Tɔŋ miingua 17:3 - BII BILA

³ mò kɔ sooluu halaa celen, mò tundun tombun celen o labɛngunin, mò sooluu paalen, paangei, te kon te ɲɛm co o halataala-on, mɛɛ o tosa ɲɛ ya kuuna-o.

Tɔŋ miingua 17:3 Referans Kwoze

Yeremi 7:31

Má tangul tombon Tofɛt, o Bóllo Bɛn-Hinnɔm nin le poaa ndaa a cuavaa ndaa lomɔɔ o yin. O co dɛnɛ ya dimul nda le tosa le co kon te, kabi bɛɛ yiyan kon del-la o kɔl te.

Yeremi 32:35

Má tangul tombon le Baal o bóllo Bɛn-Hinnɔm nin, le Molɛk poaa ndaa a cuavaa ndaa laandua sálà loamaa solullo. O co yɛ ya le dimul nda ken te, yiyan ni kue bɛɛ o ken te. O dɛnnda lamààla lan tosaa nda luei Yudaa o pɔwlan nin ni.

Yeremi 19:5

Má tengul Baal tombon, le poaa ndaa sálàla loamaalan solio lon. Nduyɛ o co ya léè dimul nda le dɛnɛ vaa lende tosaa le, kabi i dimi ken te, yiyan kon bɛɛ del-la le.

Tɔŋ miingua 4:19

La héélù hɔlla o halataala mì la mɛɛndan paalen, paangei, loeon a ɲɛm co lon-ndon, mì la báŋ vulan mun o labɛngunin le mun sooloo le. Ɲɛm Mɛlɛka Hala niaa mel vanaa-mangalaa-isɔɔa tɔ̀a co o lɛŋnden coo kpow-va ni maa kɛ́.

Esekiɛl 8:16

Mó luɛi a ya o bɛ́ɛ̀ lenin Cɛi-Mɛlɛka-o nin, o Cɛi-Mɛlɛka-o sondoo, o tongo-sɛmtɔɔ a fonda-loamaa-lasálàá tɛɛn. Mí ca langbaa bidiin a à ŋuɛɛnu, a mulul Cɛi-Diandaa kɔɔ, má muli hɔlla a ba paalen le can-ndo, a va vula baŋaa a kpengii paalen le can-ndo le paalen sooloo.

Yeremi 8:2

Mà tɛ̀i lan o paalen, o paangei, mì loeon bɛɛ n lɔɔ lan. Kani ɲɛm mun ndáà yeema ni, má del mun kɔɔli, má yiinun a mun, má baŋ mun vulan o labɛngunin. Lelan, vana kondunin paala kalalan te, vana minginin ndan kumbɔɔ le, lon la co lo ni háá mì la siŋnun kɔmbɔɔsio o foofo kon coo.

2Masaa 21:3

Mó mingi tombun Esekia fuɲa ndɔ ndóò puusiaa-on tangul, mó cɔaw fondala-loamaa-lasálàlan le Baal, mó cɔaw yɔm soolaa mɛɛ Akab masaa Israɛl ndóò tosa paandu yɛ, mó baŋ vulan ɲɛm pangelen co o halataala-on kpow o labɛngunin, mó sooluu mun.

O Kandɔɔ 2:1

Nuaa halataalaa, lɛŋnden a ɲɛm co lenin-ndon kpow n cuu cɔvɔɔ ni.

Fulaa 22:20

La sáángiaa mialaa co niaa o bɛngu coo-a le tɔnɔɔ solio nda o n'dial te, la luei nda mɔnɛi le. Kani niaa bɛɛ, mialla niaa yɔŋnun o lɛŋnde Esipte len nin ni.

Tɔŋ miingua 17:4

Te vannda saalun ndu pɛ, mì sɔɛi ken komal niaa, la bɛnda mì la yaasiaa ndi ɲɛkɛndɛi. Te toɲaa dɛnɛ kon yɔŋnun ni, te lekɛ́ndɛi dɛnɛ nɔɔlɛi kon tosan Israɛl ni,

Tɔŋ miingua 11:16

«La caa taw, yɔŋii niaa luɛi o pɔwlan nin, mì la faŋan o nɛi sandaa coo, mì la sooluu halaa celennda, mì la baŋ vulan nda o labɛngunin.

Yosue 23:16

Te la tɛɛmbuu pɛ kpema Mɛlɛka Hala niaa yiilu niaa-o, mì la beŋ halaa celennda vulan le nda sooloo, mɛɛ kɔltuw Mɛlɛka-o tamalanin le tolɔɔ niaa coo le, o kon la cuunin o lɛŋnde kɛndɛle o ke niaa len coo kpow.»