Tɔŋ miingua 13:1 - BII BILA

¹ La bii sɔɔn ya co niaa dimullo-on kpow, mì la kela lecoo. La handu ɲɛ-ɲɛ lecoo le, la faŋa vɛlɛ ɲɛ-ɲɛ lecoo le.»

Tɔŋ miingua 13:1 Referans Kwoze

1Nsaŋ 4:1

Caaŋaa nia hɛnan ya-a, la laalan kɔltan kpow le, kɛ la soli lan kɔlɔ mì la sina te Hala o ba la fula ni, kani vanaa-tɛɛngaa-diom Hala-a bɔɔ-bɔɔ a hin o ceendo coo.

Yeremi 29:8

O Mɛlɛka-Nɔ-Kpaayaa-Kpow-vo, Hala Israɛl-lo dimi-o co hoo ni aa: «La cɛl mì vanaa-tɛɛngaa-diom Hala-a co niaa tɛɛn-nda, vanaa dimi siɔdii lacio-a hiŋ niaa hɔlla le. La lúɛì lɔma niaa co sɔllo-an yii le.

Yeremi 27:9

Lelan niaa, la yaŋ vanaa-tɛɛngaa-diom Hala-a niaa lani le, la yaŋ vanaa niaa dimi siɔdii lacio-a, vanaa tɛɛsiaa lɔma sɔlaan-nda, vanaa sina loeon kɔlɔ-a a vanaa mangalaa nilan te. Nda kpede a co niaa dimullo aa la delnin masaa Babilɔn o ba le.

Esai 9:15

Vanaa co vanaa Hala-a simndan laci-a co nda lueiyo o pɔwlan nin, vanaa co yɛ cɛlɔɔ mi vannda va nda simndan laci-a co nda pila laasianndo.

1Masaa 13:18

Kɛ mí vana-tɛɛngaa-diom Hala yuuvɛi kon lamban sɔɛi he lafi-lafi, mó dimul ndu aa: «Ya bɛɛ vana-tɛɛngaa-diom Hala-o ya co maa nɔm ni, Mɛlɛka pila vim ya mɛlɛkanɔɔ le ya hunɔɔ dimullo ni maa naa n muungu naa ŋiɔn o ya lo cɛinin, mà kɔ dio ɲɛdiaa, mà kol.» Nduyɛ còòlan fúú o va ndu dimul kon ni.

2Tesalonikea 2:9

Vana kɔlvesɛiyo hunnin a kpaaya Setana-o, mò tosa dɛnnda kpaayala súú-súù ka, kaamaalan a kɔndɔfilta lacòòvalan.

Luke 6:26

Dangaa co le niaa, te vannda kpow a va pɛ sɔɔn nian kɛndɔn dimio, kani lende fuɲaa ndaa mamaa va dimio a vanaa-tɛɛngaa-diom Hala-a lacòòvaa ni.»

Marke 13:22

Kani kristaa lacòòvaa a vanaa-tɛɛngaa-diom Hala-a lacòòvaa cannin, mà tosa dɛnnda kɔndɔfilta bɛndulan a kaamaalan, le vanaa sɔla hɛlio-a lueiyo o pɔwlan nin, taa tiw pɛ ba.

Matie 24:24

Kani kristaa lacòòvaa a vanaa-tɛɛngaa-diom Hala-a lacòòvaa cannin, mà tosa dɛnnda kɔndɔfilta bɛndulan a kaamaalan, mà kɔɛ bɛɛ hali le vanaa sɔla hɛlio-a lueiyo o pɔwlan nin, taa tiw pɛ ba.

Matie 24:11

Vanaa-tɛɛngaa-diom Hala-a lacòòvaa cannin taw, mà luei vanaa bɔɔ-bɔɔ o pɔwlan nin.

Matie 7:15

«La mandan a vanaa-tɛɛngaa-diom Hala-a lacòòvaa. A co hunɔɔ o niaa lo maa n'saa, kɛ lenin ndaa tunaa yondoa vɔɔn-vɔɔnda nda co ni.

Sakari 13:4

Paale len, te vanaa-tɛɛngaa-diom Hala-a tɛɛnguu pɛ diom Hala-o, siɛmbulan la biinin nda le vunduma ndama nda ce-an. A vownun ndɛnin domala bɛndula iyiin-ndan, le sɔɔn lacòòvan dimio le.

Sakari 10:2

Kani piɔmaa tongoniŋaa niaa co piɛiyo-a co niaa mulullo a sɔɔn lacòòvan. Mandea co vannda vunduma lacòòvan dimullo, à co lɔma sɔlaama lacòòvan dimio, à co vannda ɲɔɔloo a kpaavɛi. Lelan vannda ha kɔɛnnun a laasianndo ni maa n'cɔlu, a co o mɔnɛi nin maa saa nɔ vana mandaa le-a.

Esekiɛl 13:23

La ci lɛnin vunduma lacòòvama man te. La dimi lɛnin sɔɔn co hunɔɔ yɔŋnɔn-ndon te, i baŋanin yungu nuu niaa o ba. O kon niaa sinanin ni maa ya co Mɛlɛka ni.

Yeremi 23:11

Hali vanaa-tɛɛngaa-diom Hala-a a vanaa-solia-lasálàá a vow balan o laasiaa nin. Háá o cɛi nuu nin, foofola dɛnnda ndala vɔɔnndan la co lon.» Sɔɛi fula Mɛlɛka o sondo-e co ken ni.

Yeremi 6:13

Kani kandɔɔ a cuaambɔ hiow dɔɔnanndo nda tɛɛn-ndo, kɔ bii a kaasonɔ hiow nda faw-vo, nda kpow, vana-vana nɔ hɔlten tɔnɔ ndɔ ndu pila-o kɔɔli. Kandɔɔ a vanaa-tɛɛngaa-diom Hala-a, kɔ bii a vana-solia-lasálàá, nda kpow vanaa lakafaa kposon.

2Piɛr 2:1

Vanaa-tɛɛngaa-diom Hala-a lacòòvaa va sindɛ Israɛlla tɛɛn. Nduyɛ, lende koni vanaa pɛɛkaa lacòòvaa vanin niaa tɛɛn ni. A hunnin a pɛɛkula vɔɔnndan o kɔlkalu vɔɔndo nin, mà kɛɛ bɛɛ Vana Bɛndu baŋa nda-o, o kon mì nda pila luei bollen o ɲánndávàà.

Yeremi 29:24

Mí Mɛlɛka dimul Yeremi le Semaya fula Nehelam-ndo dimullo aa:

Tɔŋ miingua 18:20

Kɛ te vana-tɛɛngaa-diom Hala-o pum tɔɔndan pɛ mò dimi yoongu ya vim ndu dimi loo o diola nilan, te kon te mò soo o diola halaa celennda, o bɛnda mò sɔla piɔ́mndo.›

Yeremi 23:32

I co vanaa co kan vunduma fondoan cɔu-va ciŋilan.» Sɔɛi fula Mɛlɛka o sondo-e co hee ni. O còòla lan tombolaa nda luei vanaa nia o pɔwlan nin ni. Nduyɛ, i vim nda lekiila kɛ́-kɛ̀ le. I dimul nda ɲɛ-ɲɛ le. A co vanaa nia mako kɛ́-kɛ̀ soli le.» Mɛlɛka soo lende ni.

Yeremi 29:26

Mɛlɛka siinguu nɔm vana-solia-lasálàá o fonda Yehoyada vana-solia-lasálàá-o ni, haliko ma nɔ hɔlten o Cɛi-Hala-o coo le vanaa siingun nda pila vanaa-tɛɛngaa-diom Hala-a. A saalun nda pɛ, a baa nda yɔlɔn, a vow nda cilinndon o labolo.›

Tɔŋ miingua 4:1

«Sisa, niaa Israɛlla, la yaŋ nilan o tɔŋndan a o silala ya co niaa pɛɛkoo lan. La bii lan haliko mi la va yoomu, mi la luɛi o lɛŋnde Mɛlɛka, Hala fuɲaa niaa mamaa co niaa yɔngu kɛ́ɔ len nin.

Tɔŋ miingua 4:2

La handu ɲɛ-ɲɛ o ɲɛ ya pɛɛku niaa-o coo le, la faŋa ɲɛ-ɲɛ lecoo le. La bii tɔŋnda Mɛlɛka Hala niaa, la ya co niaa tɛɛngullo lan.

1Masaa 13:19

Mí vana-tɛɛngaa-diom Hala fula Yuda-o muungu nda ndu, mó kɔ dia ɲɛdiaa, mó kol o ndu lo cɛinin.

Talelan 30:6

Handu ɲɛ-ɲɛ o sɔɔn ndɔn coo le, yɔŋii o soo nɔm mò ce nɔm vana lacòòvaa.