Tɔŋ miingua 12:7 - BII BILA

⁷ O fonda kon niaa vanin ɲɛdiaa dioo Mɛlɛka Hala niaa o hɔl ni, lon niaa vanin a kɔlkɛndɛ bɛndoo niaa yungula niaalan le valta niaala Mɛlɛka Hala niaa vanin duaa dɔvɔɔ lan ni.

Tɔŋ miingua 12:7 Referans Kwoze

Tɔŋ miingua 12:18

Mɛlɛka Hala niaa o hɔl, o fonda ndu pila hɛlinin-ndo niaa bɛnda le ɲɛla lan dioo ni. Niaa pila, poaa niaa, cuavaa niaa laandua, buɛyaa niaa piaandua, buɛyaa niaa laandua a leviaa vanin o kobila niaalan nin-nda bɛnda le ɲɛla lan dioo ni. O kon, la dɔwnun ɲaale Mɛlɛka Hala niaa o hɔl le kɔmnde niaa vanin sɔlaa o valta niaalan nin-nden.

Tɔŋ miingua 14:26

O tiiya pɛ lon, o pendu ɲɛ-ɲɛ o yeema a volin mun: o va naw, o va saa, o va cuin, o va mamɔi, o va ɲɛ-ɲɛ vana kol mì hɔlla hiŋ vana. Ɲɛ-ɲɛ vana kon yeema pɛ, o pendu, o de ndu te kon te o kol ndu Mɛlɛka Hala ndɔɔ o hɔl lon, o dɔwnun ɲaale a yungule ndɔlen.

Tɔŋ lasálàá 23:40

Paale tasele len le tiiya pɛ, la cua komɔɔla kɛndɛ-kɛndɛlan, la kelu siɔ̀ɔ́la vawlan, lɛvun yɔmii bɛndu-bɛnduei a yɔmii pɔmbɔɛi vul mì i tosa bɔɔlan o peelan kɔngɔ-e, la viow kponyoo ya Mɛlɛka o hɔl palɛi ndii ŋɔmmɛw.

Tɔŋ miingua 12:12

La vanin a kɔlkɛndɔɔ Mɛlɛka Hala niaa o hɔl: niaa pila, poaa niaa, cuavaa niaa laandua, buɛyaa niaa piaandua, buɛyaa niaa laandua a leviaa vanin o kobila niaalan nin-nda. Kani leviaa kan nda nɔ ɲɛ a kɛ́ lelɛŋ maa niaa le.

Filipea 4:4

La dɔwnun ɲaale lɔ́ɔ́-lɔ́ɔ̀ o Maalii nin, mì tɔla vɛlɛ dimi, la dɔwnun ɲaale.

Tɔŋ miingua 27:7

mì la solul ndu vɛlɛ sálàla kɔlɲululan, mì la de ɲɛdiaa sálàla kɔlɲulu kon o fonda kon, mì la viow kponyoo Mɛlɛka Hala niaa o hɔl lon.

Tɔŋ miingua 15:20

Vɔsi oo vɔsi, la bɛnda mì la va nda dioo Mɛlɛka Hala niaa o hɔl niaa yungula niaalan, o fonda Mɛlɛka hɛlinin-ndo.

Tɔŋ miingua 14:23

La bɛnda mì la de o-tɔ́ndɔ niaa Mɛlɛka o hɔl, o fonda o hɛlinin le diola ndɔlan vaa biilɔnndo-o nin. O va o-tɔ́ndɔ niaa solinin o malun niaa nin-ndo, o va o niaa solinin o mɔima niaama sɛnɛiyan nin-ndo, o va o niaa solinin o cuɛima niaan nin-ndo, o va cɔlua piaandua tasea cɔlua niaa vanin komɔɔ-a. O kon, la pɛɛku mɛɛ niaa bɛnda le siòòŋii Mɛlɛka Hala niaa nɔu le fɛɛn a fɛɛn yɛ.

Dɛnnda kiilaa 2:46

Lepalaa-lepala, a va biuvɔnndo cuungianndo o Cɛi-Hala-o nin. A va ɲɛdiaa dioo cɛilan nin a kɔlkɛndɔɔ a o tuisinndo nin.

Malasi 2:13

Diinndɔɔ, ɲɛ niaa co vɛlɛ tosaa-o co hoo ni: la co mɛmɛan peiyo o fonda-loamaa-lasálàá coo a caŋnda niaa co lan. Kani Mɛlɛka co lɛ bɛɛ sálàla niaalan tofa le, o co lɛ ɲɛ-ɲɛ cɛlɔɔ niaa o ba le.

Esai 23:18

Kɛ sala ndɔ kon a ɲɛ-sɔlaa ndɔ nɔɔlɛi kon solinnin sálàà le Mɛlɛka. Vana cuungiaanin ɲɛm mun te, vana mandanin mun te. Kɛ ɲɛm mun vanin baloo le vanaa co vallo tosaa Mɛlɛka o hɔl-la ni, haliko ma de ma pim ca. Ɲɛm mun koni vanin vɛlɛ ɲɛ cuɛinan kɛndɔɔ le nda ni.

Tɔŋ miingua 26:11

O kon kɔɔli, la dɔwnun ɲaale niaa leviinɔɔ a mial co icali niaa tɛɛn-ndo le ɲɛm kɛndɛn Mɛlɛka Hala niaa kenin niaa a yungula niaalan-ndon.»

Tɔŋ miingua 12:8

Lelan, la bɛnda lɛ mi la tosa dɛnndan mɛɛ naa n co lan hau tosaa nanu nuaa yɛ le. Kani hau nanu, vana-vana co ɲɛ hɛnan ndu-o tosaa mɛɛ o yeema yɛ.

Tɔŋ miingua 28:47

Kani te la tósàl Mɛlɛka Hala niaa vallo a kɔlkɛndɔɔ a ɲaaloo telen niaa nɔ ɲɔɔn o ba taw-vo le,

Nehemi 8:9

Mɛɛ vannda tuei sɔɔn tɔŋndo dimi-on, mí nda kpow a del a caŋndo. Mí Nehemi masa ibungaa, Ɛsdras va vana-solia-lasálàá a vana sɛvaa latɔŋndo-o a leviaa va vannda pɛɛkulan yɔngoo-a dimul nda aa: «Paalen nden hau, paale diandaalen le co le Mɛlɛka Hala niaa ni. Lelan la va hau a hɔlaa yiyaa le, la caŋ te!»

Vana Kɔlkaloo 3:12

I bii bila maa ɲɛ-ɲɛ co fisà le vanacieo maa ɲaaloo dɔwnɔnndo a dɛnɛ kɛndɔɔ tosaa telen o co yoomu-o le.

Vana Kɔlkaloo 3:13

Te vanndo va pɛ dioo a kolɔɔ, mò dɔwnun ɲaale o tɔnɔ baala ndɔɔ nin, mɛɛ Hala ke ndu kon ni.

Vana Kɔlkaloo 5:18

Handɔɔ o kon coo, vana-vana Hala ke pɛ bolofaa a ɲɛ-sɔlaa taw, ndu dɔwnun ɲaale o baala ndɔɔ nin. Ó ndɔɔ co kon ni.

Yɔɛl 1:16

Vɛ̀ɛ̀ o co naa o hɔl te nda puu baloo naa o ba le? Vɛ̀ɛ̀ a tɛɛmbuu kɔlkɛndɔɔ a ɲaale va o Cɛi-Hala naa nin-ndo le?

Yɔɛl 2:26

La vanin ɲɛdiaa dioo a pumndo, la lisanin Mɛlɛka Hala niaa, o tosa dɛnnda kaamaala bɛndulan le niaa-o pɛɛn. Le fɛɛn a fɛɛn nin, siɛmbula bii lɛnin yungu nuu le.

1Dɛnnda lemasalan 29:22

Paale len, mí Israɛlla dia, má kol a ɲaaloo taw Mɛlɛka o hɔl. Má yonda vɛlɛ ɲinkon yonda diinndɔɔ maa Salomɔn po David-o co masaa ni, má pɔla ndu o diola Mɛlɛka lan le siŋnɔnndo simlacinɔɔ, má pɔla vɛlɛ Sadɔk le siŋnɔnndo vana-solia-lasálàá.

Esai 62:9

Kɛ vanaa koawnin maalon-nda dianin mun, mà mel Mɛlɛka balika. Vanaa kiandunin rɛsɛnndon-nda bɛɛ, a kolnin mɔima ndan o bɛ́ɛ̀la cɛi ni diandaa nin.

Esekiɛl 44:3

Le vana co simlacinɔɔ-o ndu ndu, le tùú o co simlacinɔɔ-o, o nɔla mó cal lon le ɲɛdiaa ndɔɔ dioo Mɛlɛka o hɔl. O keinin a nɛi co o tongo-luɛyaa tase dio bɛndu kon-ndo le luɛyɔɔ, o nɛi pilɛ kon o keinin vɛlɛ le fulaa ni.»