Tɔŋ miingua 15:1 - BII BILA

¹ «Vɔsi ŋɔmmɛwndɔ oo vɔsi ŋɔmmɛwndɔ, kueelan la bɛnda mì la malnun.

Tɔŋ miingua 15:1 Referans Kwoze

Tɔŋ miingua 31:10

Mí ndu Moise dimul nda aa: «O vɔsi ŋɔmmɛwndɔ oo vɔsi ŋɔmmɛwndɔ coo, telen vɔsi vana mal vannda haki a kueelan-ndo kandunnin-ndo, telen kafo lakùùo,

Fulaa 21:2

Te la pendu pɛ cɛɔ, mì cɛ kon va Hebreenɔɔ, o bɛnda mò tosal vana pendu ndu-o baalaa o vɔsilan laŋɔmpum bɛngu. Kɛ o vɔsi ŋɔmmɛwndɔɔ, o sɔla hɔ́ɔ́yɛi ndɔɛi, o kɔɛnnun. O bɛnda mò sala ɲɛ-ɲɛ le baŋan ndɔ kon te.

Tɔŋ miingua 15:2

Mɛɛ kueela lan la bɛnda le malnɔnndo yɛ co hoo ni: te vɔsi malaa lakueo tiiya pɛ, ma yonda le vanaa cua kueelan-nda hakio malɔɔ le Mɛlɛka, vana-vana pilaciee ndɔɔ cua kueo o ba, o bɛnda mò mal kuee kon, mò mal vana cua ndu kueo o ba-o, o co puapilɛ ndɔɔ-o haki a kuee kon. O bɛnda mò suuku lɛ ndu, te kon te mo bii lɛ ndu ɲɛ celen o ba le.

Tɔŋ miingua 15:9

La mandan le yiyan vɔɔndo sɔlaa o kɔlta niaalan nin mì la dimi aa: ‹Vɔsi ŋɔmmɛwndɔɔ bendu lɛ le tiiyaa le, vɔsi vana mal vannda haki le kueelan-ndo›, yɔŋii niaa tofa puapilɛ niaa co o kuɛi nin-ndo tofa vɔɔndo, mì la tuŋ ndu ɲɛm niaan. Te la tosal ndu pɛ lende, mò koŋul o Mɛlɛka lo a niaa o sondo, mɛɛ hakio niaa tosa lende ni.

Nehemi 10:31

Mí yii kpemaa maa n bɛnda mì n kɛsi cuavaa naa laandua o nɔ̀lan vanaa súúla celeŋaa co o lɛŋnden nden nin-nda o ba le, n bɛnda vɛlɛ mì n cua cuavaa ndaa laandua o nɔ̀lan le poaa naa le.

Yeremi 34:14

Mí yáà dimul nda maa nanu a vɔsilan laŋɔmmɛw, vana-vana bɛnda mò mal puapilɛ ndɔ Hebreenɔ ndóò pendu mí ndóò va cɛ ndɔɔ-o mò kɔɛnnun. Vana kon tosalnin nɔm vali lecɛo le vɔsilan laŋɔmpum. O kon kɔɔli, a mal ndu o kɔɛnnun. Kɛ fuɲaa niaa mamaa bii sɔɛi ken te, a yeŋnun bɛɛ ndi le.