Tɔŋ miingua 2:7 - BII BILA

⁷ Kani Mɛlɛka Hala niaa dɔw niaa duaa o kpekula niaalan kpow nin, mó manda niaa telen niaa va lɛŋnde veselɛile bɛndulen nden taŋɔɔ-o. La tofa vɔ, o co nin vɔsilan belehiɔɔlu, Mɛlɛka Hala niaa co latulu a niaa, ɲɛ-ɲɛ co niaa lepɛŋ te.›

Tɔŋ miingua 2:7 Referans Kwoze

Luke 22:35

O kon kɔɔli, mí Yeesu ɲuna nda aa: «Lɔ́ɔ́ yáà vem niaa niáà nɔ n'voli loo, láà nɔ bɔlɔ congú a lasamta loo, vɛ̀ɛ̀ ɲɛ va pá niaa lepɛŋ?» Má muli aa: «Ɛ-ɛ, ɲɛ ve naa lepɛŋ te.»

Nehemi 9:21

Má manda nda o vɔsilan belehiɔɔlu bɛngu. Lɔ́ɔ́ nda va kon o lɛŋnde veselɛilen nin-ndo, ɲɛ-ɲɛ bii nda lepɛŋ te. Domala ndalan la siɔŋ te, pelun hiinduu nda le.

Tɔŋ miingua 29:5

La ve bulu dio le, la ve mamɔi a mɔima nɛyaa kolɔɔ le, kon tosan haliko mi la sina maa ya co Mɛlɛka Hala niaa ni.

Condii lisai 31:7

Vanaa co piɔmaa fondoa sooloo-a nɛinun ya bɔɔ. Ya ya, nɔm Mɛlɛka ya laalan ni.

SƐBƐ YƆB-O 23:10

Kɛ nduyɛ, o sina nɛi ya co coo-o, o fula pɛ ya kɔɔli mò tɔɔndan ya, i vannunnin o diandaa few maa isiani.

Condii lisai 90:17

Maalii Hala naa, màá kɛndɛi nɔmnde tol naa coo! Luei dɛnnda naa n co tosaa a laba lan yoomuan, a toɲa, luei lan yoomuan!

O Kandɔɔ 26:12

Vɔsi kon, mí Isaak váà ciɛi o lɛŋnde len nin, mó koaw ɲɛ o saŋ-ndo háá bɛmbɔɔ kɛmɛ. Kani Mɛlɛka va ndu duaa dɔvɔɔ.

O Kandɔɔ 24:35

Mɛlɛka dɔw vana ni bɛndoo Abraham duaa háá mó sɔla bolofaa taw. O yɔngu ndu saa, cuinnda a nawva, volion, sianion, buɛyaa piaandua a à laandua, ɲɔɔmɛɛa a sofɛlɛa.

O Kandɔɔ 12:2

I siinguunin nɔm fuɲa-mama vanaa-mangalaa-isɔɔa súúlan taw. I dɔawnin nɔm duaa ma pɛlnun ladio. Vanaa bɔɔ-bɔɔ a sɔlanin duaa nɔm o ba bɛngu.

O Kandɔɔ 39:5

Kandɔɔ telen kon, mí Mɛlɛka dɔaw cɛi Potifar Esiptenɔ-o duaa le va Yosɛf va lon-ndo. Ɲɛm va ndu o ba cɛinin-ndon a ɲɛm va ndu o ba yondoo nin-ndon kpow, mí Mɛlɛka dɔaw mun duaa.

Nsaŋ 10:27

Saa nia tuɛi ya diom. Ya, i sina nda, a co ya kɔɔli.

Condii lisai 1:6

Kani Mɛlɛka sinà nɛi vanaa sandaa, kɛ o tambei nin nɛi vanaa kɔlvesɛiya yaa vana ni.

O Kandɔɔ 30:27

Mí Laban mulul ndu aa: «Mɛɛ tuinun ya iɲíí, lo niko ya o bɛngu coo nanu. Halaa nia cɔm ya maa le co n co ya o bɛngu coo-o Mɛlɛka dɔw ya duaa ni.

Kundalan 14:33

Poaa niaa co lo hiŋnɔnndo lenin a cɔlua ndaa mandaa háá le vɔsilan belehiɔɔlu. Simul niaa simul-la-o, poaa niaa lonin sanga kon sɔlaa háá mì niaa pila cuu vu o lɛŋnde veselɛilen nden nin.

Kundalan 14:34

La tosa palɛi belehiɔɔlu o suansuaannden nin, la sɔlanin vɛlɛ sangaa le yɔŋ vɔɔn niaa o vɔsilan belehiɔɔlu bɛngu, vɔsio pilɛ le paalen lepilɛ. Lepalaa-lepala, la co va kɔmnde yɔŋ vɔɔn niaa kiɔndɔɔ. O kon, la sinanin mɛɛ sala vana simul ya Mɛlɛka-o co yɛ.

Kundalan 32:13

Lekɛ́ndɛi, mí Mɛlɛka tuulu kɔl a Israɛlla, mó mal nda laasianndo o lɛŋnde veselɛilen nin o vɔsilan belehiɔɔlu bɛngu, háá mí vanaa tɛɛmbuu kan Mɛlɛka kɔl-la cuu vu kpow.

Tɔŋ miingua 1:19

«O kon kɔɔli, mí n faŋan o pembei Horɛb, mí n kei o lɛŋnde veselɛile bɛndu-bɛndule lueì len vana siòònde len nin, le niaa ce len pɛɛn. Mí n kɔa o tàndá n'pembu Amoriia nin maa mɛɛ Mɛlɛka Hala naa pila dimul naa yɛ. Mí n tiiya Kadɛs-Barnea.

Tɔŋ miingua 1:46

Ken tosa ni mí la viaw Kadɛs taw-taw.»

Tɔŋ miingua 2:6

La bɛnda mì la pendu ɲɛ-ɲɛ niaa vanin dioo lon nda o ba a volion, hali mɛmma niaa vanin kolɔɔ-an, la bɛnda mì la pendu man nda o ba.

Tɔŋ miingua 2:14

Kandɔɔ a faŋan naa Kadɛs-Barnea, kɔ bii a taŋɔɔ naa n taŋ pee pɔmbɔɔ Serɛd-o, vɔsilan beleyaa a laŋɔmaa naa n cii ni, háá mi lambi vanaa cɔvaa tasea cuu vu o dɔ́ɔ́ngɔ́ɔ̀ nin mɛɛ Mɛlɛka ndóò mɛnalan nda yɛ.

Yosue 5:6

Vɔsilan belehiɔɔlu, Israɛlla va hiŋnɔnndo o lɛŋnde veselɛilen nin. O vɔsila lan mɛɛlulan, mí vanpiaandua fula Esipte-a, áà nɔla nin cɔwvo tosaa-a cuu vu kpow le kɛɛ nda kɛɛ sɔɛi Mɛlɛka-e biyɔɔ-o. Kani mí Mɛlɛka mɛnalan nda maa nda cinin lɛŋnde o yiilu fuɲaa ndaa mamaa kpemaa le nda len keo len te, lɛŋnde cɔlua a tɔlɔɔlan la naŋ nin taw-taw len pɛɛn.

Condii lisai 107:4

Vanaa pum va kelanndo o lɛŋnde veselɛilen nin, a ve nɛi kɛ́-kɛ̀ cɔ le kɔlan calle o kobi pum nin te.

Yeremi 2:2

«Kɔ, mà kɔ yonda Yerusalɛmnda o lani, mà dimul nda maa o Mɛlɛka dimi-o co hoo ni aa: ‹I loonun a mɛɛ nɔm óò lo o lediom coo lɔ́ɔ́ n va felengi-o yɛ, mɛɛ nɔm óò kaola ya lɔ́ɔ́ naa n va o nɔ̀u nin-ndo yɛ. A va ya kɔlan kɔɔli o lɛŋnde veselɛilen nin, o lɛŋnde niŋ tɔlɔɔ le len nin.

Osee 13:5

I síná niaa o lɛŋnde veselɛilen nin, o lɛŋnde paalen le fùlà taw len nin.

Amɔs 2:10

Nduyɛ, ya Mɛlɛka, ya soli niaa Esipte ni, mí heelu a niaa, mí sim niaa laci o lɛŋnde veselɛilen nin, o vɔsilan belehiɔɔlu bɛngu, haliko mi la hun hiɔlu lɛŋnde Amoriia.

O Kandɔɔ 39:3

Mí Potifar sina maa Mɛlɛka va Yosɛf ikɛi, ɲɛ-ɲɛ Yosɛf va tosaa, mí Mɛlɛka va ndu nɛŋio.

Fulaa 16:35

O vɔsilan belehiɔɔlu bɛngu Israɛlla de manne ni. A lo ndu dioo háá má tiiya o pɛɛngulan a lɛŋnde Kanaan-nden.

Kundalan 1:1

O paale taselen o paangii diinndɔɛi nin, o vɔsi diinndɔɔ nin, o cɔnɔn Israɛlla cɛn Esipte-o kɔɔli, mí Mɛlɛka soaa o Moise lo o cɛi-kola-toandaa-labɔɔŋianndo nin, nɛɛ nda va o lɛŋnde veselɛilen Sinai nin-nda, mó dimul ndu aa:

Kundalan 22:12

Kɛ mí Hala dimul Balaam aa: «Kɔa niaa ndaa le! Dɔaw vanaa kan danga le! Kani a cùù duaa dɔwnɔn.»

Tɔŋ miingua 29:4

Ya Mɛlɛka, mí sim niaa laci le kɔlan o lɛŋnde veselɛilen nin o vɔsilan belehiɔɔlu bɛngu, volɔɔla cuɛinannda niaalan la siɔŋ niaa lekɔɔ le, samtala niaalan bɛɛ la siɔŋ niaa o n'pelu le.