Tɔŋ miingua 2:13 - BII BILA

¹³ Mí Mɛlɛka dimul-la vɛlɛ aa: ‹Sisa, la cɔn mì la kɔɛ, la taŋ pee pɔmbɔɔ Serɛd.› O kon, mí n taŋ pee pɔmbɔɔ Serɛd.

Tɔŋ miingua 2:13 Referans Kwoze

Kundalan 21:12

O kon kɔɔli, má kɔ kila dɔ́ɔ́ngɔ́ ndaa o dɛɛla bɛndoo Serɛd nin.

Kundalan 13:23

Mɛɛ nda tiiya o dɛɛla bɛndoo Ɛskɔl nin, má kialu lɛvi rɛsɛn tumndo, rɛsɛnndon va lon kpɔ̀nyɔ̀ɔ́. Le tùú kpɔ̀nyɔ̀ kon ndóò lusul taw-vo, má landu ndu o yɔmndo, mí vanaa ŋiɔn cua ndu. Má cua vɛlɛ krenadeon a buumbun koaman.

Tɔŋ miingua 2:12

Lɛŋnde Seir len vɛlɛ bɛɛ, Horiia va sindɛ icali lon ni, kɛ mí cuavaa-imamaa Esau-va toaw nda, má diw nda, má cal o fonda ndaa. Lende koni cuavaa Israɛlla tosa a lɛŋnde Mɛlɛka yɔngu Israɛl kɛ́ɔ má cal lenin-nden ni.

Tɔŋ miingua 2:14

Kandɔɔ a faŋan naa Kadɛs-Barnea, kɔ bii a taŋɔɔ naa n taŋ pee pɔmbɔɔ Serɛd-o, vɔsilan beleyaa a laŋɔmaa naa n cii ni, háá mi lambi vanaa cɔvaa tasea cuu vu o dɔ́ɔ́ngɔ́ɔ̀ nin mɛɛ Mɛlɛka ndóò mɛnalan nda yɛ.

Kundalan 21:13

Cɔnɔnndo lon, ma kɔ cal vɛlɛ Arnɔn leeloo, pee fula o lɛŋnde Amoriia nin mó kei o lɛŋnde veselɛilen nin-ndo, o co o pɛɛngulan lɛŋnde Moab len a lɛŋnde Amoriia tɛɛn-ndo pɛɛn.