Tɔŋ miingua 2:21 - BII BILA

²¹ Vanaa kpaayaa, sɛ́lɛ́ bɛndoo a vanaa bandu taw-va vanaa kan va ni maa cuavaa-imamaa Anak-a. Kɛ mí Mɛlɛka ke poaa Amɔn-nda yoomuan, má diw vanaa kan, má hialu lɛŋnde ndalen, má cal o fonda ndaa.

Tɔŋ miingua 2:21 Referans Kwoze

Masaa kialaa n'yamaa 11:24

Nɔm, o co lɛŋnde Kɛmɔs hala nɔmndo yɔngu nɔm-nden te n nɔ nuaa le? Lelan, naa bɛɛ, n nɔ dí le calle o lɛŋnde Mɛlɛka Hala naa cɛl mi n sɔla len nin.

Tɔŋ miingua 3:11

Ɔk va kon masaa Basan-ndo ndu pilɛ kpé lo yoomu o Refaimnda nin ni. Kpele n'cilinndo kpele ndɔ hinia va ni. O co vɔ háá paalen nden o kobio Raba nin, kobi poaa Amɔnnda pum pɛɛn. Kpele kon bandii ndɔɛi va dunndo leŋɔmahiɔɔlu, buo dunndo lehiɔɔlu, dun vanacieo pɛɛn.»

Tɔŋ miingua 2:22

Lende koni ndu Mɛlɛka tosa a cuavaa-imamaa Esau-va ni, á co icali o lɛŋnde Seir len nin-nda. Le nda o diw Horiia ni, mó ke nda fonda ndaa, má loo lɛŋnde ndalen, má va icali lon háá paalen nden.

Tɔŋ miingua 1:28

Te o co yɛ pɛ lende, le yɛɛ naa n co yɛ heelu? Puapilɛa naa soli naa yoomuan má dimi aa vanaa kan a hiow naa vaa sɛ́lɛ́, a hiow naa vɛlɛ kpaayaa, aa kobila ndalan la co bɔɔ kobila bɛndu, la co lakungaalan a kpakilan háá o halataala. Mí n ca bɛɛ polale Anak len ndon.›

Tɔŋ miingua 2:20

Lɛŋnde len bɛɛ, ndáà cua len maa lɛŋnde Refaimnda, kani Refaimnda va sindɛ icali lon ni, nuaa poaa Amɔn-nda ndáà veelu Refaimaa kan ni aa Samsumiia.