Tɔŋ miingua 21:5 - BII BILA

⁵ O kon, vanaa-solia-lasálàá, poaa imamaa Levii-a sɔɔnguu, kani nda Mɛlɛka Hala niaa hɛli le baala ndɔɔ tosaa a le duaa dɔvɔɔ o diola ndɔlan ni, nda kialu yaman le cɔlɔbalan a le yɔŋulɔnndan ni.

Tɔŋ miingua 21:5 Referans Kwoze

1Dɛnnda lemasalan 23:13

Poaa Amram-nda a yɔŋnun Aarɔn nda Moise ni. Má kɛsi Aarɔn nda polale ndɔlen teengen le lɔ́ɔ́-lɔ́ɔ̀, le ɲɛm diandaa-diandan mandaa, a le Mɛlɛka sálàlan solullo, le baala ndɔɔ tosaa a le duaalan dɔvɔɔ lɔ́ɔ́-lɔ́ɔ̀ o diola Mɛlɛka lan.

Malasi 2:7

Kani kɔlkalu tɔŋ Hala-o bɛnda mò va vana-solia-lasálàá o sondo ni. Ndu vannda hun ɲunaa a tɔŋndo o kɔɔ ni, kani kiila Mɛlɛka-Nɔ-Kpaayaa-Kpow-vo-o o co ni.

Tɔŋ miingua 10:8

O telen kon Mɛlɛka hɛli polale Levii len le kesu kpema Mɛlɛka-o cuaa a le simndan Mɛlɛka o hɔl ni, le baala ndɔɔ tosaa a le vannda duaa dɔvɔɔ o diola Mɛlɛka lan. Lende nda co yɛ tosaa háá paalen nden ni.

Tɔŋ miingua 19:17

nda ŋiɔn kpow a kɔɛ Mɛlɛka o hɔl, a kɔ sim vanaa-solia-lasálàá a vanaa kialaa n'yamaa vanin vali kon tosaa telen kon-nda o hɔl.

Tɔŋ miingua 18:5

Kani o polama niaan nin, Levii nda poaa ndɔa imamaa Mɛlɛka Hala niaa hɛli ni, haliko ma va vallo tosaa o diola ndɔlan o Cɛi-Diandaa nin le fɛɛn a fɛɛn.

Tɔŋ lasálàá 9:22

Mɛɛ Aarɔn cii sálà va le hakio sɔlaa malɔɔ-o, sálà loamaa a sálà kɔlɲuloo soli, mó heelu bala ndɔlan coocoo, mó dɔaw Israɛlla kpow duaa. O kon mó faŋan o fonda-loamaa-lasálàá coo, mó toal lɛŋ.

Tɔŋ miingua 21:4

a kɔɛ a ndu o pee pɔmbɔɔ vela telen oo telen too, o fonda nda tosa vali loo, o fonda nda seŋ latɔlɔɔ loo, a yem ndu kɛsei lon.

Esekiɛl 42:13

Mí langbanɔ kon dimul-la aa: «Cɛila pɔmbɔla leninnda co lan a maluaŋ-ndan a cɛila pɔmbɔla leninnda co lan a ba too o fonda connun fondo-o laci lan, cɛila diandaalan la co ni, lon vanaa-solia-lasálàá, a co sɔɔnguuo Mɛlɛka ikɛi-ya vanin ɲɛm dian diandaa-diandan dioo ni. Lon nda vanin ɲɛm diandaa-diandan, sálàla kpeyanndan, visin cɔlu sálà co le hakio sɔlaa malɔɔ-o-on a visin sálà bɛɛndiaa isɔɔn kɛsio ni, kani o diandaa fonda kon co ni.

Esekiɛl 44:24

Te kɔɔsɔ va pɛ, nda bɛnda le yamɛi kiolɔɔ ni. A kialunin yamɛi mɛɛ dɛnɛ sandaa ya cɔm nda-o co yɛ. A kelanin vɛlɛ o tɔŋnda nilan a o silala nilan coo o kafola ndalan tosaa nin, a canin palɛi nii pɛngiɛi maa idiandaa i co ni.

2Dɛnnda lemasalan 19:10

Telen oo telen puapilɛa niaa co o kobilan nin-nda komal niaa pɛ a sɔɛi, o va sɔɛi diyaa vanaciee, o va sɔɛi tɛɛmbua tana, te kon te tɔŋ, o va sɔɛi naamu, o bɛnda mì la cɔm nda toɲaa, yɔŋii nda del kasi a Mɛlɛka, mò tambu kɔl a niaa a á puapilɛa niaa kan. Lende niaa bɛnda le tosaa ni, o kon sɔɛi venin niaa kuee le.