Tɔŋ miingua 13:6 - BII BILA

⁶ Le vana-tɛɛngaa-diom Hala kon, te kon te vana sɔlaa malɔ kon, o bɛnda mò sɔla piɔ́mndo. Kani ndu va tosa ni mì vannda ndáà simul Mɛlɛka Hala niaa, ó soli niaa o lɛŋnde Esipte len nin mó faŋa niaa o cɛlen nin-ndo. Vana kon ndóò yeema mì ndóò faŋa niaa o nɛi Mɛlɛka Hala niaa dimul niaa le kɔlan coo-o coo. Nuaa niaa bɛnda ni mi la faŋa dɛnɛ vɔɔndo niaa tɛɛn.

Tɔŋ miingua 13:6 Referans Kwoze

2Piɛr 2:1

Vanaa-tɛɛngaa-diom Hala-a lacòòvaa va sindɛ Israɛlla tɛɛn. Nduyɛ, lende koni vanaa pɛɛkaa lacòòvaa vanin niaa tɛɛn ni. A hunnin a pɛɛkula vɔɔnndan o kɔlkalu vɔɔndo nin, mà kɛɛ bɛɛ Vana Bɛndu baŋa nda-o, o kon mì nda pila luei bollen o ɲánndávàà.

Efɛsea 4:14

O kon, n ve lɛnin n'cuaambɔ le, a hoeyii vɔɔŋii pɛɛkula súú-súù ka i yindu, mì i hiŋ nda hɔlla-e a. I vanaa pum kei vannda pala a kɔlkalula vɔɔnndan, mà luei nda o pɔwlan nin-nda.

Talelan 18:24

Vanndo nɔ pɛ canyan sɛ́lɛ́, canyan mun tiwba mì n tuisi dɛnɛ palaa ndu coo. Kɛ caan kpeekpeiyo pum hiow lo lediom coo a bɛndoo, te kon te pɔmbɔɔ.

Dɛnnda cɔɔmuanndan 20:3

Mó viaw ndu o soon yingilaa nɔ kon lamɛɛlu loo nin, mó kinda sondoo, mó baŋul ndu kɔɔli, haliko o luei lɛ vanaa-mangalaa-isɔɔa o pɔwlan nin te, háá mi vɔsila vaa pilɛlan la sul. O kon kɔɔli, mò sɔla timbio le telen bingi.

Dɛnnda cɔɔmuanndan 12:9

Má viaw ndu tambálaká bɛndu kon, ndu kɛwvo sindɛ pɛɛn, o nda veelu aa masa ɲinaa vɔɔnda te kon te Setana-o. O hiŋ vanaa co icali o lɛŋnden coo-a kpow hɔlla-o, má viaw mɛlɛkaa ndɔa a ndu latulu o lɛŋnden coo.

1Samiɛl 20:17

Mí Yonatan viam vɛlɛ David mɛnanndo le kaola bɛndu va nda tɛɛn-ndo, kani David ndóò kaola Yonatan mɛɛ ndu pila ndóò kaolan yɛ.

1Samiɛl 18:3

O kon, mí Yonatan yii kpema icanyaa nda David, kani mó kaola ndu maa ndu pila.

1Samiɛl 18:1

David ciiyo suukanndo nda Saul, mí Yonatan holnun David, mó kaola ndu maa ndu pila.

Tɔŋ miingua 29:18

O niaa tɛɛn, te vanndo pum tuei pɛ sɔɔn kpeman yiinun mun a mɛnanndo-on, mò kuundian o kɔl ndɔɔ nin, mò dimi aa: ‹Kɔlɲuloo vanin le ya, hali i vanin bɛɛ kelaa mɛɛ kɔl nuu yeema yɛ›, mò luei vana celen o suunda soolaa n'piɔmndo nin,

Tɔŋ miingua 28:54

Vana-vana nɔ yiyan kɛndɔɔ a kɔl icanyaa niaa tɛɛn, vana kon tofanin puapilɛ ndɔɔ, laa ndɔ co ndu lɔan kɔɔli-o, a hɔ́aa ndɔa o mɛi yɔnin yoomu-a tofa vɔɔndo ŋɛlɛn,

Dɛnnda cɔɔmuanndan 13:14

Mó luei vanaa va o lɛŋnden coo-a o pɔwlan nin a dɛnnda kɔndɔfilta o sɔla kpaayaa le tosaa visi tasoo o hɔl-tan o kɔɔ, mó va vanaa co lo o lɛŋnden coo-a dimullo le tuula visi tɔɔma ndáà yɔŋul kon a mɔɛi cɔwve mó siangu-o toosiaa.

Kolɔsea 2:4

I co hee niaa dimullo, yɔŋii vana hiŋ niaa hɔlla a sondo yeelɛi fondoo.

Kalatea 2:4

Kɛ a kon kpede, vanaa pum a va naa tɛɛn o kunda vanaa laalannda nin, ndáà yeema le ndu toomaa diyɔɔ. Nduyɛ, fɛɛlɔɔ kínɛí vanáà luɛi naa kan tɛɛn-nda a va toofia kon ni, le sinaa mɛɛ naa n co hɔ́ɔ́yɛi naa n sɔla o Yeesu Krista nin-nde vilio yɛ, o kon mì ndáà mingi naa o cɛle tɔŋndo bɛngu.

2Korɛntea 5:16

Lelan, n tofan ndɛ vanndo o nɛi ivanacieea coo le. Kani o tasendɔ, o nɛi ivanacieea coo ko naa n va Krista tofaa ni. Sunsun yɛ, o co lɛ o nɛi kon coo le naa n co ndu cɔu le.

SƐBƐ YƆB-O 31:27

te kɔl nuu luɛi pɛ ɲɛm mun iyeema hali o vionnɔnndo nin, te ba nuu a sondoo nuu biilu pɛ mun,

Masaa kialaa n'yamaa 10:6

Mí Israɛlla tosa vɛlɛ ɲɛ hɛnan Mɛlɛka loo. Má sooluu Baalla a Astarteea, piɔmaa Aramiia, piɔmaa Sidɔnnda, piɔmaa Moabua, piɔmaa Amɔnnda a piɔmaa Filistia. Má mulul Mɛlɛka kɔɔ, a ve lɛ ndu biilu le few.

Masaa kialaa n'yamaa 5:8

Vannda ndáà cii nin halaa sɛnɛiya hɛli, le hee mí cɔwlan la kandun, kɛ hali bállo pilɛ bɛɛ, kɔ̀ɔ̀ cɔwvo o pilɛ bɛɛ ve le vanaa cɔwva vaalan belehiɔɔlu le.

Masaa kialaa n'yamaa 2:13

Má mulul Mɛlɛka kɔɔ, má va Baal a Astartee sooloo.

O Kandɔɔ 16:5

Mí Sarai dimul Abram aa: «Nɔm tosa ni mí cuaambɔɔ ho tɛɛndan ya. Ya hivi nɔm cɛ nuu kɔɔli ni, kɛ kabi o cennun nin maa a folio o co ni, o co pɛngi ya tɛɛndanndo le. Màá Mɛlɛka kiolu yamɛi naa tɛɛn naa nɔm!»

Talelan 5:20

Po nuu sei! Le yɛɛ nɛ n malnun yɛnin lanɔ pilaa o ba? Le yɛɛ nɛ yeemɛi bii yɛnin nɔm le vanalanɔ co laa nɔm too?

2Samiɛl 1:26

Mɔnɛi luɛi ya o kɔl di, le nɔm Yonatan caan ni. Yáà kaola nɔm bɔɔ! Kaola nɔmndo yáà hiow yeela tueyɔɔ a kaola vanlaandua.

Tɔŋ miingua 13:2

«Te vana-tɛɛngaa-diom Hala-o pum, te kon te vana sina kɔlɔ lɔma sɔlaan-ndo pum hun cɔmnun pɛ niaa tɛɛn, te o tosa pɛ dɛnɛ kaamaa pum, te kon te mò dimi sɔɛi co hunɔɔ yɔnnɔn-nde,

Tɔŋ miingua 13:7

Te puapilɛ nɔmndo, bɛ nɔm, te kon te pɔmbɔ nɔm kala pilɔɔ, po nɔmndo, cua nɔmndo, laa nɔm n kaola taw-vo, te kon te caan nɔm kɛndɛ-kɛndɔɔ pum hin pɛ o vionnɔnndo nin le nɔm lueiyo o pɔwlan nin, mò dimul nɔm aa: ‹N kɔ mì n kɔ sooluu halaa celennda, halaa nɔm pila a fuɲaa nɔmaa mamaa sina paandu le-a,

2Dɛnnda lemasalan 15:13

Vana-vanáà kɛɛ pɛ le sɔɔn Mɛlɛka Hala Israɛlla biyɔɔ a kɔl ndɔɔ kpow, o va cuaambɔ o va kaasonɔ, o va vanapɔnɔ o va vanalanɔ, vana kon ndóò sɔlanin piɔ́mndo.

2Dɛnnda lemasalan 23:17

Mí sɛ́lɔ́ɔ́ kɔ luɛi o máán Baal-lo nin, má tɛɛmbuu ndu, má pesipesi fondala-loamaa-lasálàlan a piɔmaa va lon-nda kpow, má bii Matan, vana-solia-lasálà Baal-lo, má dii ndu o fondala-loamaa-lasálàlan hɔl-ndɔ.

Yeremi 44:3

Kon tosan le vanavɔɔnyɛi nda tosa ma tɛɛmbuu ya kɔllo-e. Bau a solul halaa celennda sálàlan, nduyɛ o co halaa nda sina le, fuɲaa ndaa mamaa bɛɛ a sina nda le.

Sakari 13:3

Te vanndo hun va nin pɛ diom Hala-o tɛɛnguuo, fuɲa ndɔ a kala ndɔ velu ndu-o dimulnin ndu aa: Piɔ́m nɔmndo tiiya! Kani còòlan n co dimio o diola Mɛlɛka lan nuaa ni. O kon, telen o vanin diom Hala-o tɛɛnguuo-o, fuɲaa nda kala velu ndu-o a cuukuu ndu, a dii ndu.

Fulaa 13:3

Mí Moise dimul Israɛlla aa: «La loonun a paalen nden o kɔɔ, la va o cɛlen nin o lɛŋnde Esipte len nin, mí Mɛlɛka soli niaa lon a ba ndɔ kpaayaa. Lelan, la va pɛ kafo kon tosaa, la dia bulu toosian a lɛvɛnndo-o le.

Fulaa 32:27

Mɛɛ nda kɔɛ, mó dimul nda aa: «Mɛlɛka, o co Hala Israɛlla-o dimi aa: ‹O niaa tɛɛn, vana-vana cua mɔɛi ndɔɛi cɔwve mò landun o congú, mì la balu o dɔ́ɔ́ngɔ́ɔ̀ nin kpede, mì la luɛi o cɛila-kolala-toandaalan lapilɛn-pilɛnndan nin, mì vana-vana dii puapilɛ ndɔɔ, te kon te ndepilɛ ndɔɔ, caan ndɔ, a vana nda co nɛɛ pilɛ-o.›»

Tɔŋ miingua 8:14

fɔ mì la mandan, yɔŋii niaa luɛi yongaa mì la pɔɛɛnun Mɛlɛka Hala niaa. Nduyɛ, Hala kon soli niaa Esipte nɛɛ niaa va o cɛlen nin-nda ni.

Tɔŋ miingua 11:32

La kindin mì la bii tɔŋndan a silala ya yɔngu niaa hau lan kpow.»

Tɔŋ miingua 17:12

Te vanndo pum tosa pɛ yongaa, mò kɛɛ le yamɛi vana-solia-lasálà co baalaa tosaa le Mɛlɛka Hala niaa-o kelu-e cɛlɔɔ, te kon te mò kɛɛ le diom vana kialaa n'yamaa biyɔɔ, vana kon bɛnda mò sɔla piɔ́mndo kangalan. Lende niaa tosanin le dɛnɛ vɔɔndo faŋaa Israɛlla tɛɛn ni.

Tɔŋ miingua 18:20

Kɛ te vana-tɛɛngaa-diom Hala-o pum tɔɔndan pɛ mò dimi yoongu ya vim ndu dimi loo o diola nilan, te kon te mò soo o diola halaa celennda, o bɛnda mò sɔla piɔ́mndo.›

Tɔŋ miingua 19:19

la tuisi ndu pila sanga ndóò yeema le caando tuisio coo-o coo. Lende niaa tosanin le yɔŋ vɔɔndo solio niaa tɛɛn ni.

Tɔŋ miingua 21:21

O kon, vanpiaandua co o kobi kon nin-nda kpow a vii ndu a powtan háá o vi. Lende niaa solinin dɛnɛ vɔɔndo niaa tɛɛn ni. Israɛlla kpede a tuɛinin sɔɛi ken, mì siòònde bii nda.»

Tɔŋ miingua 22:21

a bii cua kon, a kɔɛ a ndu o cɛi fuɲa ndɔ-o sondoo, pilacieaa ndɔa vii ndu a powtan háá mo vi. Kani dɛnɛ nɔɔlɛiyo o tosa kon Israɛlla tɛɛn ni, bau telen o va vɔ fuɲa ndɔ o bɛngu coo-o, mó suunda. Mɛɛ lende niaa bɛnda ni mi la faŋa dɛnɛ vɔɔndo niaa tɛɛn.

Tɔŋ miingua 24:7

Te Israɛlnɔɔ ciimbuu pɛ vanaciee yoomaa o pilacieaa ndɔa Israɛlla tɛɛn, mò siinguu vanaciee o ciimbuu kon-ndo cɛ ndɔɔ, te kon te mò pisi ndu, vana ciimbuu ndu kon-ndo bɛnda mò sɔla piɔ́mndo kangalan. Lende niaa bɛnda ni mi la faŋa dɛnɛ vɔɔndo niaa tɛɛn.»

Yosue 7:13

Cɔn ma dimul vannda mà bɛɛndian le bɔŋanndo naa ndaa siɔdii. Ma dimul nda aa: ‹Mɛlɛka Hala Israɛlla dimi aa ɲɛm o kuuna niaa le cuaa-on co niaa tɛɛn, niaa Israɛlla pɛɛn. Te la tɛɛmbuu ɲɛm mun niaa tɛɛn te, la nɔlanin yaamɔaa niaa simullo le.›

Masaa kialaa n'yamaa 20:13

Má dimi aa: «La mal naa niko vanaa tosa dɛnɛ kon-nda o ba, vanaa kɔlta vesɛyaa fondoa co kan Kibea nanu-a pɛɛn, mì n diw nda. O kon, mí n soli mààla lan Israɛlla tɛɛn.» Kɛ polale Bɛnyamɛn-nden le cɛl sɔɛi puapilɛa ndaa le, Israɛlla pɛɛn.

1Masaa 18:40

Mí Elii dimul nda aa: «La biw vanaa-tɛɛngaa-diom Baal-la kpow, o kɛ́-kɛ̀ hialun niaa le dɛ!» Má biw nda. Mí Elii toal a nda o pee pɔmbɔɔ Kison kɔngɔ, mó kɔ kili nda bololan.

2Masaa 11:18

Mí vanaa va o lɛŋnde len nin-nda kpow a kɔ luɛi o máán Baal-lo nin, má tɛɛmbuu ndu, má pesipesi fondala-loamaa-lasálàlan a piɔmaa va lon-nda kpow. Má bii Matan vana-solia-lasálà Baal-lo, má dii ndu o fondala-loamaa-lasálàlan hɔl-ndɔ. O kon kɔɔli, mí Yehoyada kɛsi kundala kpalilla o Cɛi-Mɛlɛka-o.

Yeremi 28:15

O kon mí Yeremi dimul vɛlɛ Hanania vana-tɛɛngaa-diom Hala-o aa: «Yaŋnun ɲɛkɛndɛi Hanania! Mɛlɛka vim nɔm te, ɲɛ fondoo fúú n co vannda ha vomɔɔ laalanndo ni.

Yeremi 28:16

Ɲɛ Mɛlɛka dimi-o co hoo ni aa: «I co nɔm tovɔɔ o lɛŋnden nden nin, nanndee n co vu ni, kani a tosa mí vannda simul Mɛlɛka.»