Tɔŋ miingua 2:8 - BII BILA

⁸ Le hee, mí n kpakpala puapilɛa naa, cuavaa-imamaa Esau-va pɛɛn, á co icali o tàndá Seir-o nin-nda, mí n keinun lándán. Mí n kei a nɛi bóllo Araba, o cɛn Eilat a Ɛsiɔn-Kebɛr-o. Kɔlan lándán, mí n faŋan o nɛi kon coo, mí n del o nɛi kɔɛ a lɛŋnde veselɛilen Moab-o coo.

Tɔŋ miingua 2:8 Referans Kwoze

1Masaa 9:26

Mí Salomɔn cɔaw dɛ̀ndɛ̀la mamɛnndan Ɛsiɔn-Kebɛr ciee, Eilat ikɛi kpɛɛlun, nɛɛ dɛ̀ndɛ̀lan láà sim o makpɛ̀ndɛ̀an kɔngɔ o lɛŋnde Edɔm-nden nin-nda.

2Masaa 16:6

A boondii pilɛi ken, mí Resin masaa Aram mingi kobio Eilat o ba Aramiia bɛngu, mó soli Yudaa va o kobi kon nin-nda, mí Edɔmnda hun cal Eilat lon, a co vɔ icali lon háá paalen nden.

Masaa kialaa n'yamaa 11:18

O kon kɔɔli, má can kɔlan, má va keiyo o lɛŋnde veselɛilen nin, má pilapilan lɛŋnde Edɔm-nden a lɛŋnde Moab len, má tiiya Moab a ba paalen le can-ndo. Má cal o peo Arnɔn leeloo, a luei o lɛŋnde Moab len nin te, kani peo Arnɔn va pɛɛngulan ni.

2Masaa 14:22

Masaa Amasia vuo, mí Asaria mingi kobio Eilat tangul, mó mingi ndu o masalen Yuda bɛngu.

Tɔŋ miingua 1:1

Sɔɔn mun Moise dimul Israɛlla kpow o peo Yurdɛn leeloo, o lɛŋnde veselɛilen nin ni. A va vɔ o dɛɛla co Suf o hɔl-ndɔ-o nin, Paran a Tofɛl tɛɛn, Laban, Haserɔt a Di-Sahab tɛɛn.

Kundalan 33:35

Má can Abrona, má kɔa Ɛsiɔn-Kebɛr.

O Kandɔɔ 25:23

Mí Mɛlɛka dimul ndu aa: «Vannda súúlan tan tiɔn a co nɔm o dembe ni. Vanaa-mangalaa-isɔɔa súúlan tan tiɔn n co violɔɔ ni. O pilɛ hiawnin o pilɔɔ kpaayaa. Po tasoo calnin pɔmbɔ ndɔ o labɛngunin.»

Kundalan 21:4

Mí Israɛlla faŋan o pembei Hɔr, má kei a ba mɛmma ihɛlma makpɛ̀ndɛ̀an le lɛŋnde Edɔm-nden pilapilanndo. Mí yoomuan ma kei vannda fula nɛi-tɛɛn o kɔlan.