Tɔŋ miingua 16:4 - BII BILA

⁴ O palɛi ŋɔmmɛvii ken bɛngu, lɛvɛnndo bɛnda mò va o lɛŋnde niaalen kpow nin te. Cɔlu sálà niaa diinin vɛlɛ o paale tasele kafo kon coo icɔllo-o, la bɛnda mì la manda visin ndɔn háá diimandɔɔ le.

Tɔŋ miingua 16:4 Referans Kwoze

Fulaa 34:25

La sólùl-la sálàla n'cɔlulan a bulu toosian a lɛvɛnndo-o latulu le. La mándà visin cɔlu kafo-hiavaa-coo háá diimandɔɔ idiiyo le.

Fulaa 12:10

À manda ɲɛ-ɲɛ le diimandɔɔ le. Te ɲɛ lɔl pɛ kuya, a pena ndu lomɔɔ idiiyo.

Fulaa 13:7

Vana-vana bɛnda mò de bulu toosian a lɛvɛn too o palɛi ŋɔmmɛvii ken bɛngu. O lɛŋnde niaale len nin kpow, vana bɛnda mì vana saalun bulu toosian a lɛvɛnndo-o, te kon te lɛvɛnndo pila o laniaa lo le.

Fulaa 12:15

«O palɛi ndii ŋɔmmɛw bɛngu, la bɛnda mì la va bulu toosian a lɛvɛn too dioo. Paale tasele lɔ́ɔ́ kon le tiiya dɔ́ɔ́ pɛ, la soli lɛvɛnndo o cɛila niaalan nin few-few. Kandɔɔ paale tasele len, kɔ bii paale ŋɔmmɛwndɔlen, te vanndo de pɛ bulu toosian a lɛvɛnndo-o, a bɛnda mà faŋa vana kon Israɛlla tɛɛn.

Fulaa 12:8

A bɛnda mà tuɛi visin mun, mà de mun icɔl kon a bulu toosian a lɛvɛn too a á bil loloo.

Matie 13:33

Mí Yeesu dimul nda vɛlɛ tale celen aa: «Masale halataala len le co ko vɛlɛ kpen a lɛvɛnndo, o vanalanɔɔ pum cua mó vow o kpeyan kilo leyáá-o nin-ndo. Mí lɛvɛn kon tosa mí kpeyan kon kpow hindu hindɔɔ pila.»

Fulaa 12:6

A bɛnda mà manda ndu háá o paale tɔ́ a lehiɔɔlundɔle paangii ken. A paale delaalen ɲinkon, Israɛlla kpow, yungu oo yungu kelu cɔlu nda hɛli-o bololan.

Fulaa 23:18

La hun a bulu toosian a lɛvɛnndo-o telen niaa co va ya sálàla n'cɔlulan solullo-o le. La mándà cuɛima cɔlua nda co ya sálàlan solullo o kafola nilan coo-a-an háá diimandɔɔ idiiyo le.

Tɔŋ miingua 16:5

La bɛnda mì la dii cɔlu niaa sálà kafo-hiavaa-coo kon o kobi oo kobi nin o kobila Mɛlɛka Hala niaa yɔngu niaa le calle lan nin te,