Tɔŋ miingua 13:2 - BII BILA

² «Te vana-tɛɛngaa-diom Hala-o pum, te kon te vana sina kɔlɔ lɔma sɔlaan-ndo pum hun cɔmnun pɛ niaa tɛɛn, te o tosa pɛ dɛnɛ kaamaa pum, te kon te mò dimi sɔɛi co hunɔɔ yɔnnɔn-nde,

Tɔŋ miingua 13:2 Referans Kwoze

Matie 24:24

Kani kristaa lacòòvaa a vanaa-tɛɛngaa-diom Hala-a lacòòvaa cannin, mà tosa dɛnnda kɔndɔfilta bɛndulan a kaamaalan, mà kɔɛ bɛɛ hali le vanaa sɔla hɛlio-a lueiyo o pɔwlan nin, taa tiw pɛ ba.

Yeremi 28:9

Kɛ te vana-tɛɛngaa-diom Hala-o dimi pɛ siɔdii lacio maa dɛnɛ kɛndɔɔ pum co hunɔɔ tosan, mì dɛnɛ kon peelun, o kon vannda sina dɔ́ɔ́ maa Mɛlɛka lekɛ́ndɛi vem ndu ni.»

Tɔŋ miingua 18:22

Te sɔɛi vana-tɛɛngaa-diom Hala-o dimi o diola Mɛlɛka lan-nde i tosan te, te tɔmbɛ fula o sɔɛi ken nin te, mɛɛ yoongu kon fula Mɛlɛka o sondo le, mɛɛ a kuundianndo koni vana-tɛɛngaa-diom Hala kon dimi sɔɛi ken ni. Lelan, siòòŋii bii niaa a sɔɛi ken te.»

Tɔŋ miingua 13:6

Le vana-tɛɛngaa-diom Hala kon, te kon te vana sɔlaa malɔ kon, o bɛnda mò sɔla piɔ́mndo. Kani ndu va tosa ni mì vannda ndáà simul Mɛlɛka Hala niaa, ó soli niaa o lɛŋnde Esipte len nin mó faŋa niaa o cɛlen nin-ndo. Vana kon ndóò yeema mì ndóò faŋa niaa o nɛi Mɛlɛka Hala niaa dimul niaa le kɔlan coo-o coo. Nuaa niaa bɛnda ni mi la faŋa dɛnɛ vɔɔndo niaa tɛɛn.

1Masaa 13:3

Paale pilɛle len, mí vana-tɛɛngaa-diom Hala kon dimi aa: «Le niaa cɔmndo maa Mɛlɛka dimi sɔɛi he ni, fonda-loamaa-lasálà kalaa co piɔl sisa, mì pulta macuɛila co lecoo lan la saŋnun kpede.»

Tɔŋ miingua 13:13

Te la tuei pɛ maa o kobila Mɛlɛka Hala niaa ke niaa le calle lan o pilɛ nin,

Fulaa 7:22

Mí vanaa mangalaa Esipte bɛɛ tosa dɛnɛ kɔndɔfili pilɛ kon a kpaaya nda mangalaa. Mí Faraɔnnɔɔ cɔɔlu vɛlɛ nilan kindi, mó kɛɛ le sɔɛi Moise nda Aarɔn-nde biyɔɔ maa mɛɛ Mɛlɛka ndóò dimi yɛ.

Tɔŋ miingua 18:20

Kɛ te vana-tɛɛngaa-diom Hala-o pum tɔɔndan pɛ mò dimi yoongu ya vim ndu dimi loo o diola nilan, te kon te mò soo o diola halaa celennda, o bɛnda mò sɔla piɔ́mndo.›

Yeremi 23:32

I co vanaa co kan vunduma fondoan cɔu-va ciŋilan.» Sɔɛi fula Mɛlɛka o sondo-e co hee ni. O còòla lan tombolaa nda luei vanaa nia o pɔwlan nin ni. Nduyɛ, i vim nda lekiila kɛ́-kɛ̀ le. I dimul nda ɲɛ-ɲɛ le. A co vanaa nia mako kɛ́-kɛ̀ soli le.» Mɛlɛka soo lende ni.

Fulaa 22:19

Vana solul pɛ halaa celennda sálàlan, te o co yɛ Mɛlɛka le o solul sálàlan te, ndu bɛnda mò sɔla piɔ́mndo kangalan.

Yeremi 27:9

Lelan niaa, la yaŋ vanaa-tɛɛngaa-diom Hala-a niaa lani le, la yaŋ vanaa niaa dimi siɔdii lacio-a, vanaa tɛɛsiaa lɔma sɔlaan-nda, vanaa sina loeon kɔlɔ-a a vanaa mangalaa nilan te. Nda kpede a co niaa dimullo aa la delnin masaa Babilɔn o ba le.

Sakari 10:2

Kani piɔmaa tongoniŋaa niaa co piɛiyo-a co niaa mulullo a sɔɔn lacòòvan. Mandea co vannda vunduma lacòòvan dimullo, à co lɔma sɔlaama lacòòvan dimio, à co vannda ɲɔɔloo a kpaavɛi. Lelan vannda ha kɔɛnnun a laasianndo ni maa n'cɔlu, a co o mɔnɛi nin maa saa nɔ vana mandaa le-a.