Tɔŋ miingua 17:1 - BII BILA

¹ La solul Mɛlɛka Hala niaa sálàá a cɔlu namtaa le, o va naw o va saa. Kani dɛnɛ nɔɔlɛiyo co kon le Mɛlɛka Hala niaa ni.

Tɔŋ miingua 17:1 Referans Kwoze

Tɔŋ miingua 15:21

Te cɔlua kan o pilɛ nɔ pɛ namtalen lekɔɔ, te o va pɛ cɔlu co tindaa-o, te kon te cɔlu sumɛiyo, te o nɔ pɛ namtale vɔɔnnde súú-súù o n'dial, la bɛnda mì la solul Mɛlɛka Hala niaa cɔlu vaa lende sálàá le.

Malasi 1:8

La co hunɔɔ a cɔlua sumɛiya, a cɔlua lenamtaa a á cɔlua co a nààlan-nda le nda ya sálàá solullo. Vɛ̀ɛ̀ la ci ken dɛnɛ vɔɔn te? Te la ke pɛ masa ibunga niaa cɔlu vaa lende, vɛ̀ɛ̀ o naŋ pá kɔl a niaa, mò candu niaa? Ya Mɛlɛka-Nɔ-Kpaayaa-Kpow-vo co niaa ɲunaa nuaa ni.

Tɔŋ miingua 23:18

«Suunda leyulaa bɛnda mò va cuavaa laandua Israɛlla tɛɛn te, o bɛnda vɛlɛ mo va poaa Israɛlla tɛɛn te.

Tɔŋ miingua 24:4

pɔnɔ tase kɛɛ ndu kon-ndo bɛnda lɛ mo mingin ndu o ba mò siŋnun vɛlɛ laa ndɔ le. Kani vanalanɔ kon cuu siŋnɔn vana nɔɔlɛiyo le ndu vanapɔnɔ kon. Te o mingin vɛlɛ pɛ lanɔ kon o ba, mɛɛ yɔŋ vɔɔn bɛndoo o tosa kon Mɛlɛka o hɔl ni. Le hee, la lúeì lɛŋnde Mɛlɛka Hala niaa yɔngu niaa kɛ́ɔ len o hakio nin te.»

1Piɛr 1:19

Kɛ a kooma sɔvɛma bɛnduma Krista-an, Krista kon yɔŋnun ni maa saa téndé nɔ lenamta loo, ó nɔ sɔŋ too.

Hebreea 9:14

Nɛɛ ken tosan-ndɔ lende, vɛ̀ɛ̀ kooma Yeesu-an man ma hiw kpaayaa lende le? Kani a kpaaya Hala Kɔl-Diandaa ndu pila yɔngun Hala ni, maa cɔlu sálà nɔ lenamta loo. Lelan, o dindinin kɔlta naalan le dɛnnda naala vɔɔnndan haliko mi n tosal Hala yoomaa vallo.

Talelan 15:8

Sálàla vanaa kɔlvesɛiya la nɛinún bɔɔ Mɛlɛka, kɛ ò cɛ̀l piɛile vanaa sandaa.

Talelan 11:1

Ɲɛla tuvaala n'ɲɛla nda yɛlɛmiaa lan la nɛinun bɔɔ Mɛlɛka, kɛ o nàŋ kɔl a ɲɛla tuvaala nda sakpolan.

Talelan 6:16

Dɛnndan tan ŋɔmpum la nɛinun Mɛlɛka ni, la co bɛɛ laŋɔmmɛw.

Tɔŋ miingua 25:16

Kani Mɛlɛka Hala niaa yeema vanaa tosa delɔɔcoo vaa lende-a le few.»

Fulaa 12:5

A bɛnda ma bii saa téndé, te kon te cuin téndé piaandu nɔ lenamta loo, o nɔ vɔsio pilɛ-o.

O Kandɔɔ 41:19

Mí navaa celen a fula vɛlɛ nda ŋɔmmɛw o pee pilɛ kon nin o a tasea kan kɔɔli. Kan nda va a ɲavɛi sɛ́ɛ́n. Vɔwle ndáà vɔwlen, kabi bɛɛ i ci vɔ nawva vɔwlen lende o lɛŋnde Esipte len nin te.

Talelan 20:10

Panila bɔɔfiɛilan a ɲɛla tuvaa n'ɲɛla lakafalan la nɛinun bɔɔ Mɛlɛka.

Tɔŋ lasálàá 1:3

Te sálà loamaa o yeema le solio a cɔlua bɛndua nin ni, o bii cɔlu piaandu nɔ lenamta loo, o kɔ cɔm ndu o cɛi-kola-toandaa-labɔɔŋianndo sondoo haliko mi Mɛlɛka cɛl ndu.

Kundalan 29:8

Mì la solul-la sálà loamaa, o ya tuɛi cun mì ɲɔɔ hɛnan ya-o: naw tova téndóó pilɛ, saa kóndóó pilɛ a saa téndéa nɔ vɔsio pilɛ-a nda ŋɔmmɛw. Cɔlua kan kpow a bɛnda mà nɔ lenamta le.

Tɔŋ miingua 7:25

La bɛnda mì la lom piɔmaa nda cuá maa halaa nda-a. Kɛ la del o tɔɔndan nin le volion a sianin kumbu nda-on cuaa le. La cua mun te. Dɛnɛ kon nɔla mò va yaŋɔɔlen le niaa, kani dɛnɛ nɔɔlɛi bɛndoo pila dɛnɛ kon co Mɛlɛka Hala niaa o hɔl ni.