Tɔŋ miingua 22:1 - BII BILA

¹ «Taa ce pɛ naw luusian puapilɛ nɔmndo o ba-o, te kon te saa luusian ndu o ba-o, mɛi cɔlu kon ndon ma kɔɛnnun te, kɛ a bɛnda mà yoo puapilɛ nɔmndo cɔlu ndɔ luusian kon-ndo.

Tɔŋ miingua 22:1 Referans Kwoze

Esekiɛl 34:16

I nuwviaanin saa lo-o, mì mingi o luusian-ndo nanu. I cɛwnin o yɔŋnulun-ndo, mì mingi o co a naa-o yoomuan o n'dial. Kɛ i diwnin saa celulaa mayoomua. I vanin saa niaa yɔɔ diólan mɛɛ dɛnɛ sandaa co yɛ.

Esai 58:7

La piɔvan ɲɛdiaa niaa vana yiaan ma co nɛiyo-o, mì la luei vanaa bala fondoa nɔ nɛɛ calaa le-a o la niaa lo cɛinin. Te la ce pɛ vanndo a fɛ́lio, la ke ndu ɲɛ cuɛinanndo, la faŋal vanayan niaan hɔlla le.

Talelan 24:11

Baŋà vanaa nda kilul yamɛi le nda diyɔɔ-a. Ciindiaa nda, a co kan nɔla simndan te-a, vanaa nda co kɔlan le nda diyɔɔ pɛɛn.

1Piɛr 2:25

Kani maa saa luusian-nda niaa va ni, kɛ sunsun la muungu vana co niaa mandaa-o o ibuŋ, ndu co kɔlta niaalan mandaa ni.

Matie 15:24

Mí Yeesu muli aa: «O saa laasian fulaa o cɛi Israɛl-lo nin-nda lo daama ya sɔla vomɔɔ ni.»

Matie 10:6

kɛ la kɔ o saa laasian o cɛi Israɛl-lo nin-nda lo.

Esekiɛl 34:4

La luei saa nɔ mayoomu le-a yoomuan te. La cɛw a va a nààlan-nda le. La hol pavii a yɔŋulun-nda le. La mingi a va laasianndo-a a tɔ̀a coo le. La nuwviaa a luusian-nda le, kɛ mí la cal nda coo a kpaayaa, a paa-kala.

Esai 8:17

Ya ya, i co Mɛlɛka tofa, o vin cuavaa Yakɔb-a hɔlaa ndɔa-o pɛɛn. Ndu ya tiindan ni.

Talelan 28:27

Vana ke pɛ vanaa bala fondoa, ɲɛ-ɲɛ ve ndu lepɛŋ te. Kɛ vana kɛɛ pɛ le nda tofaa, dangalan taw la co le ndu ni.

Tɔŋ lasálàá 20:4

Te vanaa vana soli kon hɔ́ɔ́ ndɔɔ sálà o Molɛk lo-o co tɛɛn-nda cɛlan pɛ le ndu isulal kumbɔɔ, mà kɛɛ le ndu viiyo a powtan le ndu diyɔɔ,

1Korɛntea 9:9

Kani o co o sɛvaa o tɔŋ Mɛlɛka ke Moise-o nin aa: «Yii nawvo sondoo lɔ́ɔ́ o co maalon nɛiyo-o le.» Vɛ̀ɛ̀ Hala buulan pá le nawva?

Tɔŋ lasálàá 6:3

Mì vana-solia-lasálàá vownun doma ndɔ bɛndu toosian a kola keesoo-o, mò vownun vɛlɛ lɛmbɛla lebɛngula toosian a kola keesoo lan, mò faaŋiaa pulta cal o yinnde sálà loamaa o fonda-loamaa-lasálàá coo lan, mò dii lan o fonda kon ikɛi.

Tɔŋ miingua 22:2

Te nɛɛ n co icali-a bandu pɛ taw a nɛɛ puapilɛ nɔm nɔ cɔlu kon-ndo co-a, te kon te taa sina vana cɔloo le, a kɔɛ a cɔlu kon o nɔm ndo, a manda ndu háá mi vana cɔloo hin ndu kɔɔli. O hin pɛ, a mingul ndu cɔlu ndɔɔ.

Talelan 27:10

Mal caan nɔm te, mal vɛlɛ caaŋoo fuɲa nɔm te. Kɔa o bɛ nɔm ndo, te kon te o pɔmbɔ nɔm ndo paale dɛnɔɔ co nɔm pala len te, kani vana niaa cɛɛlian caltan-ndo co fisa a bɛ nɔm, te kon te a pɔmbɔ nɔm co levil-lo.

Sakari 7:9

Nuaa Mɛlɛka-Nɔ-Kpaayaa-Kpow-vo soo ni mó dimi aa: La kiolu yaman o sandei nin. La vá vanaa kɛndɛa niaa pila tɛɛn, mì la tuinan ɲííye vellaa-velle.