Tɔŋ miingua 15:9 - BII BILA

⁹ La mandan le yiyan vɔɔndo sɔlaa o kɔlta niaalan nin mì la dimi aa: ‹Vɔsi ŋɔmmɛwndɔɔ bendu lɛ le tiiyaa le, vɔsi vana mal vannda haki le kueelan-ndo›, yɔŋii niaa tofa puapilɛ niaa co o kuɛi nin-ndo tofa vɔɔndo, mì la tuŋ ndu ɲɛm niaan. Te la tosal ndu pɛ lende, mò koŋul o Mɛlɛka lo a niaa o sondo, mɛɛ hakio niaa tosa lende ni.

Tɔŋ miingua 15:9 Referans Kwoze

Tɔŋ miingua 24:15

Lepalaa-lepala, telen pá mì paalen le del, la bɛnda mì la va ndu sala ndɔɔ yɔngoo. Kani vana bala fondoo o co ni, sala kon o tiindan ni, o co ndu cumndo a yeemɛi taw. Te la tosa lende le, o koŋul pɛ o Mɛlɛka lo a niaa o sondo, mɛɛ hakio niaa cua lende ni.

Matie 20:15

Mò va maa i nɔ dí le ɲɛ ya yeema-o tosaa a ɲɛm nun te? Bàà te i tosa pɛ dɛnɛ kɛndɔɔ, ken luei nɔm paŋalaa o kɔl?›

Nsaki 5:9

Puapilɛa, sɔɔn pɔmbɔn va niaa tɛɛn te, yɔŋii niaa sɔla yaalaa. La tofa vɔ, vana kialaa iyamaa co isisi o dio.

Yeremi 17:10

Mí ya Mɛlɛka dimi aa: Ya co vana ca o kɔllo nin di-o ni, i sina yiyannda viannannda co o kɔltan nin-ndan. Le hee, i tiwba mi bii vana-vana mɛɛ kela ndɔɔ co yɛ, mɛɛ dɛnnda vana-vana la co yɛ.

Fulaa 22:23

O kon, i tuulu kɔl a niaa, i tuisi niaa cɔwvo coo, la cuu vu kpow, haliko mi laandaa niaa bɛɛ nda siŋnun vanlaandua piaandaa ndaa vi-a, mì poaa niaa bɛɛ siŋnun vííya.

Nsaki 5:4

La tofa vɔ, sala vanvalaa kow ciɛɔn niaan-nda, o niaa kungulan coo-o, co yondaa. Nduyɛ cɛɛŋɔnnda vanaa koavaa kan la tiiyaa háá Mɛlɛka nɔ Kpaayaa-Kpow-vo o lani.

Matie 15:19

Kani o kɔllo nin yiyannda vɔɔnndan, yeemɛi diyaa n'vanndacie-e, tiɔmɔɔ, suundaa, vuilen, seile lakafalen timbio a vannda diolan tɛɛmbuuo fula ni.

Talelan 28:22

Vana yeemɛi bɛndoo yeema mò keleŋa bolofaa sɔla, o sínà bɛɛ maa kuɛi co hunɔɔ ndu tolɔɔ coo le.

Talelan 23:6

Dia ɲɛdiaa vana tofà vannda tofa vɔɔndo-o le, ɲɛdiaa ndɔ kɛndɔɔ bíì nɔm iyeema le.

SƐBƐ YƆB-O 34:28

A cɛŋi vana nɔ kpaaya loo, mí diom ndɔɔ hel háá mó komal Hala, mó tuɛi vɛlɛ cɛɛŋɔnnda vanaa bala fondoa.

Fulaa 3:7

Mí Mɛlɛka dimul ndu aa: «I ce mɔnɛi cuavaa nia co nin Esipte-e, i co nda tueyɔ̀ɔ́ koŋullo a saangiaa mɛlɛsoŋnda co nda-o, i ce dɛnɛ palaa co nda coo-o vakpa.

1Piɛr 4:9

La va vanaa bii mialla-a vellaa-velle, o va a sɔɔn pɔmbɔ le.

Nsaki 4:17

Te vanndo sina pɛ le dɛnɛ kɛndɔɔ tosaa, te o tosa ndu le, mɛɛ o cua hakio o ken nin.

Nsaki 4:5

La yiyan te maa fondo fúú o sɛvan-ndo dimi aa: «Kɔl Hala luei naa nin-ndo, o kaola ndu taw a paŋalaa.»

Talelan 24:9

Tuula diɔm sondo vesɛiyo, le dɛnɛ vɔɔndo tosaa daama la co ni. Vana mam vannda-o nɛinun bɔɔ vannda.

Talelan 21:13

Vana kindal pɛ vana bala fondo co koŋullo-o nilan, vana kon bɛɛ sɔlanin muli tuma o veelunin le malaa sɔlaa-o le.

Talelan 4:23

Manda kɔl nɔmndo hiovɔɔ ɲɛm tɔ̀un kpow coo, kani lon yoomu nɔmndo cɛn tum ni.

Condii lisai 9:12

La soli condon le Mɛlɛka, Mɛlɛka co icali Siɔn-ndo pɛɛn. La yonda dɛnnda ndɔla bɛndulan vanaa súúla celennda tɛɛn.

Tɔŋ miingua 15:1

«Vɔsi ŋɔmmɛwndɔ oo vɔsi ŋɔmmɛwndɔ, kueelan la bɛnda mì la malnun.

Condii lisai 12:5

Vanaa kan co dimio aa: «A diɛɛmui nɛi naa n sɔla kpaaya ni, cɔcɔn naan co naa malaa, siòòŋii co naa a vana-vana le.»

Condii lisai 101:3

I tosanin dɛnnda sendu le lan te. Dɛnnda vanaa nɔ laalan te-a la nɛinun ya bɔɔ, i nɔ mako a lan te.

Fulaa 22:22

Te la luei pɛ nda mɔnɛi, mà cɛɛŋun ya Mɛlɛka o lani, í tuei nda diom.

Tɔŋ miingua 31:10

Mí ndu Moise dimul nda aa: «O vɔsi ŋɔmmɛwndɔ oo vɔsi ŋɔmmɛwndɔ coo, telen vɔsi vana mal vannda haki a kueelan-ndo kandunnin-ndo, telen kafo lakùùo,

Talelan 14:21

Vana pɛɛsa pɛ caanda o tosa hakio, kɛ dɛnɛ co le vana kon, vana nɔ ɲííye a vanaa bala fondoa-o.

Yeremi 34:14

Mí yáà dimul nda maa nanu a vɔsilan laŋɔmmɛw, vana-vana bɛnda mò mal puapilɛ ndɔ Hebreenɔ ndóò pendu mí ndóò va cɛ ndɔɔ-o mò kɔɛnnun. Vana kon tosalnin nɔm vali lecɛo le vɔsilan laŋɔmpum. O kon kɔɔli, a mal ndu o kɔɛnnun. Kɛ fuɲaa niaa mamaa bii sɔɛi ken te, a yeŋnun bɛɛ ndi le.