Tɔŋ miingua 2:9 - BII BILA

⁹ O kon, mí Mɛlɛka kanalan ya aa: ‹La cá Moabua yaamɔaa niaa le, la del nda coo a cɔw le. Kani i yɔngunin niaa ɲɛ-ɲɛ o lɛŋnde ndalen nin te. Kani cuavaa-imamaa Lɔt-a ya yɔngu lɛŋnde Ar len ni, kɛ́ ndaa co kon ni.›

Tɔŋ miingua 2:9 Referans Kwoze

Kundalan 21:15

a peela pɔmbɔla ndɔlan, la tuusu o kobio Ar lan, lan la co pɛɛngulan a lɛŋnde Moab len ni.»

Kundalan 21:28

Kani yinnden le fula Hɛsbɔn, yelenyelenndo fula o kobi Sihon-ndo nin, mó loam kobio Ar o lɛŋnde Moab len nin, mó loam ɲɛm biilaan o cieon holnun Arnɔn-ndon nin.

Condii lisai 83:8

Amɔnnda, Amalɛkea, Filistia a vanaa fula Tir-a.

Masaa kialaa n'yamaa 11:17

A lo lon, má viam kiilaa o masaa Edɔm-ndo le ndu ɲunaa mì ndóò cɛl mí ndáà kei o lɛŋnde ndɔlen nin. Kɛ o cɛl mà kei lon te. Mí Israɛlla ɲuna vɛlɛ masa Moabua ɲuna pilɛ kon, mí ndu bɛɛ kɛɛ. Le hee, mí Israɛlla lo Kadɛs.

Tɔŋ miingua 2:29

Lende koni cuavaa-imamaa Esau-va, á co icali o lɛŋnde Seir len nin-nda a vannda Moab, á co icali Ar-a mal naa hiovɔɔ ni. Lelan, nɔm bɛɛ cɛl mì n kei o lɛŋnde nɔmnden nin háá mì n kɔ taŋ peo Yurdɛn, le kɔlan luɛyɔɔ o lɛŋnde Mɛlɛka Hala naa yɔngu naa len nin.›

Tɔŋ miingua 2:5

La del nda coo a cɔw le, kani i yɔngunin niaa ɲɛ-ɲɛ o lɛŋnde ndalen nin te, hali nɛɛ kɛsiaa ipelua la sɔlanin ndon te. Kani Esau ya yɔngu tàndá n'pemboo Seir ni. Kɛ ndɔɔ co kon ni.

Kundalan 22:4

Mí Moabua dimul kaasoŋaa kɔlkalua Madian aa: «Vannda ha co hunɔ̀ɔ̀ lɛŋnde naalen tɛɛmbuu mɛ̀ɛ́-mɛ̀ɛ́ nawvo dia bil puiyaa yondoo nin nuaa yɛ.» Tuma kon, Balak, po Sipɔr-o va masalen tosaa Moab ni.

2Dɛnnda lemasalan 20:10

Kɛ má cè niko mɛɛ Amɔnnda, Moabua a vanaa co o pembon Seir coo-a co naa hinullo a cɔwvo yɛ. Tuma fuɲaa naa mamaa va faŋanndo Esipte-o, nɔm Mɛlɛka, a cɛl mà kei o lɛŋnde vanaa kan nin te. A cɛl vɛlɛ mà diw nda le. Lelan nda kpakpala nda ni.

Masaa kialaa n'yamaa 11:18

O kon kɔɔli, má can kɔlan, má va keiyo o lɛŋnde veselɛilen nin, má pilapilan lɛŋnde Edɔm-nden a lɛŋnde Moab len, má tiiya Moab a ba paalen le can-ndo. Má cal o peo Arnɔn leeloo, a luei o lɛŋnde Moab len nin te, kani peo Arnɔn va pɛɛngulan ni.

Masaa kialaa n'yamaa 11:15

má kɔ dimul ndu o diola Yɛfte lan aa: «Israɛlla helu lɛŋnde Moabua le, a helu vɛlɛ lɛŋnde Amɔnnda le.

Esai 15:1

Sɔɛi dimin le tambii lɛŋnde Moab len-nde yɔŋnun hee ni: «Ɲumma ɲɛ tambɛiyo luɛi o kobio Ar-Moab nin-ndan, o ɲumma pilɛma man nin o piɔl ni vɔ́-vɔ́! Ɲumma ɲɛ tambɛiyo luɛi o kobio Kir-Moab nin-ndan, o ɲumma pilɛma man nin o piɔl ni vɔ́-vɔ́!