Tɔŋ miingua 13:5 - BII BILA

⁵ Mɛlɛka Hala niaa ndu pilɛ kpé niaa bɛnda le lou kɔɔli ni, a ndu kínɛí niaa bɛnda le siòònde nɔu ni. La bii tɔŋnda ndɔlan, mì la yaŋ nilan o diom ndɔɔ. Ndu pilɛ niaa bɛnda le baalaa tosallo ni, ndu pilɛ niaa bɛnda le holnɔnndo ni.

Tɔŋ miingua 13:5 Referans Kwoze

Tɔŋ miingua 18:20

Kɛ te vana-tɛɛngaa-diom Hala-o pum tɔɔndan pɛ mò dimi yoongu ya vim ndu dimi loo o diola nilan, te kon te mò soo o diola halaa celennda, o bɛnda mò sɔla piɔ́mndo.›

Yeremi 14:15

Lelan o ya Mɛlɛka dimi a vanaa-tɛɛngaa-diom Hala-a kan-ndo co hoo ni, i vim nda le, kɛ ma va dimio aa o diola nilan nda co sɔɛi ni maa cɔw lueinin te, yima venin o lɛŋnden nden nin te. Nduyɛ, cɔwvo a yiaan ma co nda cii kpow ni.

Tɔŋ miingua 24:7

Te Israɛlnɔɔ ciimbuu pɛ vanaciee yoomaa o pilacieaa ndɔa Israɛlla tɛɛn, mò siinguu vanaciee o ciimbuu kon-ndo cɛ ndɔɔ, te kon te mò pisi ndu, vana ciimbuu ndu kon-ndo bɛnda mò sɔla piɔ́mndo kangalan. Lende niaa bɛnda ni mi la faŋa dɛnɛ vɔɔndo niaa tɛɛn.»

Tɔŋ miingua 22:21

a bii cua kon, a kɔɛ a ndu o cɛi fuɲa ndɔ-o sondoo, pilacieaa ndɔa vii ndu a powtan háá mo vi. Kani dɛnɛ nɔɔlɛiyo o tosa kon Israɛlla tɛɛn ni, bau telen o va vɔ fuɲa ndɔ o bɛngu coo-o, mó suunda. Mɛɛ lende niaa bɛnda ni mi la faŋa dɛnɛ vɔɔndo niaa tɛɛn.

Tɔŋ miingua 19:19

la tuisi ndu pila sanga ndóò yeema le caando tuisio coo-o coo. Lende niaa tosanin le yɔŋ vɔɔndo solio niaa tɛɛn ni.

Tɔŋ miingua 17:7

Seyaa timbinin seilen maa o tosa lende-a fɔlɔn a kandunin ndu viiyo a powtan le ndu diyɔɔ ni. Nda kandu pɛ, vanaa tɔ̀a sɔɔnguu niko nda mayoomu le vana kon viiyo a powtan háá mò vi. Lende niaa tosanin le dɛnɛ vɔɔndo faŋaa niaa tɛɛn ni.»

Tɔŋ miingua 13:10

Kɛ a bɛnda ma dii ndu. Nɔm fɔlɔn bɛnda ni ma vɛ ndu a powvo le ndu diyɔɔ, o kon kɔɔli vanaa tɔ̀a sɔɔnguu niko nɔm mayoomu.

Dɛnnda cɔɔmuanndan 19:20

Má bii visi kon a vana-tɛɛngaa-diom hala lacòòva tosa ndu dɛnnda kaamaalan o hɔl-lo. A dɛnnda kaamaala lan vana-tɛɛngaa-diom hala kon luei vanaa sɔla pondale visi kon-nda a vanaa baŋ vulan tuula ndɔɔ o hɔl-la o pɔwlan nin ni. Mí visi kon a vana-tɛɛngaa-diom hala kon viawnun o dala leyinndo nin, nɛɛ fungoo co ŋɔu-va.

Dɛnnda kiilaa 13:8

Kɛ mí Bar-Yeesu vana viamaa yavaa, o diola ndɔlan la va kon o krɛkiei nin aa Elimas-o simul nda, mó va vɛlɛ nɛilan nuwviaa le masa-ibungaa faŋaa o laalanndo coo.

Sakari 13:3

Te vanndo hun va nin pɛ diom Hala-o tɛɛnguuo, fuɲa ndɔ a kala ndɔ velu ndu-o dimulnin ndu aa: Piɔ́m nɔmndo tiiya! Kani còòlan n co dimio o diola Mɛlɛka lan nuaa ni. O kon, telen o vanin diom Hala-o tɛɛnguuo-o, fuɲaa nda kala velu ndu-o a cuukuu ndu, a dii ndu.

Yeremi 50:6

Maa kunda saa laasiɛi vanaa niaa va ni. Vanaa va nda mandaa-a ndáà hiŋ nda hɔlla ni, má mal nda laasianndo o pembon a o buubuuon coo ba-ba fee, má pɔɛɛnun hee ndaa.

1Masaa 18:40

Mí Elii dimul nda aa: «La biw vanaa-tɛɛngaa-diom Baal-la kpow, o kɛ́-kɛ̀ hialun niaa le dɛ!» Má biw nda. Mí Elii toal a nda o pee pɔmbɔɔ Kison kɔngɔ, mó kɔ kili nda bololan.

Tɔŋ miingua 22:24

la bii nda nda ŋiɔn kpow, la kɔɛ a nda o dio kobio, la vii nda a powtan háá ma vi. Cuaambɔ laandu kon co piɔ́mndo sɔla le kɛɛ o kɛɛ le yeelan mɛlio coocoo le vannda veeloo-o, nduyɛ o kobio nin dɛnɛ kon tosan ni. Langbanɔɔ ndu sɔlanin piɔ́mndo le tùú o suunda a lanɔ pilaa-o. Lende niaa bɛnda ni mi la faŋa dɛnɛ vɔɔndo niaa tɛɛn.

Tɔŋ miingua 7:4

Kani te nɔlan la luɛi pɛ niaa tɛɛn, cuavaa ndaa faŋannin poaa niaa ya kɔɔli, mà yɛɛ nda halaa celen kɔɔli, mà sooluu nda. Te i yɔŋnun yɛ pɛ lende, mɛɛ ya Mɛlɛka, kɔltuw nuu toalnin niaa coo, mì cii niaa diw kpow.

Tɔŋ miingua 4:19

La héélù hɔlla o halataala mì la mɛɛndan paalen, paangei, loeon a ɲɛm co lon-ndon, mì la báŋ vulan mun o labɛngunin le mun sooloo le. Ɲɛm Mɛlɛka Hala niaa mel vanaa-mangalaa-isɔɔa tɔ̀a co o lɛŋnden coo kpow-va ni maa kɛ́.

Tɔŋ miingua 13:9

cɛl tuu ndɔ kon te, yaŋ nilan o sɔɛi ndɔɛi le. Handɔɔ o kon coo, tosa iɲíí a ndu le, kumbu ndu isulal te, vian tɛɛmbuu ndɔɔ le.

Tɔŋ miingua 13:15

la bɛnda mì la fɛfɛla sɔɛi ken, mì la nuwviaa ndi lebɛngu ɲɛkɛndɛi, mì la ɲuuniaa vannda o sɔɛi ken coo. Te toɲaa dɛnɛ kon yɔŋnun ni, te o va pɛ maa dɛnɛ nɔɔlɛi kon tosan niaa tɛɛn,

Tɔŋ miingua 17:5

la bii vana tosa dɛnɛ vɔɔn kon-ndo, la kɔɛ a ndu o sondo kpaki kobi niaa kon, la vii ndu a powtan háá mò vi.

Masaa kialaa n'yamaa 20:13

Má dimi aa: «La mal naa niko vanaa tosa dɛnɛ kon-nda o ba, vanaa kɔlta vesɛyaa fondoa co kan Kibea nanu-a pɛɛn, mì n diw nda. O kon, mí n soli mààla lan Israɛlla tɛɛn.» Kɛ polale Bɛnyamɛn-nden le cɛl sɔɛi puapilɛa ndaa le, Israɛlla pɛɛn.

Yeremi 29:32

ɲɛ Mɛlɛka dimi-o co hoo ni aa: ‹I co Semaya fula Nehelam-ndo a cuavaa ndɔa imamaa kuel, vanndo pilɛ bɛɛ lonin icali o yungu ndɔɔ nin, mò ce dɛnɛ kɛndɛ ya tosalnin vanaa nia-o le›. Sɔɛi fula Mɛlɛka o sondo-e co ken ni. Kani ndu tosa ni mì vanaa niaa simul-la, Mɛlɛka dimi lende ni.›»

Tɔŋ miingua 6:13

Mɛlɛka Hala niaa kínɛí niaa bɛnda le biiloo ni, ndu pilɛ kpé niaa bɛnda le baalaa tosallo ni. O diola ndɔlan kínɛí niaa bɛnda le mɛnanndo ni.

Tɔŋ miingua 26:14

I di ɲɛ-ɲɛ o ɲɛ kon nin telen ya va o sangaa nin-ndo le, i faŋa ɲɛ-ɲɛ lecoo le dɛnɛ nɔɔlɛi tosa a ndu le, i yɔngu ɲɛ-ɲɛ le dɛnɛ vana vílɛ́i le. I bii nɔm Mɛlɛka Hala nuu diom, mí tosa ɲɛ-ɲɛ n dimul-la le tosaa.

Yosue 23:8

Kɛ la lo o diomnden coo a Mɛlɛka Hala niaa, mɛɛ niaa co tosaa háá hau yɛ.

1Samiɛl 12:14

Te la nɔ pɛ siòòŋii Mɛlɛka-e, te la tosal pɛ ndu baalaa, te la tuei pɛ ndu diom, te la bii pɛ sɔɛi ndɔɛi mì la tosa lanila kalu le silala ndɔlan biyɔɔ le, mɛɛ niaa pila a masa niaa, la lonin ndu Mɛlɛka Hala niaa kɔɔli.

1Masaa 13:19

Mí vana-tɛɛngaa-diom Hala fula Yuda-o muungu nda ndu, mó kɔ dia ɲɛdiaa, mó kol o ndu lo cɛinin.

2Dɛnnda lemasalan 34:31

Mí masaa sim o fonda ndáà bɛɛndiaa le ndu-o, mó mingi kpemaa yii Mɛlɛka o hɔl le ndu Mɛlɛka delɔɔ kɔɔli, le tɔŋnda ndɔlan, pɛɛkula ndɔlan a silalan ndɔlan biyɔɔ a kɔl ndɔɔ kpow a le kelaa o sɔɔn va n'sɛvaa o sɛbɛ kpema kon nin-ndon kpow coo.

Yeremi 7:23

Kɛ ɲɛ yáà dimul nda-o co hoo ni aa: «La tueí ya diom, haliko mi va Hala niaa, mì niaa va vanaa nia. La kela o nɛila ya co niaa cɔmndo lan coo kpow, le mɛɛ niaa sɔla dɛnɛ kɛndɔɔ yɛ.