Tɔŋ miingua 19:3 - BII BILA

³ O kon la buli nɛilan ɲɛkɛndɛi le tiiyaa o kobila lan nin, haliko vana-vana dii pɛ vanacieo, o kɔ vionnun ndon. Lelan, mì la piɔw lɛŋnde Mɛlɛka Hala niaa ke niaa len-nden tàndàla bɛndulan tan yáá.

Tɔŋ miingua 19:3 Referans Kwoze

Esai 57:14

Mɛlɛka dimi aa: «La siɔ̀ɔ́ nɛiyo, la fɛɛya ndu, la toosiaa nɛiyo, la faaŋiaa ɲɛla kuuna vana hivɔɔ lan kpow o nɛi vanaa niaa coo!

Hebreea 12:13

La toosiaa nɛila sandaalan le pelun niaan, haliko vana co tindaa-o mal nɛiyo le, kɛ mò sengu.

Esai 62:10

La fula, la fula o diola luɛyaalan nin! La bɛɛndiaa nɛiyo le vanaa niaa, la toosiaa nɛiyo, la siimian ndu, la faaŋiaa powtan o nɛi! La heelu lɛfɛ landaa le vannda nɛiyo cɔmndo!

Esai 35:8

A busanin nɛiyo, nɛi bɛndoo o lɛŋnde len nin, a kenin nɛi kon diolan aa: «Nɛi diandaa.» Vana nɔɔlɛi keinin o nɛi kon coo le. Le yungu Mɛlɛka-o daama o vanin ni, vanaa vanin keiyo o nɛi kon coo-a, hali diɔmnda a luusiannin te.

Tɔŋ miingua 19:2

la hɛli kobilan layàá o lɛŋnde Mɛlɛka Hala niaa yɔngu niaa kɛ́ɔ len tɛɛn, la siinguu lan teengen.

Tɔŋ miingua 19:4

Vana dii vanacieo, mò kɔ vionnun o kobila lan o pilɛ nin, mò baŋa yoomu ndɔɔ-o co hoo ni: vana sulalle fula o ba, mo dii vanacieo, kɛ ndóò nɔ nɛyɔn ndɔ paandu loo.

Tɔŋ miingua 4:21

Mí Mɛlɛka tuulu kɔl a ya le niaa, mó mɛnan aa ya teŋ peo Yurdɛn te, aa ya luei o lɛŋnde kɛndɛle ndu Mɛlɛka Hala niaa yɔngu niaa kɛ́ɔ len nin te.

Tɔŋ miingua 26:1

«Lɔ́ɔ́ niaa luɛinin o lɛŋnde Mɛlɛka Hala niaa yɔngu niaa kɛ́ɔ len nin-ndo, te la hɛlu pɛ lɛŋnde len mì la cal lenin,