Tɔŋ miingua 18:2 - BII BILA

² Nda sɔlanin kɛ́ layondo puapilɛa ndaa Israɛlla tɛɛn te. Mɛlɛka co kɛ́ ndaa ni maa mɛɛ ndu pila dimul nda yɛ.

Tɔŋ miingua 18:2 Referans Kwoze

1Piɛr 2:9

Kɛ niaa, vanaa Hala hɛli-a niaa co ni, vanaa-solia-lasálàá lemasaa, kunda diandaa, haliko mi la yonda dɛnnda kɛndɛla vana soli niaa o ɲumndan nin, mó cuu niaa o ɲɛ-tengaa ndɔ sɔvɛɔ-o nin-ndo lan.

1Piɛr 2:5

Niaa bɛɛ, la va maa powta kiyɛi, mì la sɔla luɛyɔɔ o tangul cɛi Kɔl-Diandaa nin, mì la va vanaa-solia-lasálàá diandaa, le sálàla kɔltan solio, la hɛnan Hala o Yeesu Krista nin-ndan,

Cɛɛŋɔnnda Yeremi lan 3:24

Kɔl nuu dimi aa: Mɛlɛka co kɛ́ nuu ni, lelan ya co ndu cumndo ni.

Esai 61:6

Kɛ niaa niaa, a veelunin niaa aa vanaa-solia-lasálàá Mɛlɛka-a. Vannda diminin aa la co o vali Hala niaa nin. La dianin ɲɛ-sɔlaa vanaa-mangalaa-isɔɔa, mì la cal o bolofaa ndaa coo.

Condii lisai 119:57

Mí dimi aa: nɔm Mɛlɛka co o nuu ni, i cii tuu le sɔɛi nɔmnde biyɔɔ.

Condii lisai 84:11

Paalen ten pilɛ tosaa o cɛi nɔmndo nin co fisa a palɛi vàá pilɛ tosaa nɛɛ celen. Éé Hala, o co fisa mì va vana mandaa cɛi nɔmndo a calle o cɛila-kolala-toandaala vanaa yɔŋ vɔɔnda ha nin.

Condii lisai 16:5

Nɔm Mɛlɛka co kɛ́ nuu ni, nɔm co tɔnɔ nuu ni, yoomu nuu co nɔm o ba.

O Kandɔɔ 15:1

Mí Mɛlɛka cɔmnun Abram o vundulen nin, mó dimul ndu aa: «Yɔŋ isiòòn te Abram. Ya co vana kanda nɔm-ndo ni, vɔ̀ngɔ̀ nɔmndo vanin o bɔɔ.»

Kundalan 18:7

Nɔm Aarɔn pila a cuavaa nɔmaa imamaa yɛ, la bɛnda mì la tosa vali solia lasálàá a ɲɛ-ɲɛ co a fonda-loamaa-lasálàá o kɔɔ a á ɲɛ-ɲɛ co o kola-landaa kɔɔli o kɔɔ, vali yɔngun niaa-o co kon ni. Vali solia lasálàá ya yɔngu niaa ni. Vana celen sɔɔnguu pɛ ikɛi o sɔla piɔ́mndo.»

Kundalan 18:20

Mí Mɛlɛka dimul vɛlɛ Aarɔn aa: «A nɔnin lelɛŋ, te kon te kɛ́ o lɛŋnde ya yɔngunin Israɛlla len nin te, a sɔlanin ɲɛ-ɲɛ o nda tɛɛn te, kani ya pila co ɲɛ-sɔlaa nɔmndo a kɛ́ nɔmndo o Israɛlla tɛɛn ni.

Tɔŋ miingua 10:9

Le sabu kon, polale Levii len le sɔla kɛ́ lelɛŋ maa puapilɛa ndaa tɔ̀a le. Mɛlɛka Hala niaa co kɛ́ ndaa ni, maa mɛɛ ndu pila yiilu nda kpemaa yɛ.

Yosue 13:14

Polale Levii len daama le sɔla kɛ́ le ni. Kani nda nda, kɛ́ ndaa va o sálàla loamaala nda va Mɛlɛka Hala Israɛlla solullo lan nin, maa mɛɛ ndóò dimul nda yɛ.

Esekiɛl 44:28

Tofa vɔ kɛ́ nda sɔlanin-ndo: ya (Mɛlɛka) vanin kɛ ndaa ni. Lelan, la kenin nda lelɛŋ o lɛŋnde Israɛl-ten nin te, ya vanin kɛ́ ndaa ni.