Tɔŋ miingua 16:2 - BII BILA

² La bɛnda mì la soli sálà kafo-hiavaa-coo a nawva, a saa, te kon te a cuinnda le Mɛlɛka Hala niaa biiloo, mì la dii cɔlua kan o fonda Mɛlɛka pila hɛlinin le diola ndɔlan vaa biilɔnndo lon-ndo.

Tɔŋ miingua 16:2 Referans Kwoze

Tɔŋ miingua 12:5

Mɛlɛka hɛlinin fondaa o tàndàla polama niaan ma vanin icali nin-ndan tɛɛn, le diola ndɔlan vaa biilɔnndo lon a le calta ndɔlan kɛsio lon, lon daama niaa vanin kɔlan ndu piɛiyo ni.

Tɔŋ miingua 12:26

Kɛ la bɛnda mì la cua cɔlua niaa tuu le sálàá solio-a, a co cɔlua niaa kpeekpeiya-a, a cɔlua niaa baa yoolen o Mɛlɛka lo le ndu yɔngoo-a, mì la hin a nda o fonda Mɛlɛka hɛlinin-ndo.

1Korɛntea 5:7

La faŋa lɛvɛn hakio, mì la siŋnun maa kpeyan lindan sɛnɛiyo, o kon lɛvɛn venin niaa nin te. Kani Krista siŋnun saa téndóó le naa, le kafo-hiavaa-coo, Krista nda baŋ o yɔm singafilaa coo-o pɛɛn.

Luke 22:15

mó dimul nda aa: «Yeemɛi va ya bɔɔ le ɲɛdiaa kafo-hiavaa-coo ho dioo naa niaa latulu lɔ́ɔ́ pá mì yáà sanga.

Luke 22:8

mí Yeesu viam Piɛr nda Nsaŋ, mó dimul nda aa: «La kɔ bɛɛndial naa ɲɛdiaa kafo-hiavaa-coo.»

Marke 14:12

O paale tasele kafo bulu toosian a lɛvɛn too len coo, paale ndáà diw saa téndéa le kafo-hiavaa-coo tosaa len, mí kaandennda ɲuna Yeesu aa: «Kuɛɛ nɛ n yeema yɛ mì n kɔ bɛɛndial nɔm ɲɛdiaa le kafo-hiavaa-coo?»

Matie 26:17

O paale tasele kafo bulu toosian a lɛvɛn too len coo, mí kaandennda hun ɲuna Yeesu aa: «Kuɛɛ nɛ n yeema yɛ mì n bɛɛndial nɔm ɲɛdiaa le kafo-hiavaa-coo?»

Matie 26:2

«La sinà maa o lo palɛi ndii ŋiin le kafo-hiavaa-coo tiiyaa. À malnin Po vanacieo vannda o ba le ndu baŋɔɔ o yɔm singafilaa coo.»

2Dɛnnda lemasalan 35:7

Mí Yosia soli saa téndéa a cuinaa téndéa vaalan beleyaa (30 000) o cɔlua ndɔa ndu pila-a tɛɛn, mó yɔngu Israɛlaa va lon-nda kpow le sálà kafo-hiavaa-coo tosaa, mó ke nda vɛlɛ nawva vàálan tan yáá (3 000).

Tɔŋ miingua 15:20

Vɔsi oo vɔsi, la bɛnda mì la va nda dioo Mɛlɛka Hala niaa o hɔl niaa yungula niaalan, o fonda Mɛlɛka hɛlinin-ndo.

Tɔŋ miingua 12:18

Mɛlɛka Hala niaa o hɔl, o fonda ndu pila hɛlinin-ndo niaa bɛnda le ɲɛla lan dioo ni. Niaa pila, poaa niaa, cuavaa niaa laandua, buɛyaa niaa piaandua, buɛyaa niaa laandua a leviaa vanin o kobila niaalan nin-nda bɛnda le ɲɛla lan dioo ni. O kon, la dɔwnun ɲaale Mɛlɛka Hala niaa o hɔl le kɔmnde niaa vanin sɔlaa o valta niaalan nin-nden.

Tɔŋ miingua 12:14

O fonda Mɛlɛka pila hɛlinin o tàndàla polama niaan tɛɛn-ndo kínɛí niaa bɛnda le sálàla loamaala niaalan solio ni, lon kínɛí niaa bɛnda le ɲɛ ya dimul niaa le tosaa-o tosaa ni.

Tɔŋ miingua 12:11

O fonda Mɛlɛka Hala niaa hɛlinin kon le diola ndɔlan vaa biilɔnndo lenin-ndo niaa vanin hunɔɔ a ɲɛm ya dimul niaa le yɔngoo-on ni: sálàla loamaala niaalan, sálàla niaala celenndan, o-tɔ́ndɔla niaalan, ɲɛm niaa vanin yɔngoo a yeemɛi-yon a ɲɛm niaa vanin hunɔɔ le yoole niaa baa o Mɛlɛka lo len timbio-on.

Kundalan 9:2

«Israɛlla bɛnda mà tosa kafo-hiavaa-coo o telen kelun-ndo.

Tɔŋ miingua 16:1

«La loonun a paangii Abib-e mì la tosa kafo-hiavaa-coo lenin le Mɛlɛka Hala niaa biiloo. Kani ɲumma pilɛ o paangii ken nin Mɛlɛka Hala niaa soli niaa Esipte ni.

Tɔŋ miingua 16:3

La bɛnda mì la de ɲɛdiaa sálà kon a bulu toosian a lɛvɛnndo-o latulu le. O palɛi ndii ŋɔmmɛw bɛngu, la bɛndu mi la va bulu toosian a lɛvɛn too dioo. Bulu imɔnɔ kon vanin niaa yiyalanndo ni maa a kiltan niaa fula o lɛŋnde Esipte len nin ni. O kon, le fɛɛn a fɛɛn, la vanin loonɔnndo a paale niaa faŋan Esipte len.

2Masaa 23:21

Mí masaa Yosia dimul vannda kpow aa: «La tosa kafo-hiavaa-coo le Mɛlɛka Hala niaa biiloo, maa mɛɛ o co o sɛvaa o sɛbɛ kpemaa ho nin yɛ.»