Tɔŋ miingua 13:4 - BII BILA

⁴ la yaŋ nilan o sɔɛi vana-tɛɛngaa-diom Hala kon te, te kon te o sɔɛi vana sina kon kɔlɔ lɔma sɔlaan-ndo le. Kani a vanaa súú vaa lende Mɛlɛka Hala niaa vanin keiyo le niaa kɔlɔɔ solio ni. Lende o vanin tosaa ni le sinaa te la kaola ndu lekɛ́ndɛi a kɔlta niaalan kpow a á yoomu niaa kpow.

Tɔŋ miingua 13:4 Referans Kwoze

Kolɔsea 1:10

O kon la tiwnin ba kelaa mɛɛ vanaa Maalii-a bɛnda mà kela yɛ, la vanin dɛnnda hɛnan ndu lan tosaa lɔ́ɔ́-lɔ́ɔ̀. La tosanin dɛnnda kɛndɛlan kpow mì la hiow laci a Hala sinaa.

Tɔŋ miingua 10:20

La bɛnda mì la nɔ siòòŋii Mɛlɛka Hala niaa, ndu niaa bɛnda le biiloo ni, ndu kínɛí niaa bɛnda le holnɔndo ni, o diola ndɔlan daama niaa bɛnda le mɛnanndo ni.

1Korɛntea 6:17

Kɛ nduyɛ, vana-vana holnun pɛ Maalii, mɛɛ nda ndu co kɔl pilɔɔ ni.

Yeremi 7:23

Kɛ ɲɛ yáà dimul nda-o co hoo ni aa: «La tueí ya diom, haliko mi va Hala niaa, mì niaa va vanaa nia. La kela o nɛila ya co niaa cɔmndo lan coo kpow, le mɛɛ niaa sɔla dɛnɛ kɛndɔɔ yɛ.

2Dɛnnda lemasalan 34:31

Mí masaa sim o fonda ndáà bɛɛndiaa le ndu-o, mó mingi kpemaa yii Mɛlɛka o hɔl le ndu Mɛlɛka delɔɔ kɔɔli, le tɔŋnda ndɔlan, pɛɛkula ndɔlan a silalan ndɔlan biyɔɔ a kɔl ndɔɔ kpow a le kelaa o sɔɔn va n'sɛvaa o sɛbɛ kpema kon nin-ndon kpow coo.

2Masaa 23:3

Mí masaa sim o fonda yesaa coo, mó yii kpemaa nda Mɛlɛka tɛɛn, mó cua ciɛ́ɔn le kelaa o nɛi Mɛlɛka-o coo, le kelaa o tɔŋnda ndɔlan coo, le silala ndɔlan a pɛɛkula ndɔlan biyɔɔ a kɔl ndɔɔ a á yoomu ndɔɔ kpow, a le sɔɔn co n'sɛvaa o sɛbɛ kpema kon nin-ndon tosaa. O kon mí vannda kpede cɛl, má luɛi o ciɛ́ɔn masaa cua mun-ndon bɛngu.

Misee 6:8

Niaa vanndacieea sei! Kámáá a cɔm niaa dɛnɛ sandaa! À cɔm niaa ɲɛ Mɛlɛka yeema mì vanndacieea tosa-o. Ɲɛ kon co ni mì la kela kela sandaa, mì la kaola lou o diomnden coo, mì la kela ɲɛkɛndɛi o nɛila Hala niaa cɔm niaa lan coo.»

Tɔŋ miingua 30:20

La kaola Mɛlɛka Hala niaa, la bii diom ndɔɔ mì la holnun ndu. Kani kon tosanin ni mì la va yoomu, mì palɛi niɛi bandu taw, kon tosanin ni mì la va icali o lɛŋnde Mɛlɛka yiilu fuɲaa niaa mamaa Abraham, Isaak a Yakɔb kpemaa, mó mɛnan le nda len yɔngoo len nin.»

Tɔŋ miingua 6:13

Mɛlɛka Hala niaa kínɛí niaa bɛnda le biiloo ni, ndu pilɛ kpé niaa bɛnda le baalaa tosallo ni. O diola ndɔlan kínɛí niaa bɛnda le mɛnanndo ni.

Rɔmnda 6:13

La yɔngu lɛ falun niaan le hakio tosaa maa ɲɛm valin dɛnɛ sandaa lepɛŋ-ndon te. Kɛ niaa pila yɔngun le Hala maa vanaa tendul fulaa vanvílɛ́iya tɛɛn-nda, mì falun niaan va maa ɲɛm valin dɛnɛ sandaan le Hala.

Luke 1:6

Vanaa sandaa vanaa ŋiɔŋaa kan kpow a yɔŋnun Hala o hɔl ni, a va vɛlɛ tɔŋndan a tanala Mɛlɛka lan biyɔɔ ɲɛkɛndɛi.

2Nsaŋ 1:6

Kaolaa co yɛ ɲɛ celen te, kelaa o tɔŋnda Hala lan coo. Tɔŋ niaa bɛnda le kelaa coo-o co kon ni, maa mɛɛ niaa tuei ndi kabi o tasendɔ yɛ.

1Samiɛl 7:3

Mí Samiɛl dimul nda aa: «Te o va pɛ a kɔlta niaalan kpede niaa yeema le muungoo Mɛlɛka o ibuŋ ni, mɛɛ la mal piɔmaa Astarteea sooloo few-few, mì la tiindan Mɛlɛka, mì la biilu ndu ndu pilɛ kpé. O baŋanin niaa Filistia o ba.»

Tɔŋ miingua 6:5

La kaola Mɛlɛka Hala niaa a kɔlta niaalan kpow, a yoomu niaa kpow a á kpaaya niaa kpow.

Tɔŋ miingua 11:1

«La kaola Mɛlɛka Hala niaa mi la bii tɔŋnda ndɔlan, silala ndɔlan a sɔɔn o dimul niaa-on le lɔ́ɔ́-lɔ́ɔ̀.