Tɔŋ miingua 15:5 - BII BILA

⁵ Kɛ fɔ mì la yaŋ fɔlɔn nilan o sɔɛi ndɔɛi, mì la bii tɔŋnda ndɔla ya co niaa tɛɛngullo hau lan, mì la kela lecoo.

Tɔŋ miingua 15:5 Referans Kwoze

Condii lisai 19:11

Mun hiow vaa n'sɔvɛ a sianion, n hiow siani diandan naŋɔɔ, n hiow lɛma co fulaa o vàálan nin-ndan yeelaa.

Yosue 1:7

Kɛ nduyɛ, lueinun yoomuan ma sim yili, ma kela o tɔŋnda Moise vana ni baalaa tɛɛngul nɔm-ndan coo. Sei o ba kɛndɔɔ coo le, sei o ba mɛllo coo le, haliko mi tuula nɔmndan kpow la bɛnda nɔm o ba.

Tɔŋ miingua 4:9

«Kɛ niaa yɛ, la caa le niaa pila, la mandan, yɔŋii niaa pɔɛɛnun dɛnnda niaa ce a lehɔl mí la yɔŋnun seiya le lan-ndan. La mandan dɛnnda lan o lakɔl le fɛɛn a fɛɛn, la pɛɛku cuavaa niaa a cuavaa niaa imamaa lan.

Filipea 1:27

Kɛ la kela mɛɛ Yoongu kɛndɛ Krista-o co yɛ. O kon, i kɔ o niaa lo, i kɔa le, i co tueyɔɔ maa la co yili o yiyan pilɔɔ nin, mì la va Yoongu kɛndɔɔ cɛwcɛwvo a laalan pilɔɔ.

Tɔŋ miingua 15:4

Nduyɛ, o bɛnda mì vana ikɔɔ va niaa tɛɛn te, bau Mɛlɛka Hala niaa dɔawnin niaa duaa taw-taw o lɛŋnde o yɔngunin niaa kɛ́ɔ, mì la loo len-nden nin.

Tɔŋ miingua 15:6

Kani Mɛlɛka Hala niaa dɔawnin niaa duaa mɛɛ o yiilu niaa kpemaa yɛ. O kon la vanin vanaa-mangalaa-isɔaa celen taw kueelan yɔngoo, kɛ niaa la cuenin kuee le. Vanaa-mangalaa-isɔaa bɔɔ-bɔɔ a calnin niaa o ba bɛngu, kɛ niaa la celnin vana-vana o ba bɛngu le.

Tɔŋ miingua 6:2

La nɔ́ siòòŋii Mɛlɛka Hala niaa, mì la bii tɔŋnda ndɔlan a silala ndɔla ya co niaa tɛɛngullo lan o palɛi niaa nɔ le tosaa o ceendo coo-e kpow nin. Tɔŋnda lan la co le niaa pila, le poaa niaa a le poaa niaa imamaa. La bii lan pɛ, la viow yoomu.

Tɔŋ miingua 26:14

I di ɲɛ-ɲɛ o ɲɛ kon nin telen ya va o sangaa nin-ndo le, i faŋa ɲɛ-ɲɛ lecoo le dɛnɛ nɔɔlɛi tosa a ndu le, i yɔngu ɲɛ-ɲɛ le dɛnɛ vana vílɛ́i le. I bii nɔm Mɛlɛka Hala nuu diom, mí tosa ɲɛ-ɲɛ n dimul-la le tosaa.