Tɔŋ miingua 16:3 - BII BILA

³ La bɛnda mì la de ɲɛdiaa sálà kon a bulu toosian a lɛvɛnndo-o latulu le. O palɛi ndii ŋɔmmɛw bɛngu, la bɛndu mi la va bulu toosian a lɛvɛn too dioo. Bulu imɔnɔ kon vanin niaa yiyalanndo ni maa a kiltan niaa fula o lɛŋnde Esipte len nin ni. O kon, le fɛɛn a fɛɛn, la vanin loonɔnndo a paale niaa faŋan Esipte len.

Tɔŋ miingua 16:3 Referans Kwoze

Fulaa 12:39

Má loam bulu toosian a lɛvɛn too a dɛɛ lindaa nda cɛn Esipte-o, kani telen nda tow nda le faŋanndo o lɛŋnde Esipte len nin-ndo, ndáà vow vɔ lɛvɛnndo o dɛɛ kon nin te. Lelan, a tamala lɛ le faŋanndo lon te, hali ɲɛm dian a nɔla lɛ mun toosiaa le keiyo dioo nɛi-tɛɛn te.

Fulaa 34:18

La tosa kafo bulu toosian a lɛvɛn too. O palɛi ŋɔmmɛvii kelun o paangii Abib-e nin-nde bɛngu kpow, la va bulu toosian a lɛvɛn too dioo kínɛí maa mɛɛ ya dimul niaa le tosaa yɛ. Kani o paangii ken nin niaa faŋan Esipte ni.

Luke 22:19

O kon kɔɔli, mí Yeesu cua buloo. Mɛɛ o cii balikaa malɔɔ, mó yimiyimi ndu, mó yɔngu nda ndu a dimio aa: «Dialun nun co mun ni, n yɔngun le niaa-on. La va hoo tosaa le loonɔnndo a ya o kɔɔ.»

Kundalan 9:11

O paale tɔ́ a lehiɔɔlundɔlen coo o paangii diinndɔɛi nin nda bɛnda le kafo kon tosaa ni, mà de saa téndóó a bulu toosian a lɛvɛn too a á bil loloo.

Fulaa 12:8

A bɛnda mà tuɛi visin mun, mà de mun icɔl kon a bulu toosian a lɛvɛn too a á bil loloo.

1Tesalonikea 1:6

Niaa yɛ, a sanga bɛndu niaa sɔla-o kpede, mí la vial naa, mí la vial vɛlɛ Maalii o dɛnndan nin, mí la cɛl sɔɛi Hala-e a ɲaaloo, ɲaale Hala Kɔl-Diandaa yɔngu niaa-o pɛɛn.

1Korɛntea 5:8

Lelan n tosan kafoo, o co a lɛvɛn paandu le, o co vɛlɛ a lɛvɛn dɛnɛ haki, te kon te dɛnɛ kɔlvesɛi le, kɛ bulu toosian a lɛvɛn too co dɛnɛ sandaa a toɲaa ni.

Sakari 12:10

I cucunin kɔl ikɛndɔɔ a kɔl tɛɛlanndo polale David len a vanaa vanin icali Yerusalɛm-nda kpow coo. O kon, a mulinin hɔlla o ya lo mà tofa ya, le vana nda buli lungbuei-yo. A caŋnin le ndu mɛɛ vana caŋ le piɔ́m pole pilɛlen nuaa yɛ. A koŋulnin ndu coo mɛɛ vana koŋul le piɔ́m po tasoo yɛ.

Condii lisai 127:2

Lende koni, niaa bɛɛ, la co cɔnɔnndo idii púŋ, mì la va kɛɔ yalaa lɔan fondo fúú, sangaa fúú niaa co le balo niaa sɔlaa ni. Kani vanaa Mɛlɛka kaola-a a vannun bɛɛ o lɔma nda, ndu Mɛlɛka kenin nda baloo. Cuawva co kɛ Mɛlɛka-o ni.

Condii lisai 111:4

Mɛlɛka yeema mì n va dɛnnda kaamaala ndɔlan loonɔnndo. O nɔ kɛndɛi, o nɔ vɛlɛ ɲííye.

Condii lisai 102:9

Yaamɔaa nia co ya yeowlan lɔ́ɔ́-lɔ́ɔ̀, a co ya mamɔɔ, a co mɛɛnianndan o diola nilan.

1Masaa 22:27

ma kɔ dimul nda aa ya laa a mal ndu o kaasoo, mà va ndu baloo dɔvɔɔ a buloo a á mɛnndan daama. A vá tosaa lende háá telen ya fulanin o cɔwvo mì muungu nanu kɛndia a kɔlɲuloo-o.»

Kundalan 28:17

O paale tɔ́ a leŋuɛɛnundɔle paangii ken coo kafoo bɛnda mò kandun kpeekpei ni. O palɛi ndii ŋɔmmɛw bɛngu, la bɛnda mì la va bulu toosian a lɛvɛn too dioo.

Tɔŋ lasálàá 23:6

Te la tosa pɛ kafo kon icɔllo, diimandɔɔ la kandu kafo bulu toosian a lɛvɛn too tosaa le ya Mɛlɛka. Kandɔɔ paale len háá palɛi ndii ŋɔmmɛw, bulu niaa vanin dioo-o bɛnda mò toosian a lɛvɛnndo le.

Fulaa 12:11

Mɛɛ niaa bɛnda le ɲɛdiaa kon dioo yɛ co hoo ni: la bɛnda mì la kandan yáwlen o caŋ, mì la vownun samtalan o n'pelu, mì la bii tindala niaalan o laba. La bɛnda mì la de ndu cɔ́-cɔ́ le kɔlan. Nuaa niaa bɛnda ni mi la tosa kafo-hiavaa-coo le ya Mɛlɛka.

Fulaa 12:17

La tosa kafo bulu toosian a lɛvɛn too ho le loonɔnndo maa paale len ya soli yungula niaalan a kundalan o lɛŋnde Esipte len nin ni. Le fɛɛn a fɛɛn, kandɔɔ a niaa pila, kɔ bii a cuavaa niaa imamaa, la bɛnda mì la loonun a dɛnɔɔ ho. Tɔŋ niaa bɛnda mì la bii-o co hoo ni:

Tɔŋ miingua 4:9

«Kɛ niaa yɛ, la caa le niaa pila, la mandan, yɔŋii niaa pɔɛɛnun dɛnnda niaa ce a lehɔl mí la yɔŋnun seiya le lan-ndan. La mandan dɛnnda lan o lakɔl le fɛɛn a fɛɛn, la pɛɛku cuavaa niaa a cuavaa niaa imamaa lan.

Tɔŋ miingua 16:2

La bɛnda mì la soli sálà kafo-hiavaa-coo a nawva, a saa, te kon te a cuinnda le Mɛlɛka Hala niaa biiloo, mì la dii cɔlua kan o fonda Mɛlɛka pila hɛlinin le diola ndɔlan vaa biilɔnndo lon-ndo.

Esai 52:12

La fula a lakil lukuluku le, la kɔa a ɲaanɔn te, kani Mɛlɛka co kɔlan niaa laci, Hala Israɛlla vanin niaa kɔɔli le niaa kandaa.

Yosue 4:7

La mulul nda aa: ‹Lɔ́ɔ́ kesu kpema Mɛlɛka-o va Yurdɛn taŋɔɔ-o, mí mɛnndan ma kiolu tɛɛn ndu laci, mí ma sɛyan. Powtan ndan la co ɲɛ loonanndo le Israɛlla le fɛɛn a fɛɛn ni.›»