Tɔŋ miingua 17:2 - BII BILA

² Te o va pɛ maa o kobila Mɛlɛka Hala niaa ke niaa lan o pum nin, vanapɔnɔɔ pum, te kon te vanalanɔɔ pum niaa tɛɛn o tosa dɛnɛ hɛnan Mɛlɛka Hala niaa loo, mò del kasi a kpema Mɛlɛka-o,

Tɔŋ miingua 17:2 Referans Kwoze

Osee 8:1

«La hɔŋ lee saa! Dɛnɛ palaa tol o cɛi Mɛlɛka-o coo maa kovɛ, kani vannda kpakpala kpema nuu, à del kasi a tɔŋ nuu.

Masaa kialaa n'yamaa 2:20

Mí Mɛlɛka tuulu kɔl a cuavaa Israɛlla, mó dimi aa: «Le tùú vannda ha cii kpema ni yáà yiilu fuɲaa ndaa mamaa-o tɛɛmbuu, má kɛɛ le sɔɛi nii biyɔɔ few-vo,

Osee 6:7

«Kɛ mɛɛ Adam tosa yɛ, la tɛɛmbuu kpemaa, mí la yii ya dúmbú.

2Masaa 18:12

Kon tosan le tùú nda yeŋ Mɛlɛka Hala ndaa lani loo, le tùú nda tɛɛmbuu kpema ndɔɔ má kɛɛ le nilan yaŋɔɔ o sɔɛi ndɔɛi-yo a le tùú nda kɛɛ vɛlɛ le kelaa lecoo-o, sɔɛi ken pɛɛn, i Mɛlɛka ndóò dimul Moise vana ndɔ baalaa-e.

Yosue 23:16

Te la tɛɛmbuu pɛ kpema Mɛlɛka Hala niaa yiilu niaa-o, mì la beŋ halaa celennda vulan le nda sooloo, mɛɛ kɔltuw Mɛlɛka-o tamalanin le tolɔɔ niaa coo le, o kon la cuunin o lɛŋnde kɛndɛle o ke niaa len coo kpow.»

Yosue 7:15

Vana ya hɛlinin nda tɛɛn-ndo, mɛɛ ndu ɲɛm ya kuuna mún-ndon co o ba ni. O kon, la bii vana kon, la mal ndu o yin a ɲɛm ndɔn kpow, o ŋɔɛ sukɛí, le tùú o tɛɛmbuu kpema ya Mɛlɛka-o-o a le tùú o tosa dɛnɛ nɔɔlɛiyo Israɛlla tɛɛn-ndo.»

Yosue 7:11

Israɛlla tosa hakio, má tɛɛmbuu kpema ya yiilu nda-o. A toɲa, a cii ɲɛm ya kuuna nda-on cua. Mɛɛ nda ciimbuu mun, má vian mun o volɔɔla ndalan nin.

Tɔŋ miingua 17:5

la bii vana tosa dɛnɛ vɔɔn kon-ndo, la kɔɛ a ndu o sondo kpaki kobi niaa kon, la vii ndu a powtan háá mò vi.

Esekiɛl 16:38

I kialunin yamɛi nɔmnde mɛɛ vana kialu yamɛi vanlaandua suundɛiya a vanlaandua co vanndacieea diwvo-a yɛ. O kɔl ni tuwvo a o paŋala nuu nin, i yɔŋulnin nɔm mì soli nɔm koovan.

Yeremi 31:32

O venin maa kpema ya yii a fuɲaa ndaa telen ya bii nda baa, le nda solio o lɛŋnde Esipte len nin-ndo le. Kpema kon ndu, má tɛɛmbuu ndu. Nduyɛ, ya va vana nda bɛndoo ni. Sɔɛi fula Mɛlɛka o sondo-e co ken ni.

Tɔŋ miingua 31:20

Kani i co nda yɔɔ o lɛŋnde ya yiilu fuɲaa ndaa mamaa kpemaa mí mɛnan le nda len yɔngoo len nin, lɛŋnde cɔlua a tɔlɔɔlan la naŋ nin taw-taw len pɛɛn. A vanin ɲɛdiaa dioo, mà va pumndo háá mì cuɛiyan ma luɛi nda. O kon, a mulinin hɔlla o halaa celennda lo, mà sooluu nda. Lende nda tuulunin ya kɔllo mà tɛɛmbuu kpema nuu ni.

Tɔŋ miingua 29:25

Kpema kon nda mal ni má kɔa halaa celennda sooloo a vulan baŋɔɔ nda o labɛngunin, halaa ndaa sina paandu le-a, a Mɛlɛka kuuna nda sooloo-a.

Tɔŋ miingua 29:18

O niaa tɛɛn, te vanndo pum tuei pɛ sɔɔn kpeman yiinun mun a mɛnanndo-on, mò kuundian o kɔl ndɔɔ nin, mò dimi aa: ‹Kɔlɲuloo vanin le ya, hali i vanin bɛɛ kelaa mɛɛ kɔl nuu yeema yɛ›, mò luei vana celen o suunda soolaa n'piɔmndo nin,

Tɔŋ miingua 4:23

La caa, yɔŋii niaa pɔɛɛnun kpema Mɛlɛka Hala niaa yiilu niaa-o, mì la cɔw piɔmnda a tuuliaala súú oo súù. Nduyɛ o kuuna niaa dɛnnda lan.

Tɔŋ lasálàá 26:25

I tuisinin cɔwvo niaa coo, le niaa màá mingullo le kpema ni niaa tɛɛmbuu-o. Tuma niaa kɔ viannunnin o kobila niaalan nin-ndo, i saŋnin nàà n'kɔnyaa niaa tɛɛn, o kon la delnin yaamɔaa niaa o ba.

Tɔŋ lasálàá 26:15

te la kɛɛ pɛ silala nilan, mì la pɛɛsa nɛila nilan, te kela o tɔŋndan nilan kpow coo le, te la tɛɛmbuu pɛ kpema nuu,

Hebreea 10:28

Vana-vana tɛɛmbuu pɛ tɔŋ Moise-o mì vanaa ŋiɔn te kon te a yaa tɛnda seilen maa lende i co ni, o bɛnda mò sɔla piɔ́mndo, a tuinun vana kon iɲíí le.

Fulaa 22:20

La sáángiaa mialaa co niaa o bɛngu coo-a le tɔnɔɔ solio nda o n'dial te, la luei nda mɔnɛi le. Kani niaa bɛɛ, mialla niaa yɔŋnun o lɛŋnde Esipte len nin ni.

2Masaa 21:3

Mó mingi tombun Esekia fuɲa ndɔ ndóò puusiaa-on tangul, mó cɔaw fondala-loamaa-lasálàlan le Baal, mó cɔaw yɔm soolaa mɛɛ Akab masaa Israɛl ndóò tosa paandu yɛ, mó baŋ vulan ɲɛm pangelen co o halataala-on kpow o labɛngunin, mó sooluu mun.

SƐBƐ YƆB-O 31:28

mɛɛ kon bɛɛ co dɛnɛ pilɛ, o vana kialaa n'yamaa yaala vana coo-o, kani Hala co coocoo-o ya mulul kɔɔ lende ni.

Yeremi 34:18

I malnin vanpiaandua tɛɛmbuu kan kpema nuu-a yaamɔɔa o ba. A kɛɛ kan kela o nɛila kpema nda yii ya o hɔl-lo lan coo-a pɛɛn. Nda yɛ, má kei o bungan miuŋun naw sálà nda dii-o tɛɛn.

Fulaa 22:19

Vana solul pɛ halaa celennda sálàlan, te o co yɛ Mɛlɛka le o solul sálàlan te, ndu bɛnda mò sɔla piɔ́mndo kangalan.

Tɔŋ lasálàá 20:2

«Nuaa n dimulnin Israɛlla ni aa: ‹Te cua pilacieo Israɛl, te kon te mial co icali Israɛlla o bɛngu coo-o soli pɛ hɔ́ɔ́ ndɔɔ sálà o piɔmndo Molɛk lo, vana soli kon hɔ́ɔ́ ndɔɔ sálà-o bɛnda mò sɔla piɔ́mndo. Vanaa o co icali tɛɛn-nda bɛnda mà lo ndu viiyo a powtan háá mo vi.

Masaa kialaa n'yamaa 6:31

Kɛ mí Yoas mulul vanaa hin kan-nda kpow aa: «Mò va maa niaa bɛnda ni mi la lɔɔnun ibuŋ le Baal? Vɛ̀ɛ̀ niaa bɛnda ni mi la sɔɔnguu le ndu malaa? Vana-vana sim nihau pɛ mo soo le Baal, vana kon co vu telen pá mì ɲɔɔ tenga. Te hala Baal co lekɛ́ndɛi ni, mɛɛ la mal ndu mì ndu pila soo le máán ndɔ nda puusiaa-o.»