Tɔŋ miingua 21:8 - BII BILA

⁸ Lelan, a yandi Mɛlɛka, mal vanaa nɔmaa n baŋa-a haki, naa Israɛlla pɛɛn. Síílùù naa sɔɛi piɔ́m vana tɛɛmbuu isɔɔ loo le yandi.› O kon, a sɔla hakio malɔɔ a dɛnɛ piɔ́m vana kon o kɔɔ.

Tɔŋ miingua 21:8 Referans Kwoze

Yonas 1:14

O kon, má koŋul o Mɛlɛka lo, má dimi aa: «Éé Mɛlɛka! N co nɔm tɛɛlun, dii naa kpede le langbanɔɔ ho ndu pilɛ le. Handu vɛlɛ naa piɔ́m vana tɛɛmbuu isɔɔ a naa loo coo le, kani nɔm Mɛlɛka pila tosa ɲɛ hɛnan nɔm-ndo ni.»

Matie 23:35

haliko mi dɛnɛ piɔ́m vanaa tɛɛmbuu isɔɔ le-a del niaa o lebol, vanaa nda diw o lɛŋnden coo-a pɛɛn. Kandɔɔ a piɔ́m Abɛl vana sandaa-o, kɔ bii háá a piɔ́m Sakari, po Berekia-o-o, ò niaa dii Cɛi-Diandaa a fonda-loamaa-lasálàá tɛɛn-ndo.

Esekiɛl 23:3

Má luɛi suundaa o lɛŋnde Esipte len nin, a va vɔ cuaambɔa lemboa má luɛi suunda kon. Lon nda vɔɔciaa nda mɛɛyan o ibuŋ ni, lon vannda piilian takpala ndala vanapɔnɔ ndóò pilan-ndɔ le lan ni.

Yeremi 26:15

Kɛ nduyɛ, te la dii ya pɛ vana tɛɛmbuu isɔɔ loo, niaa, kobio ho a vanaa co lenin-nda kpow sɔɛi ken co va o lebol ni. Kani lekɛ́ndɛi, Mɛlɛka vem ya o niaa lo ni, le niaa sɔɔn mun dimullo mì la tuei mun.»

Condii lisai 19:12

Mɛlɛka, o tɔŋnda nɔmndan nin ya vana nɔm baalaa, co pɛɛkulan sɔlaa ni. Vana bii lan pɛ, ndu sɔla malaa taw.

2Masaa 24:4

a le kooma vanaa ndóò diw mí ndóò pei Yerusalɛm a man-ndan. Nduyɛ vanaa kan ndáà tɛɛmbuu isɔɔ le. Mɛlɛka cɛl le haki kon malɔɔ le few.

2Samiɛl 3:28

David tueyɔɔ dɔ́ɔ́ sɔɛi ken, mó dimi aa: «Mɛlɛka sina maa i nɔ laba o piɔ́m Abnɛr, po Nɛr-o sɔla hoo-o nin te. Masale nilen bɛɛ le nɔ laba lenin te.

Tɔŋ miingua 21:7

A cii pɛ tosa lende, a dimi aa: ‹O co bala naalan te la soli koovan man te. Hɔlta naalan la ci ɲɛ-ɲɛ o dɛnɔɔ ho nin te.

1Masaa 2:31

Mí masaa dimul ndu aa: «Mɛɛ kɔ tosa mɛɛ ndu pila dimi yɛ, kɔ dii ndu mà kumbu ndu, haliko mi n sɔla hakio malɔɔ naa polale fuɲa nuu le vanaa ŋiɔŋaa Yoab kon dii haa fondo fúú-a:

Tɔŋ lasálàá 17:4

o bɛnda mò hin-ndɔ fɔlɔn a cɔlu kon o cɛi-kola-toandaa-labɔɔŋianndo sondoo, mò cɔm ya Mɛlɛka ndu o Calta nilan hɔl-ndɔ maa sálà. Te o hin a ndu le, o dii ndu pɛ a ba ndɔ lende, mɛɛ o del kasi le kooma o soli man ɲɛ yoomaa-an. Kani o co mɛɛ tɔŋndo dimi yɛ le o dii cɔlu kon te. Lelan, a bɛnda ma faŋa vana kon Israɛlla tɛɛn few-few.