Tɔŋ miingua 15:6 - BII BILA

⁶ Kani Mɛlɛka Hala niaa dɔawnin niaa duaa mɛɛ o yiilu niaa kpemaa yɛ. O kon la vanin vanaa-mangalaa-isɔaa celen taw kueelan yɔngoo, kɛ niaa la cuenin kuee le. Vanaa-mangalaa-isɔaa bɔɔ-bɔɔ a calnin niaa o ba bɛngu, kɛ niaa la celnin vana-vana o ba bɛngu le.

Tɔŋ miingua 15:6 Referans Kwoze

Luke 6:35

Kɛ la kaola yaamɔaa niaa, mì la tosa dɛnɛ kɛndɔɔ, la dɔnda vannda, la yiyan le niaa mingul te. O kon, vɔ̀ngɔ̀ niaa vanin o bɔɔ, la siŋnunnin vɛlɛ Poaa O Hiow-Ɲɔɔn-Kpow-vo, kani vana kɛndɔɔ o co le vanaa sina ikɛndɛ le-a a le vanaa vɔɔnda ni.

Talelan 22:7

Vanaa bolofaa o ba bɛngu vanaa bala fondoa co ni. Vana cua kueo-vo co cɛ vana o cua kueo o ba-o ni.

Condii lisai 37:21

Vana kɔlvesɛiyo dɔndan pɛ ɲɔɔ, o mingi le. Kɛ vana sandaa ndu, a kɛndɛi o piɔw ɲɛm ndɔn ni.

Ɛsdras 4:20

Masaa nɔ kpaayaa taw-va kei Yerusalɛm, mí masale ndalen le pɛngɛlan o lɛŋii va Efrate leeloo a ba paalen le del-lo-e kpow coo, vannda va nda muloo malɔɔ o ba, a va ɲɛ kelun-ndo yɔngoo, a va sala hiavaa yɔngoo.

Nehemi 9:27

O kon, nɔm Mɛlɛka, má mal Israɛlla yaamɔaa ndaa o ba, mí yaamɔaa kan saangiaa nda. Má koŋul nɔm o lani le sanga nda va kon-ndo, má tuɛi nda diom nɛɛ n co o halataala dí-a. A ɲíí nɔmii bɛndui nɔ lamɛɛlu lei, má viam vannda le nda solio o cɛlen nin yaamɔaa ndaa o ba.

Condii lisai 112:5

Vana sɔvɛɔ nɔ ɲííye, a kɔlkɛndɔɔ o dɔnda vana ɲɔɔ ni, mò bii tɔŋndan o dɛnnda ndɔlan nin.

Condii lisai 37:26

Lepalaa-lepala vana sandaa co vannda kɛndɛi tosallo, o co nda ɲɔɔn dɔndaa. Duaa cuavaa ndɔa siŋnùn ni.

2Dɛnnda lemasalan 9:26

Mó tosa masalen masaa ha coo, a lɛŋii ndɛi va cɔnɔnndo o pee bɛndoo Efrate, keiyo a lɛŋnde Filistia, kɔlan tiiyaa dí o pɛɛngulan a lɛŋnde Esipte len-nda.

Tɔŋ miingua 28:44

Mialaa kan vánin niaa ɲɔɔn dɔɔndiaa ni, niaa pila nɔ lɛnin ɲɛ-ɲɛ o ba le nda dɔndaa le. Nda vanin bollen ni, mì niaa va tumndo.

Tɔŋ miingua 15:5

Kɛ fɔ mì la yaŋ fɔlɔn nilan o sɔɛi ndɔɛi, mì la bii tɔŋnda ndɔla ya co niaa tɛɛngullo hau lan, mì la kela lecoo.

1Dɛnnda lemasalan 17:27

Dɔw niko yungu vana nɔm baalaa duaa, haliko mi polale nilen le va masaa nɔm o hɔl le lɔ́ɔ́-lɔ́ɔ̀! Kani ɲɛ nɔm Mɛlɛka dɔw pɛ duaa, o dɔwnun duaa le fɛɛn a fɛɛn.»