3 o dimul nda aa: ‹Israɛlla, la yaŋ nilan. La co hau sɔɔnguuo le yaamɔaa niaa cɔlɔbaa, lelan, la vu n'dial te. La yɔŋ isiòòn te. La yɔŋnun yoloma-yoloma nda o hɔl te.
Siòòŋii bii nɔm le sanga n hun sɔlanin-ndo le. Masa ɲinaa vɔɔnda malnin vanaa pum niaa tɛɛn o kaasoo le niaa kɔlɔɔ solio, mì la sɔla sangaa le palɛi tɔ́. Lo o nɛiyo coo háá ma vi, i yɔngunin nɔm mɔsil yoomaa.
La kindín, vana-vana mìngì dɛnɛ vɔɔndo a dɛnɛ vɔɔndo le, kɛ la vá dɛnɛ kɛndɔɔ tosaa niaa pilaa tɛɛn lɔ́ɔ́-lɔ́ɔ̀, mì la vá ndu vɛlɛ tosaa a vanaa celen.
mó dimul-la aa: ‹Siòòŋii bii nɔm te Pol. Mɛɛ mà kɔ sim masaa Sesar o hɔl. Tofa vɔ, Hala tosal nɔm dɛnɛ kɛndɔɔ niaa vanaa niaa co kɔlan o mɛnndan coo-a kpow.›
Mó dimul nda aa: «Siòòŋii bii niaa le, Yeesu Nasarɛt niaa co nuwviaa ni, o ndáà baŋ o yɔm singafilaa coo-o. O tendu fulaa vanvílɛ́iya tɛɛn, o co nanu le, la tofa vɔ fonda ndáà yambu ndu-o.
Le hee, la tuei-yɔ sɔɛi Maalii Hala dimi-e: «Tofa vɔ, i tɔl powvo Siɔn le vaa pow kilaa cɛiyo, mí fula pow kalaa kɔɔli kɛ mí ca maa o nɔ isɔw le. Pow lebol kendu vɔngoo taw-vo o co ni, o co o tɔalaa ɲɛkɛndɛi, vana-vana tiindan pɛ pow kalaa, o yɔŋnun yoloma-yoloma mò sɔndan te.
«Lɔ́ɔ́ niaa kɔanin o cɔwvo le yaamɔaa niaa cɔlɔbaa-o, te la ce pɛ soa ndaa, ɲɛla ɲaanannda ndala soa nan-ndan a vanaa ndaa cɔwva sɛ́lɛ́ bɛndoo hiovɔɔ a niaa coo, la yɔŋ isiòòn te. Kani Mɛlɛka Hala niaa, o soli niaa Esipte-o co niaa ikɛi.
A tiiya pɛ, a dimul ndu aa: ‹Kɛsi kɔllo, siòòŋii bii nɔm te. Kɔl nɔmndo fula mayoomu le kilin biyan miunndon mun te. Vu n'dial le kɔltuw Resin-ndo, kɔltuw Aramiia a le kɔltuw po Remalia-o le.
Mí Moise mulul nda aa: «La yɔŋ isiòòn te. La sim yili mì la mɛɛndan. La canin hau mɛɛ Mɛlɛka co niaa ciindiaa yɛ. Esiptea niaa co haa cɔu sisa-a, la ci lɛnin nda le fɛɛn a fɛɛn te.
Kɛ nduyɛ, la simul Mɛlɛka le. La yɔŋ vɛlɛ siòònde a vanaa co o lɛŋnde len nin-nda le. N co lakɔ nda miɔɔnɔn maa dɔɔma, kani a co lɛ o levundu bɛngu le, vundule va nda kandaa len le faŋan nda coo, naa yɛ Mɛlɛka co naa ikɛi. La vo nda le few.»
La tofa vɔ, Mɛlɛka Hala niaa mal lɛŋnden niaa o ba. Lelan, la kɔ mì la kɔ hiɔlu len mɛɛ Mɛlɛka, Hala fuɲaa niaa mamaa dimul niaa ndi yɛ. La yɔ́ŋ isiòòn te, la ɲííyà le.›
Ndu ndu, kpaaya vanndacieea co ndu o ba ni, kɛ naa naa, Mɛlɛka Hala naa co naa ikɛi ni le naa malaa a le cɔwvo tosaa le naa.» Mí sɔɔn Esekia masaa Yuda dimi mun-ndon luei vannda yoomuan.