Tɔŋ miingua 16:1 - BII BILA

¹ «La loonun a paangii Abib-e mì la tosa kafo-hiavaa-coo lenin le Mɛlɛka Hala niaa biiloo. Kani ɲumma pilɛ o paangii ken nin Mɛlɛka Hala niaa soli niaa Esipte ni.

Tɔŋ miingua 16:1 Referans Kwoze

Fulaa 34:18

La tosa kafo bulu toosian a lɛvɛn too. O palɛi ŋɔmmɛvii kelun o paangii Abib-e nin-nde bɛngu kpow, la va bulu toosian a lɛvɛn too dioo kínɛí maa mɛɛ ya dimul niaa le tosaa yɛ. Kani o paangii ken nin niaa faŋan Esipte ni.

Fulaa 13:4

Hau niaa co fula o lɛŋnde Esipte len nin ni, o paangii Abib-e he nin.

Kundalan 28:16

«O paale tɔ́ a lehiɔɔlundɔlen coo o paangii tasei o vɔsio nin, kafo-hiavaa-coo bɛnda mò tosan le Mɛlɛka biiloo.

Tɔŋ lasálàá 23:5

Te paangii tasei tiiya pɛ palɛi tɔ́ a ihiɔɔlu, la tosa kafo-hiavaa-coo a paale delaalen le ya Mɛlɛka biiloo.

Fulaa 23:15

La bɛnda mì la tosa kafo bulu toosian a lɛvɛn too. Mɛɛ ya dimul niaa le tosaa o telen kelun o paangii Abib-e nin-ndo yɛ, o palɛi ndii ŋɔmmɛw bɛngu, bulu toosian a lɛvɛn too niaa bɛnda ni mi la va dioo. Kani o paangii ken nin niaa faŋan o lɛŋnde Esipte len nin ni. Vana-vana bɛnda mò hun sim ya Mɛlɛka o hɔl bala fondo le.

Luke 2:41

Vɔsi oo vɔsi, yungu Yeesu-o va kɔlan Yerusalɛm le kafo-hiavaa-coo.

Nsaŋ 2:13

Kafo Yuifia va nin kpɛɛlun, kafo-hiavaa-coo pɛɛn, mí Yeesu hel Yerusalɛm.

Nsaŋ 5:1

O kon kɔɔli, mí kafo Yuifia pum tiiya, mí Yeesu hel Yerusalɛm ciee.

Nsaŋ 6:4

Kafo-hiavaa-coo ndóò sɔɔnguu nin, kafo Yuifia pɛɛn.

Tɔŋ miingua 16:2

La bɛnda mì la soli sálà kafo-hiavaa-coo a nawva, a saa, te kon te a cuinnda le Mɛlɛka Hala niaa biiloo, mì la dii cɔlua kan o fonda Mɛlɛka pila hɛlinin le diola ndɔlan vaa biilɔnndo lon-ndo.

Fulaa 12:51

Paale len kpeekpei Mɛlɛka soli nda o lɛŋnde Esipte len nin a kundalan ni.

Fulaa 13:3

Mí Moise dimul Israɛlla aa: «La loonun a paalen nden o kɔɔ, la va o cɛlen nin o lɛŋnde Esipte len nin, mí Mɛlɛka soli niaa lon a ba ndɔ kpaayaa. Lelan, la va pɛ kafo kon tosaa, la dia bulu toosian a lɛvɛnndo-o le.

Fulaa 23:14

«O vɔsi oo vɔsi nin, la bɛnda mì la tosa kafolan tan yáá le ya Mɛlɛka biiloo.