Tɔŋ miingua 13:11 - BII BILA

¹¹ A powtan n lonin ndu viiyo ni háá mo vi, kani ndóò yeema le nɔm faŋaa o nɛi Mɛlɛka Hala nɔmndo coo, o soli nɔm Esipte nɛɛ n va o cɛlen nin-nda-o.

Tɔŋ miingua 13:11 Referans Kwoze

Tɔŋ miingua 19:20

Siòònde biinin vanaa tɔ̀a tuɛinin sɔɛi ken-nda, o kon vana-vana tɔɔndan ndɛnin le dɛnɛ kɔlvesɛi vaa lende tosaa niaa tɛɛn te.

Tɔŋ miingua 17:13

Te vanaa tɔ̀a tuei pɛ lende, siòònde bii nda taw. O kon, vana-vana tosa lɛnin dɛnɔɔ a yongaa lende le.»

1Timote 5:20

Soo vanaa co dɛnnda lahakilan tosaa-a vannda kpow o hɔl, o kon mì vanaa tɔ̀a yɔŋ siòònde.

Talelan 21:11

Vana tuisi pɛ vana yongaa sangaa coo le yonga ndɔɔ, vana bii dɛnɛ bila loo sɔla taasio. Vana pɛɛku pɛ vana kɔlkaloo ɲɛ, o sɔla sinapɛngoo.

Talelan 19:25

Soŋ vana yongaa, o kon mì vana bii dɛnɛ bila loo sɔla taasio. Kanalan vana kendu kɔl-lo, o kon mò bii ɲɛ n co ndu cɔm-ndo bila.

Tɔŋ miingua 13:12

Lɔ́ɔ́ Israɛlaa tɔ̀a tuɛinin sɔɛi ken-ndo, siòònde biinin nda, o kon vana tosa lɛnin dɛnɛ vɔɔn vaa lende niaa tɛɛn te.

Tɔŋ miingua 21:21

O kon, vanpiaandua co o kobi kon nin-nda kpow a vii ndu a powtan háá o vi. Lende niaa solinin dɛnɛ vɔɔndo niaa tɛɛn ni. Israɛlla kpede a tuɛinin sɔɛi ken, mì siòònde bii nda.»

Fulaa 13:3

Mí Moise dimul Israɛlla aa: «La loonun a paalen nden o kɔɔ, la va o cɛlen nin o lɛŋnde Esipte len nin, mí Mɛlɛka soli niaa lon a ba ndɔ kpaayaa. Lelan, la va pɛ kafo kon tosaa, la dia bulu toosian a lɛvɛnndo-o le.

Tɔŋ lasálàá 20:2

«Nuaa n dimulnin Israɛlla ni aa: ‹Te cua pilacieo Israɛl, te kon te mial co icali Israɛlla o bɛngu coo-o soli pɛ hɔ́ɔ́ ndɔɔ sálà o piɔmndo Molɛk lo, vana soli kon hɔ́ɔ́ ndɔɔ sálà-o bɛnda mò sɔla piɔ́mndo. Vanaa o co icali tɛɛn-nda bɛnda mà lo ndu viiyo a powtan háá mo vi.

Kundalan 25:4

Mó dimul Moise aa: «Cua vanaa co bolii lapangɛi-ya kpow, ma landu nda o paalen ya o hɔl, haliko mi kɔl ni tuw bɛndoo ɲulul, mò kpakpala Israɛlla.»

Yosue 7:25

Mí Yosue ɲuna ndu aa: «Le yɛɛ nɛ n tuisi yɛ naa dɛnɛ palaa vaa nuaa coo? Nɔm bɛɛ, Mɛlɛka co nɔm hau dɛnɛ palaa tuisi coo.» O kon, mí Israɛlla kpow a vii ndu a powtan, má vii vɛlɛ vanaa va ndu o ba-a a powtan, má loam nda sukɛí.