Tɔŋ miingua 19:8 - BII BILA

⁸ Te Mɛlɛka Hala niaa cɔɔlu yɛ pɛ lɛŋnde niaalen kuundiaa mɛɛ o yiilu fuɲaa niaa mamaa kpemaa yɛ, te o yɔngu pɛ niaa lɛŋnde o yii kpemaa le nda keo len kpow,

Tɔŋ miingua 19:8 Referans Kwoze

Tɔŋ miingua 12:20

Te Mɛlɛka Hala niaa cɔɔlu pɛ lɛŋnde niaalen kuundiaa mɛɛ o yiilu niaa kpemaa yɛ, te hiluan ma bii pɛ niaa le vision dioo mì la dimi aa: ‹N yeema mi n de vision›, la nɔla mì la de mun mɛɛ ɲɔɔ hɛnannin niaa yɛ.

Fulaa 34:24

Kani i toawnin vanaa-mangalaa-isɔɔa niaa laci mì cɔɔlu niaa lɛŋnden. Vana-vana yiyannin le lɛŋnde niaalen hiɔlɔɔ niaa kɔɔli telen niaa vanin luɛyɔɔ bɛmbɛ leyáá o vɔsio nin o cɛi-kola-toandaa ni diandaa nin-ndo le.

Fulaa 23:31

I handunin pɛɛngula lɛŋnde niaalen cɔnɔnndo a mɛmma ihɛlma makpɛ̀ndɛ̀an, kɔ bii a mɛmma ihɛlma Filistia, kandɔnndo vɛlɛ a lɛŋnde veselɛilen Sinai, kɔ bii a pee bɛndoo Efrate. Kani i malnin vanaa co o tàndà kon nin-nda niaa o ba, mì la tow nda polon.

Ɛsdras 4:20

Masaa nɔ kpaayaa taw-va kei Yerusalɛm, mí masale ndalen le pɛngɛlan o lɛŋii va Efrate leeloo a ba paalen le del-lo-e kpow coo, vannda va nda muloo malɔɔ o ba, a va ɲɛ kelun-ndo yɔngoo, a va sala hiavaa yɔngoo.

O Kandɔɔ 28:14

Polale nɔmnden le kuinin maa cundoo lɛŋ. Le tiwnin o tàndà oo tàndà nin: a ba paalen le can-ndo, a ba le del-lo, a ba too a á ba luaŋ-ndo. Yungulan o lɛŋnden coo kpow la sɔlanin duaa nɔm a polale nɔmnden o ba bɛngu.

Tɔŋ miingua 19:7

Le kɔlɔ kon ya dimul niaa le kobilan hɛlio tan yáá a le lan siinguuo teengen ni.