Tɔŋ miingua 20:1 - BII BILA

¹ «Lɔ́ɔ́ niaa kɔanin o cɔwvo le yaamɔaa niaa cɔlɔbaa-o, te la ce pɛ soa ndaa, ɲɛla ɲaanannda ndala soa nan-ndan a vanaa ndaa cɔwva sɛ́lɛ́ bɛndoo hiovɔɔ a niaa coo, la yɔŋ isiòòn te. Kani Mɛlɛka Hala niaa, o soli niaa Esipte-o co niaa ikɛi.

Tɔŋ miingua 20:1 Referans Kwoze

Tɔŋ miingua 31:8

Mɛlɛka pila vanin kɔlan niaa laci, ndu pila vanin niaa ikɛi. O faŋannin niaa ikɛi le, o melnin niaa le. Lelan, siòòŋii bii niaa le, la ɲííyà le.»

Condii lisai 20:7

I sinà nihau maa Mɛlɛka baŋa masa o pɔla-o. O lo o Cɛi ndɔ diandaa nin o halataala, mó va ndu mulullo a kpaaya ba ndɔ kɛndɔɔ.

Tɔŋ miingua 31:6

Lelan, la lueinun yoomuan mì la sim yili. Siòòŋii bii niaa le. La ɲiiya nda o hɔl te. Kani Mɛlɛka Hala niaa pila co va kɔlan a niaa latulu, o faŋannin niaa ikɛi le, o melnin niaa le.»

Rɔmnda 8:31

Vɛɛ naa n dimi yɛnin vɛlɛ a ken o kɔɔ? Te Hala co pɛ le naa, nɛ̀ɛ́ cɔlɔba yɛnin naa?

Esai 43:2

Te la va pɛ mɛnndan taŋɔɔ, i co va niaa ikɛi, mɛmma peela bɛnduan bɛɛ, la koelinin mì la lo lenin te. Hali la va bɛɛ kelaa o yinnden nin, le lumnin niaa le. Yelenyelen leyinndo bɛɛ lumnin niaa le.

Esai 31:1

Dɛnɛ palaa co le vanaa co tuusoo Esipte le kɔlan malaa sɔlaa lon-nda. Vanaa tiindan soa, má kɔngan ɲɛla ɲaanannda soa nan-ndan kunda bɛndoo-a. A nɔ laalanndo o yoomuma vanaa ɲaanun o soa coo-a nin-ndan-a pɛɛn. Kɛ vanaa kan co O-Diandaa Israɛlla tofa le, a co sɔɔnguu Mɛlɛka o ibuŋ te!

Yosue 1:5

O palɛi n co tosa yoomu o ceendo coo-e kpow nin, vana-vana nɔlanin nɔm simullo le. I vanin nɔm ikɛi mɛɛ ya va Moise ikɛi yɛ, i faŋannin nɔm ikɛi le, i melnin nɔm te.

Esai 7:14

Lelan, Maalii pila co niaa tɔɔmaseloo yɔngu: la tuei-yɔ, cuaambɔ laandoo cuanin folio, mò velu hɔ́ɔ́ piaandoo, ma ke ndu diolan aa Emmanuɛl.

Condii lisai 118:6

Mɛlɛka co vana co ya malaa-o ni, siòòŋii co ya a ɲɛ-ɲɛ le, yɛɛ vanndacieea nɔla yɛ ya yɔŋ?

Yosue 1:9

Ya le dimul nɔm te áá lueinun yoomuan ma sim yili? Siòòŋii bii nɔm te, vu n'dial te, kani nɛɛ-nɛɛ n kɔɛ pɛ, ya Mɛlɛka Hala nɔmndo, i vanin nɔm ikɛi.»

Condii lisai 46:11

Mɛlɛka co yondaa aa: «La sim mì la sina maa ya co Hala ni, ya co masalen tosaa vanaa-mangalaa-isɔɔa coo ni, ya o labɛngunin lɛŋnden le co ni.»

Condii lisai 46:7

Vanaa-mangalaa-isɔɔa co vɔngaa, masɛi co hiilɔnndo, kɛ Mɛlɛka co diomndo solio, mì lɛŋnden le va puusianndo.

2Dɛnnda lemasalan 14:11

O kon, mí Mɛlɛka koaŋ Etiopiia Asa a Yudaa o hɔl, má ɲaanun.

Masaa kialaa n'yamaa 6:12

Mí mɛlɛkanɔ Hala-o fulal ndu ceen, mó dimul ndu aa: «Mɛlɛka co nɔm ikɛi, nɔm kuubanɔɔ dialun fulaa ho!»

2Dɛnnda lemasalan 20:12

Éé Hala naa! Vɛ̀ɛ̀ a kilu nda iyama le? Kani n nɔ kpaaya le vanaa cɔvaa sɛ́lɛ́ bɛndua co naa ha hinullo-a simullo le, n sina ɲɛ naa n tosa le. Lelan naa n mulin o nɔm ndo le nɔm piɛiyo nuaa ni.»

Yosue 11:9

Mí Yosue tosa a nda mɛɛ Mɛlɛka ndóò dimul ndu yɛ, mó kili soa ndaa tɔndikɔɔlion, mó loam ɲɛla ɲaanannda ndala soa nan-ndan.

Tɔŋ miingua 7:1

«Lɔ́ɔ́ Mɛlɛka Hala niaa lueinin niaa o lɛŋnde niaa co kɔlan luɛyɔɔ nin le len hiɔlɔɔ len nin-ndo, te o tow pɛ Hitiia, Kirkasiia, Amoriia, Kanannda, Perisiia, Heviia a Yebusiia niaa laci, vanaa-mangalaa-isɔɔa kundala ŋɔmmɛvaa hiow niaa kan sɛ́lɔ́ɔ́ a kpaayaa-a,

Tɔŋ miingua 2:7

Kani Mɛlɛka Hala niaa dɔw niaa duaa o kpekula niaalan kpow nin, mó manda niaa telen niaa va lɛŋnde veselɛile bɛndulen nden taŋɔɔ-o. La tofa vɔ, o co nin vɔsilan belehiɔɔlu, Mɛlɛka Hala niaa co latulu a niaa, ɲɛ-ɲɛ co niaa lepɛŋ te.›

Kundalan 23:21

O ci dɛnɛ vɔɔn o Yakɔb nin te. O ci dɛnɛ sandaa lepɛŋ o Israɛl nin te. Mɛlɛka Hala ndaa co nda ikɛi. A co ndu lisaa kpeekpei le masale ndɔlen.

O Kandɔɔ 26:3

Cal o lɛŋnde len nin. I vanin nɔm ikɛi mì dɔw nɔm duaa. Kani nɔm a cuavaa nɔmaa imamaa ya yɔngunin tàndàlan ndan kpow ni. Lende ya peelunin kpema ya cuel Abraham fuɲa nɔm-ndo ni.

Tɔŋ miingua 7:18

Kɛ siòòŋii bii niaa a nda le. La loonun-ndɔ a ɲɛ Mɛlɛka Hala niaa tosal masaa Esipte a lɛŋnde len kpow-vo.

Tɔŋ miingua 20:2

Tuma niaa vanin a bɛɛndiannda le cɔwvo kandɔɔ-o, vana-solia-lasálàá sɔɔnguu, o soo o vanaa cɔwva lo,

Tɔŋ miingua 20:3

o dimul nda aa: ‹Israɛlla, la yaŋ nilan. La co hau sɔɔnguuo le yaamɔaa niaa cɔlɔbaa, lelan, la vu n'dial te. La yɔŋ isiòòn te. La yɔŋnun yoloma-yoloma nda o hɔl te.

1Samiɛl 17:32

Mí David dimul Saul aa: «Vana-vana vu n'dial le Filistinɔɔ ho le. Ya, i co lakɔ ndu cɔlɔba.»

2Dɛnnda lemasalan 20:15

Mí Yahasiɛl yonda aa: «Niaa vanaa fula Yuda a Yerusalɛm-nda kpow, kɛ taama-taama nɔm masaa Yosafat, la yaŋ nilan! Mɛlɛka dimi aa: ‹Siòòŋii bii niaa le, la vu n'dial le vanaa cɔvaa sɛ́lɛ́ bɛndua ha le, kani o co niaa le co cɔwvo tosa le, kɛ ya Hala niaa.

Condii lisai 23:4

I va bɛɛ kɔlan o ból vunduma piɔ́mndo nin, i buulan le ɲɛ-ɲɛ vɔɔn te, kani nɔm Mɛlɛka co ya ikɛi. Sionnde nɔmnden a tinda nɔmndo co ya kɔllo kɛsio.

Esai 41:10

Yɔŋ isiòòn te, kani i co nɔm ikɛi, mɛɛndian ɲalaku-ɲalaku a buulanndo le, kani ya co Hala nɔmndo ni. I lueinin nɔm yoomuan, i co nɔm mala, i malanin nɔm a ba ni kɛndɛ kpaaya bɛndoo.

Fulaa 20:2

«Ya co Mɛlɛka ni, Hala niaa pɛɛn. Ya soli niaa o lɛŋnde Esipte len nin ni, lɛŋnde niaa va nin o cɛlen nin-nden.

Kundalan 10:9

Te la tiiya pɛ o lɛŋnde niaalen nin, mì la kuel vanaa ciŋilannin niaa a cɔwvo-a, la bɛnda mì la hɔŋ bulula niaalan a diom bɛndu-bɛndoo haliko mi ya Mɛlɛka Hala niaa loonun a niaa, mì baŋa niaa yaamɔaa niaa o ba.

Tɔŋ miingua 1:29

Mí mulul niaa aa: ‹La ɲííyà le, la yɔ́ŋ isiòòn a nda le.

Tɔŋ miingua 7:21

La yɔŋ isiòòn mì la ɲiiya nda o hɔl te, kani Mɛlɛka Hala niaa, o co niaa tɛɛn-ndo, Hala bɛndoo a kpúlúnkùmaa o co ni.

Tɔŋ miingua 9:3

Kɛ la bɛnda mì la sina vɛlɛ hau maa Mɛlɛka Hala niaa co kɔlan niaa laci maa yinnde bɛndu. O tɛɛmbuunin vanaa kan, mò tosa ma ɲaanun niaa, mì la puu lɛŋnde ndalen, mì la cii nda tɛɛmbuu cɔ́-cɔ́ mɛɛ Mɛlɛka yiilu niaa kpemaa yɛ.

Masaa kialaa n'yamaa 6:16

Mí Mɛlɛka dimi aa: «Ya pila vanin nɔm ikɛi, a koaŋnin Madiannda mɛɛ vana del vana pilɛ coo nuaa ma koŋ ndu yɛ.»

2Dɛnnda lemasalan 14:10

Mí Asa piɛi Mɛlɛka Hala ndɔɔ aa: «Mɛlɛka, nɔm pilɛ kpé tiwba le vana nɔ mayoomu loo malaa a le vana mayoomoo cɔlɔbaa ni. Lelan, mala naa Mɛlɛka Hala naa, kani nɔm naa n tiindan ni. Nduyɛ, o diola nɔmndan naa n hinul vanaa cɔvaa sɛ́lɛ́ bɛndua ha ni. Mɛlɛka, nɔm co Hala naa ni, cɛl mì vanacieo nɔla nɔm te.»

Condii lisai 46:8

Mɛlɛka-Nɔ-Kpaayaa-Kpow-vo co naa ikɛi, Hala Yakɔb-o co fonda mayoomoo le naa ni.

Yeremi 16:14

Lelan, mí Mɛlɛka dimi aa: «Paale co hunɔɔ, vannda mɛnan ndɛnin aa: ‹Le Mɛlɛka yoomaa, o soli Israɛlla Esipte-o› le.

Sakari 10:5

A vanin o cɔwvo nin maa kuubaa cɔw, mà nɛw loolio o nɛi a labɛngu. Lende nda tosanin cɔwvo ni. Kani Mɛlɛka vanin nda ikɛi, lelan, yaamɔaa ndaa vanin o soa coo mì siɛmbulan la bii nda.