Tɔŋ miingua 15:10 - BII BILA

¹⁰ Lelan, la bɛnda mì la yɔngu ndu ɲɛ o nɔ makoo-o a kɔlkɛndɔɔ, o va a kɔl tambɛi le. Te la yɔngu pɛ ndu a kɔlkɛndɔɔ, Mɛlɛka Hala niaa dɔw niaa duaa o kpekula niaalan kpow nin a o ɲɛ-ɲɛ niaa vanin tosaa kpow nin.

Tɔŋ miingua 15:10 Referans Kwoze

Talelan 22:9

Vana tosal vannda kɛndɛiyo-o sɔlanin duaa, le tùú o co vana bala fondoo balo ndɔɔ keo-vo.

Hebreea 13:16

La pɔɛɛnun kɛndɛi tosaa a maalianndo vellaa-velle le, kani sálàla vaa lende la hɛnan Hala ni.

Esai 58:10

te la yɔngu pɛ vana yiaan ma co nɛiyo-o ɲɛ niaa pila yeemaa-o te la ke pɛ vana ikɔɔ ɲɛdiaa mò de, mò pim, ɲɛ-tengaa niaa teengiaanin ɲumndan, mì ɲumma niaan ma tenga maa a telen paale kálà-kálàlen.

Tɔŋ miingua 14:29

O kon, leviaa nɔ yondo kɛ́ maa niaa le-a, mialaa vanin icali niaa o bɛngu coo-a, vííya a vanlaandua piaandaa ndaa vi ma va icali o kobila niaalan nin-nda hin, a hun dio ɲɛm mun a pim ca. La tosa pɛ lende, Mɛlɛka Hala niaa dɔawnin niaa duaa o valta niaa vanin tosaa lan kpow nin.»

Tɔŋ miingua 24:19

Te la va pɛ ciɛɔn niaan kovɔɔ, mì la pɔɛɛnun tumboo o ciɛi nin, la muungu lɛ mì la kɔ cua tumbu kon te. La mɛi ndu niko lon le mialla, le vííya, te kon te le vanlaandua piaandaa ndaa vi-a, haliko mi Mɛlɛka Hala niaa dɔw niaa duaa o ɲɛ-ɲɛ niaa vanin tosaa nin.

Esai 32:8

Kɛ vana tɔ́ɔ́ kɛndɔɔ ndu, sɔɔn latɔ́ɔ́-tɔ́ɔ́n o tuu ni, o tuu vɛlɛ pɛ sɔɔn bɛndun vaa lende, o sim yili, le lou lecoo.

Dɛnnda kiilaa 20:35

O dɛnndan nin kpow, mí cɔm niaa maa mɛɛ mì vana tosa baalaa le vanaa bala fondoa-a malaa, mì vana loonun a sɔɔn Maalii Yeesu pila dimi-on aa: Vanndo ɲɔɔ keo hiow vana dɛnɛ kɛndɔɔ yɔngoo a vanndo nɔm ɲɔɔ keo.»

Tɔŋ miingua 15:4

Nduyɛ, o bɛnda mì vana ikɔɔ va niaa tɛɛn te, bau Mɛlɛka Hala niaa dɔawnin niaa duaa taw-taw o lɛŋnde o yɔngunin niaa kɛ́ɔ, mì la loo len-nden nin.

1Piɛr 4:11

Te vanndo va pɛ sɔɛi, o soo le diomnda Hala lan tɛɛnguuo. Vana nɔ pɛ keo le dɛnɔɔ pum tosaa, o tosa ndu a kpaaya Hala yɔngu vana-o, haliko mi Hala sɔla biiloo o dɛnndan kpow nin o diola Yeesu Krista lan. O biiloo a kpaayaa co le ndu le fɛɛn a fɛɛn-ndo. Amiina!

Rɔmnda 12:8

Vana nɔ vallo le vannda yoomuan lueiyo-o, ndu luei vannda yoomuan. Vana nɔ vallo le kɛndɛi tosaa-o, ndu tosa kɛndɛi. Vana nɔ vllo le vannda simndan lacio, ndu tosa baala kon a dialun fulan, mì vana nɔ vallo le vannda ɲííye tuinɔnndo-o ndu tuinun vannda iɲíí a kɔlkɛndɔɔ.

Matie 25:40

O kon masaa mululnin nda aa: ‹Mì dimul niaa toɲaa, telen oo telen niaa va o hiow dɔɔnanndo o puapilɛa nia ha tɛɛn-ndo dɛnnda lan tosallo, ya niaa va tosal kon lende ni.›

Tɔŋ miingua 14:19

La bɛnda mì la ce kambalaa nɔ bɔɔlan-nda maa a nɔɔlɛiya nda co ni, la dia nda le.

Tɔŋ miingua 23:20

«Te la dɔnda pɛ pilaciee niaa volion, ɲɛdiaa, te kon te ɲɛ súú oo súù, la bɛnda mì la ɲuna ndu le tɔnɔ handɔɔ lecoo le.

Tɔŋ miingua 28:8

Mɛlɛka Hala niaa tuisinin duaa o ɲɛm niaa heelunin o lakonda-on coo, o dɔawnin valta niaalan kpow duaa. A toɲa, o dɔawnin niaa duaa taw o lɛŋnde o yɔngu niaa len nin.

Vana Kɔlkaloo 11:1

«Vuu ɲɛdiaa nɔmndo o mɛnndan coo, kani palɛi bɔɔ-bɔɔ i hiow pɛ, a co ndu saalɔn.

Tɔŋ miingua 15:18

La tambu kɔl le cɛa co niaa o ba-a hɔ́ɔ́yɛi ndɛi yɔngoo le, kani o vɔsilan tan ŋɔmpum bɛngu, a lueilul niaa tɔnɔɔ hiovɔɔ tɔnɔ kɔntalanɔɔ lueilùl niaa-o bɛmbɛ lediin. Lelan, la yɔngu nda hɔ́ɔ́yɛi ndɛi, mì Mɛlɛka Hala niaa koma dɔw niaa duaa o ɲɛ-ɲɛ niaa vanin tosaa nin.»