Tɔŋ miingua 13:10 - BII BILA

¹⁰ Kɛ a bɛnda ma dii ndu. Nɔm fɔlɔn bɛnda ni ma vɛ ndu a powvo le ndu diyɔɔ, o kon kɔɔli vanaa tɔ̀a sɔɔnguu niko nɔm mayoomu.

Tɔŋ miingua 13:10 Referans Kwoze

Yosue 7:25

Mí Yosue ɲuna ndu aa: «Le yɛɛ nɛ n tuisi yɛ naa dɛnɛ palaa vaa nuaa coo? Nɔm bɛɛ, Mɛlɛka co nɔm hau dɛnɛ palaa tuisi coo.» O kon, mí Israɛlla kpow a vii ndu a powtan, má vii vɛlɛ vanaa va ndu o ba-a a powtan, má loam nda sukɛí.

2Dɛnnda lemasalan 24:21

O kon mí vannda yii Sakari dúmbú, mí masaa dimul nda le ndu viiyo a powtan o bɛ́ɛ̀ Cɛi-Hala-o nin.

Tɔŋ miingua 21:21

O kon, vanpiaandua co o kobi kon nin-nda kpow a vii ndu a powtan háá o vi. Lende niaa solinin dɛnɛ vɔɔndo niaa tɛɛn ni. Israɛlla kpede a tuɛinin sɔɛi ken, mì siòònde bii nda.»

Tɔŋ lasálàá 24:23

Mɛɛ Moise cii Israɛlla diomnda Mɛlɛka soo lan-ndan tɛɛngul, má kɔa dɔ́ɔ́ a langbanɔ soo kon diomnde vɔɔnnden a Mɛlɛka-o o dɔ́ɔ́ngɔ́ɔ̀ kɔɔli, má saan ndu viiyo a powtan háá mó vu. Nuaa Israɛlla peelu sɔɛi Mɛlɛka soo ken mí Moise tɛɛngul nda-e ni.

Tɔŋ lasálàá 20:27

Lelan, te vanapɔnɔɔ, te kon te vanalanɔɔ nɔ pɛ kpaaya o suukan a vanvílɛ́iya-o, te kon te vanndo va pɛ vana mangalaa le suukanndo a vanvílɛ́iya, vanaa nɔ kan kpaaya kon-nda bɛnda mà sɔla piɔ́mndo. Israɛlla bɛnda mà lo vanaa kan viiyo a powtan háá mà vi, kani nda pila nuwviaa piɔ́m kon ni.»

Tɔŋ lasálàá 20:2

«Nuaa n dimulnin Israɛlla ni aa: ‹Te cua pilacieo Israɛl, te kon te mial co icali Israɛlla o bɛngu coo-o soli pɛ hɔ́ɔ́ ndɔɔ sálà o piɔmndo Molɛk lo, vana soli kon hɔ́ɔ́ ndɔɔ sálà-o bɛnda mò sɔla piɔ́mndo. Vanaa o co icali tɛɛn-nda bɛnda mà lo ndu viiyo a powtan háá mo vi.

Fulaa 20:2

«Ya co Mɛlɛka ni, Hala niaa pɛɛn. Ya soli niaa o lɛŋnde Esipte len nin ni, lɛŋnde niaa va nin o cɛlen nin-nden.

Tɔŋ miingua 4:19

La héélù hɔlla o halataala mì la mɛɛndan paalen, paangei, loeon a ɲɛm co lon-ndon, mì la báŋ vulan mun o labɛngunin le mun sooloo le. Ɲɛm Mɛlɛka Hala niaa mel vanaa-mangalaa-isɔɔa tɔ̀a co o lɛŋnden coo kpow-va ni maa kɛ́.

Tɔŋ miingua 13:5

Mɛlɛka Hala niaa ndu pilɛ kpé niaa bɛnda le lou kɔɔli ni, a ndu kínɛí niaa bɛnda le siòònde nɔu ni. La bii tɔŋnda ndɔlan, mì la yaŋ nilan o diom ndɔɔ. Ndu pilɛ niaa bɛnda le baalaa tosallo ni, ndu pilɛ niaa bɛnda le holnɔnndo ni.

Fulaa 32:27

Mɛɛ nda kɔɛ, mó dimul nda aa: «Mɛlɛka, o co Hala Israɛlla-o dimi aa: ‹O niaa tɛɛn, vana-vana cua mɔɛi ndɔɛi cɔwve mò landun o congú, mì la balu o dɔ́ɔ́ngɔ́ɔ̀ nin kpede, mì la luɛi o cɛila-kolala-toandaalan lapilɛn-pilɛnndan nin, mì vana-vana dii puapilɛ ndɔɔ, te kon te ndepilɛ ndɔɔ, caan ndɔ, a vana nda co nɛɛ pilɛ-o.›»

Tɔŋ miingua 17:5

la bii vana tosa dɛnɛ vɔɔn kon-ndo, la kɔɛ a ndu o sondo kpaki kobi niaa kon, la vii ndu a powtan háá mò vi.

Tɔŋ miingua 17:7

Seyaa timbinin seilen maa o tosa lende-a fɔlɔn a kandunin ndu viiyo a powtan le ndu diyɔɔ ni. Nda kandu pɛ, vanaa tɔ̀a sɔɔnguu niko nda mayoomu le vana kon viiyo a powtan háá mò vi. Lende niaa tosanin le dɛnɛ vɔɔndo faŋaa niaa tɛɛn ni.»

2Masaa 11:18

Mí vanaa va o lɛŋnde len nin-nda kpow a kɔ luɛi o máán Baal-lo nin, má tɛɛmbuu ndu, má pesipesi fondala-loamaa-lasálàlan a piɔmaa va lon-nda kpow. Má bii Matan vana-solia-lasálà Baal-lo, má dii ndu o fondala-loamaa-lasálàlan hɔl-ndɔ. O kon kɔɔli, mí Yehoyada kɛsi kundala kpalilla o Cɛi-Mɛlɛka-o.