Tɔŋ miingua 19:4 - BII BILA

⁴ Vana dii vanacieo, mò kɔ vionnun o kobila lan o pilɛ nin, mò baŋa yoomu ndɔɔ-o co hoo ni: vana sulalle fula o ba, mo dii vanacieo, kɛ ndóò nɔ nɛyɔn ndɔ paandu loo.

Tɔŋ miingua 19:4 Referans Kwoze

Tɔŋ miingua 4:42

mí kobila lan la va le vionnɔnndo. Vana-vana sulalle fula pɛ o ba, mó dii vanacieo o co a kɔlvesɛi le, te ndóò nɔ nɛyɔn ndɔ le, vana kon nɔla mò ɲaanun, mò kɔ vionnun o kobila lan o pilɛ nin le yoomu ndɔɔ baŋaa.

Esai 30:33

Kabi lɔ́ɔ́ levil nin, bémbé iyɔmndo cuu toosiaa le ndu lomɔɔ, bémbé iyɔm kon toosian le masaa, o fonda tiilanndo nin nda ciiŋiaa bémbé iyɔm kon ni. Yɔmnde co lon taw-taw, yinnden le co nin lebɛɛndiaa len. Hoeyii fula Mɛlɛka o milin-nde mɛndulnin yinnde len mi le bii maa pee pɔmbɔ fungoo co ŋɔu nin-ndo.

1Dɛnnda lemasalan 11:2

Paandu pa, lɔ́ɔ́ Saul va masalen tosaa-o, nɔm va Israɛlla simndan laci le kɔlan o cɔwvo ni, kani Mɛlɛka Hala nɔmndo ndóò cii nin nɔm dimul maa nɔm vanin simlacinɔ vanaa ndɔa ni, Israɛlla pɛɛn.»

Yosue 3:4

O kon, la sinanin nɛi niaa bɛnda le biyɔɔ o kɔlan-ndo, kani la kei-yɔ o nɛi kon coo le. O va bɛɛ lende, o bɛnda mì tiŋndo va niaa a kesoo tɛɛn le dunndo vàála tiɔn. La sɔɔnguu ndu ikɛi le.»

Tɔŋ miingua 19:6

Hali tiŋndo bandu bɛɛ taw le tiiyaa o kobila lan o pum nin, o bɛnda mì vana co màá mingio-o lo ndu kiltan kɔɔli a kɔltuwvo háá mò bii ndu, mò dii ndu le. Kani vana kon ndóò nɔ paandu nɛyɔn vana o dii-o le. Lelan o bɛnda mò sɔla piɔ́m te few.

O Kandɔɔ 31:2

Mó ca vɛlɛ Laban o hɔl maa ndu Laban mangala yiyanndo a ndu, o ve lɛ a ndu maa paandu le.

Kundalan 35:9

Mí Mɛlɛka soaa vɛlɛ o Moise lo, mó dimul ndu aa:

Kundalan 35:12

Kobila lan la vanin niaa malaa le vana dii vanacieo-vo kandaa ni, yɔŋii vana yeema le màá mingio-o dii vana kon. Kani fɔ mò sim fɔlɔn sɛ́lɔ́ɔ́ o hɔl le kɔɔsɔɔ, mì sɛ́lɔ́ɔ́ kelu yamɛi ndɔɛi.

Tɔŋ miingua 19:3

O kon la buli nɛilan ɲɛkɛndɛi le tiiyaa o kobila lan nin, haliko vana-vana dii pɛ vanacieo, o kɔ vionnun ndon. Lelan, mì la piɔw lɛŋnde Mɛlɛka Hala niaa ke niaa len-nden tàndàla bɛndulan tan yáá.

Tɔŋ miingua 19:5

Tɔɔmaseloo co hoo ni: te vanndo kɔɛ pɛ o bundɔɔ nin nda caan ndɔ le yɔmnde kioŋndo, mò sim yɔmndo lɔvaa a cuei le ndu kombaa, telen o co kon lɔvaa-o, mì cuei bɛŋin o piawvo mì i bii caan ndɔ kon, mò vi, vana dii kon ndu kon-ndo nɔla mò ɲaanun, mò kɔ vionnun o kobila lan o pum nin, mò baŋa yoomu ndɔɔ.

2Samiɛl 14:11

Mí cua kon dimi vɛlɛ aa: «Masaa, a yandi, yiilu ya kpemaa o diola Mɛlɛka Hala nɔmndo maa vana bɛnda le màá mingio-o handu lɛ kpundɛ celen o kpundɛ tosan-ndo coo mò diilul-la po nuu le.» Mí David mɛnan aa: «Te Mɛlɛka co yoomu, hali yiinnde po nɔmndo ten pilɛ bɛɛ le delnin lɛŋ te!»