɔɔli, má ke ndu volion le Israɛlla dangaa dɔvɔɔ, kɛ mí Hala naa mangala danga kalaa duaa.

2Piɛr 2:15

A faŋan o nɛi sandaa coo, má del Balaam po Bosɔr-o kɔɔli, mí ndu fula sala dɛnɛ vɔɔndo hɔlten,

Matie 25:40

O kon masaa mululnin nda aa: ‹Mì dimul niaa toɲaa, telen oo telen niaa va o hiow dɔɔnanndo o puapilɛa nia ha tɛɛn-ndo dɛnnda lan tosallo, ya niaa va tosal kon lende ni.›

Sakari 2:8

Mó dimul ndu aa: ‹Ɲaanun mà kɔ soo o langbanɔ felengi co hoo a yoole tuvaalen o ba o nda-o lo, mà dimul ndu aa: Yerusalɛm vanin kobi nɔ kpaki loo, le vanndacieea a cɔlua vanin lenin sɛ́lɛ́ bɛndoo taw-taw va.

1Masaa 18:4

Telen kon kpeekpei Yesabɛl va vanaa-tɛɛngaa-diom Hala-a diwvo ni. Mí Obadia cua vanaa-tɛɛngaa-diom Hala-a n'van kɛmɛ, mó kɔ vian nda kundalan tan tiɔn o buululan nin, ba pilɛ n'van beleŋuɛɛnu, baa pilɔɔ vɛlɛ n'van beleŋuɛɛnu. Mó va nda mɛnndan a baloo yɔngoo.

1Samiɛl 25:11

Bàà mì cua bulu nuu, mɛmma nian, a visin nin ya yaw le vanaa co cɔlua nia yiinde kilio-a-on, mì yɔngu vanaa ya sina nɛɛ nda fula-a le-a mun?»

Kundalan 23:7

O kon, mí ndu Balaam soaa o ɲamakalalen nin aa: «I va Aram mí Balak veelu ya nanu. I va o tàndá n'pemboo nin nɛɛ paalen le can-nda, mí masaa Moab cuu ya nanu. Mó dimul-la aa: ‹Hun dow ya polale Yakɔb len danga, hun ma hun vueinun Israɛlla le ya.›

Kundalan 22:17

aa o yɔngunin nɔm bɛɛlen mò tosa ɲɛ-ɲɛ n ɲunanin ndu. Kɛ aa, yandi, nɔm kɔ ma kɔ dow ndu vannda ha danga.»

Dɛnnda kiilaa 9:4

Mí Sol del lɛŋ, mó tuɛi diomndo pum ndu dimullo aa: «Sol, Sol, le yɛɛ nɛ n co yɛ ya yɛlen tol-lo?»

Esai 63:9

O sangala ndalan kpede nin, (sangala yɔŋnun maa ɲɛ kindilaa hali le ndu pila lan), mí Mɛlɛka nɔ co ndu o hɔl-lo ciindiaa nda. O kaola ndɔɔ a o ɲíí ndɔɛi nin, mí ndu pila baŋa nda, mó mala nda, mó siilun nda o palɛi hiow paandu-e kpow nin.

Yude 1:11

Dɛnɛ palaa co le nda! Kani o nɛi Kaɛn-ndo coo nda co kɔlan ni, maa mɛɛ Balaam luɛi o pɔwlan nin le tɔnɔɔ sɔlaa yɛ koni nda tosaa ni. Má sɔla piɔ́mndo le tùú nda cɛn a nila kalulan maa Koore-o.

Yosue 24:9

Mí Balak, po Sipɔr-o, ó va masaa Moab-o ndu can le Israɛlla delɔɔ coo a cɔwvo, mó viam kilaa le Balaam po Beɔr-o veeloo le hunɔɔ niaa dangaa dɔvɔɔ.

Yeremi 49:1

Sɔɛi Mɛlɛka dimi a Amɔnnda o kɔɔ-e co hee ni aa: «Vɛ̀ɛ̀ Israɛlla nɔ lɛ hɔ́aa piaandu le? Vɛ̀ɛ̀ a nɔ lɛ vana cuanin kɛ ndaa le? Le yɛɛ piɔmndo Malkɔm loo yɛ tàndá Kad-o, mí vanaa ndɔa va icali o kobila co lon-ndan nin?»

Ɛsdras 9:1

«Lɔ́ɔ́ dɛnnda lan la cuu-o, mí simlacia pum sɔɔnguu ya ikɛi, má dimul-la aa: ‹Cuavaa Israɛlla, vanaa-solia-lasálàá a leviia, vana-vana sɛyan a vannda ha o lɛŋnden nden nin te. A del dɛnnda nɔɔlɛila vannda ha kɔɔli: Kanannda, Hitiia, Perisiia, Yebusiia, Amɔnnda, Moabua, Esiptea a Amoriia.

Cɛɛŋɔnnda Yeremi lan 1:10

Yaamɔɔ handu baa o ɲɛm ndɔn sɔvɛn ndóò nɔ-on kpow coo. Hali vanaa-mangalaa-isɔɔa, à nɔm óò kuuna luɛyɔɔ vanaa nɔmnda tɛɛn-nda, mó ca nda luɛyɔɔ o Cɛi nɔm diandaa nin.

Esekiɛl 44:9

Lelan Maalii Hala dimi maa vana súú celen oo vana súú celen, o kɔl ndɔɔ mangalan too, o dii tooma loo, o luei lɛ o cɛi-kola-toandaa diandaa nuu nin te, hali mialaa co icali Israɛlla tɛɛn-nda o pilɛ bɛɛ luei lɛ lenin te.›»