Tɔŋ miingua 13:9 - BII BILA

⁹ cɛl tuu ndɔ kon te, yaŋ nilan o sɔɛi ndɔɛi le. Handɔɔ o kon coo, tosa iɲíí a ndu le, kumbu ndu isulal te, vian tɛɛmbuu ndɔɔ le.

Tɔŋ miingua 13:9 Referans Kwoze

Dɛnnda kiilaa 7:58

má soli ndu o cieo kɔɔli, má kɔ del ndu viiyo a powtan le ndu diyɔɔ. Mí seiya a mɛi volɔɔla ndala cuɛinanndan langbanɔ felengoo pum o labɛngunin diolan Sol.

Nsaŋ 8:7

Le tùú nda va ndu baŋnɔnndo ɲunaa-o, mó cua hɔlla, mó dimul nda aa: «Vana co niaa tɛɛn o nɔ haki loo cua pow tasoo mò vɛ ndu.»

Luke 14:26

«Vana-vana yeema pɛ le ya delɔɔ kɔɔli, mɛɛ mò kɛɛ fuɲa ndɔ, kala ndɔ, laa ndɔ, cuavaa ndɔa, puapilɛa ndɔa a yemaa ndɔa, mò kɛɛ vɛlɛ yoomu ndɔɔ, te o co kon te, o tiwba mò siŋnun kaandennɔ nuu le.

Matie 10:37

Vana kaola pɛ fuɲa ndɔ, te kon te kala ndɔ hiovɔɔ ya coo, mɛɛ ndu bɛnda mò va kaandennɔ ni le. Vana kaola pɛ po ndɔɔ, te kon te cua ndɔɔ hiovɔɔ ya coo, mɛɛ ndu bɛnda mò va kaandennɔ ni le.

Tɔŋ lasálàá 24:14

«La kɔ a langbanɔɔ ho o dɔ́ɔ́ngɔ́ɔ̀ kɔɔli, mì vanaa tuei ndu diomnde vɔɔnnden dimio a ya Mɛlɛka-a handu ndu balan o lebol, mì Israɛlla kpow lo ndu viiyo a powtan háá mò vi.

Tɔŋ miingua 13:5

Mɛlɛka Hala niaa ndu pilɛ kpé niaa bɛnda le lou kɔɔli ni, a ndu kínɛí niaa bɛnda le siòònde nɔu ni. La bii tɔŋnda ndɔlan, mì la yaŋ nilan o diom ndɔɔ. Ndu pilɛ niaa bɛnda le baalaa tosallo ni, ndu pilɛ niaa bɛnda le holnɔnndo ni.

Tɔŋ miingua 7:2

te Mɛlɛka Hala niaa mal nda pɛ niaa o ba mi la nɔla nda, la bɛnda mì la cii nda kpede. La bɛnda mì la yii kpema oo kpema a nda le, la bɛnda mì la nɔ iɲíí a nda le.

Tɔŋ miingua 7:16

La bɛnda mì la diw vanaa-mangalaa-isɔɔa Mɛlɛka Hala niaa malnin niaa o ba-a kpow. La bɛnda mì la nɔ iɲíí a nda le, la sooluu halaa ndaa le, kani yaŋɔɔlen dɛnɛ kon vanin le niaa ni.

Tɔŋ miingua 25:12

la bɛnda mì la kelu vanalanɔ kon baa. La tosa iɲíí a ndu le few.»