Tɔŋ miingua 18:3 - BII BILA

³ Ɲɛm vanaa-solia-lasálàá vanin sɔlaa Israɛlla o ba-on vanin mun ni: vana-vana dii pɛ nawvo, te kon te saa le sálà kɔlɲuloo solio, o bɛnda mò yɔngu nda congoo, yaalelan a demboo.

Tɔŋ miingua 18:3 Referans Kwoze

Tɔŋ miingua 12:27

La bɛnda mì la soli sálàla niaala loamaalan, mì la heelu vision a koovan o fonda-loamaa-lasálà Mɛlɛka Hala niaa coo. Kooma cɔlua sálàá niaa ma bɛnda mì ma talan o fonda-loamaa-lasálà Mɛlɛka Hala niaa coo, vision mún, mì la de mun.

Kundalan 18:11

O kon kɔɔli, a bɛnda ma bii ɲɛm nda faŋanin o ɲɛm-kéan ndan coo-on nda o ba, kon co dimio ni aa ɲɛ-ɲɛ Israɛlla solul-la sálà a faleŋii vana cɔm Mɛlɛka ɲɔɔ-e tosaa. Nɔm Aarɔn, poaa nɔmnda a cuavaa nɔmaa laandua ya yɔngu kon kpede ni. Tɔŋ vana faŋa lecoo loo co kon ni. O yungule nɔmnden nin, vanaa-vanaa va pɛ a diandaa, nda bɛnda le ɲɛm mun dioo ni.

Kundalan 18:12

I yɔngu nɔm vɛlɛ ɲɛm tasen nda yɔngunin ya o cuɛiyan nin, o mɔima yɛngian nin a o ɲɛm koavan nin-ndon,

Fulaa 29:27

Ma tosa faleŋii dindiannde le kɔŋɔ nda cɔmnin kon Mɛlɛka a faleŋii heelɛi-yo, a le lɔlu nda solinin o saa kóndó sálà kandaa baala yɔngunnin le Aarɔn nda poaa ndɔa-o.

Fulaa 29:28

Le Aarɔn nda poaa ndɔa ɲɛm mun co ni. Tɔŋndo co kon le fɛɛn a fɛɛn Israɛlla tɛɛn ni. Kani cɔwviaalan la co lán ni, nduyɛ cɔwviaala lan Israɛlla bɛnda ni ma va Mɛlɛka yɔngoo o sálàla ndala kɔlɲulula nda vanin solio lan coo.

Tɔŋ lasálàá 22:7

Te paalen le del pɛ, o muungu o siŋnun vana diandaa. O nɔla niko mò de vɛlɛ ɲɛm dian diandan nda soli mún sálàlan-ndon. Kani ɲɛ ndɔ diaa co kon ni.