Tɔŋ miingua 12:6 - BII BILA

⁶ O fonda kon niaa vanin kɔlan a sálàla loamaala niaalan a á sálàla niaalan tɔ̀lan kpow ni. Lon niaa vanin kɔlan a o-tɔ́ndɔla niaalan a á cuungiaala niaala niaa vanin solio o valta niaalan nin-ndan ni. Lon koni niaa vanin kɔlan a ɲɛm niaa baa yoolen o Mɛlɛka-on le yoole len timbio ni, lon niaa vanin vɛlɛ ɲɛm niaa vanin yɔngoo a yeemɛi niɛi-yon a cɔlua piaandua tasea cɔlua niaa vanin komɔɔ-a kpow yɔɔ ni.

Tɔŋ miingua 12:6 Referans Kwoze

Luke 18:12

O lɔ́ɔ́ oo lɔ́ɔ̀ bɛngu, lediin ya bii sumndo ni. I co o-tɔ́ndɔɔ solio o ɲɛm nun kpow nin.›

Luke 11:42

Kɛ dɛnɛ palaa co le niaa Faliisia! Kani la co o-tɔ́ndɔɔ solio o tɔlɔɔlan lapum nin, maa mɛnte, ru a tɔlɔɔla nakɔla niaalan kpow, le Hala yɔngoo, kɛ la co dɛnɛ sandaa a canyɛi Hala-e cɔm te. Dɛnnda niaa bɛnda le tosaa lan la co lan ni, handɔɔ niko o dɛnnda tɔ̀lan coo.

Malasi 3:10

La hun a o-tɔ́ndɔla niaalan kpow o cɛi mandaa bolofaa nin, haliko mi baloo va o ya lo cɛinin. La tɔɔndan-ndɔ hau ya lende, mì la tofa, te i kumbilnin niaa diola pɔmbɔla co o halataala lan, mì tuisi niaa duaa bɛndu-bɛndu hiow ɲɔɔn kpow-vo coo le. Ya Mɛlɛka-Nɔ-Kpaayaa-Kpow-vo dimi lende ni.

Malasi 3:8

Vɛ̀ɛ̀ vanaciee yoomaa nɔla pá mò hui Hala? Kani la co ya huiyo mí la va ɲunaa aa: ‹Vɛɛ nɛ naa n co yɛ nɔm huiyo?› O o-tɔ́ndɔlan nin a o ɲɛm-kéan nin. La co yɔngu mɛɛ o bɛnda yɛ le.

Esekiɛl 20:40

Kani o pembii nii diandɛi coo, o pembii bɛndu-bɛnduei Israɛl coo, cuavaa Israɛlla kpow a vanaa vanin o lɛŋnde len nin-nda kpede a biilunin ya ni. Lon ya cɛlnin nda a kɔllo kpow ni. Lon ya ɲunanin niaa le ɲɛm niaa faŋa o ɲɛm niaan coo le ya yɔngoo-on ni, ɲɛm niaan tason o ɲɛm kean niaan nin a ɲɛm niaa kɛsi le ya-on pɛɛn. Sɔɛi fula Maalii o sondo-e co ken ni, Mɛlɛka pɛɛn.

Tɔŋ miingua 26:2

vana-vana faŋa ɲɛ pum o kulun tasen o sɔlanin o tɔlɔɔ ndɔɔ nin o lɛŋnde len nin-ndon nin, o vow mun o kambɛiyo nin, o kɔɛ a mun o fonda Mɛlɛka hɛlinin le diola ndɔlan vaa biilɔnndo-o.

Tɔŋ miingua 12:17

Kɛ nduyɛ, la bɛnda mì la de o-tɔ́ndɔ niaa vanin solio o malun niaa nin, o mɔima niaama sɛnɛiyan nin a o cuɛima niaan nin-ndo o kobila niaalan nin te. Ɲɛm niaa bɛnda vɛlɛ mi la de o kobila niaalan nin te-on co mun ni: cɔlua piaandua tasea cɔlua niaa vanin komɔɔ-a, ɲɛm niaa baanin yoolen o Mɛlɛka lo le ndu mun yɔngoo-on, ɲɛm niaa tuunin le yɔngoo a yeemɛi-yon a ɲɛm niaa vanin faŋaa o kɔmnde valta niaalan coo le Mɛlɛka yɔngoo-on.

Tɔŋ lasálàá 1:3

Te sálà loamaa o yeema le solio a cɔlua bɛndua nin ni, o bii cɔlu piaandu nɔ lenamta loo, o kɔ cɔm ndu o cɛi-kola-toandaa-labɔɔŋianndo sondoo haliko mi Mɛlɛka cɛl ndu.

Yosue 22:27

Kɛ le tùú o va seilen naa tɛɛn naa niaa a cuavaa-imamaa naa tɛɛn vɛlɛ-o. Mɛlɛka naa bɛɛ n co biiloo a sálàla loamaalan, a sálàla kɔlɲululan a á sálàla malaa balikalan ni, yɔŋii cuavaa niaa imamaa hun dimul cuavaa naa imamaa aa: ‹La nɔ ɲɛ-ɲɛ o ɲɛm Mɛlɛka-on nin te.›

1Samiɛl 1:24

Lɔ́ɔ́ Anɛɛ soli poo mɛɛlen o sondo-o, má bii naw tova vɔsila yaa-o nda pɔnɔ ndɔ, má cua kpeyanndo bɔlɔɔ pilɛ a mɔiyan hemndo ca, má kɔa a Samiɛl o Cɛi-Mɛlɛka-o nin Silo. O va vɔ o pɔmbɔ-pɔmbɔ má kɔa a ndu.

Ɛsdras 3:2

Mí Yosue, po Yosadak-o can nda puapilɛa ndɔa, vanaa-solia-lasálàá pɛɛn, a Sorobabɛl po Sealtiɛl-lo nda puapilɛa ndɔa, má kandu fonda-loamaa-lasálà Hala Israɛlla cɔvɔɔ, le sálàla loamaalan solio lecoo maa mɛɛ o va o sɛvaa o tɔŋ Moise vana baala Hala-o nin yɛ.

Nehemi 10:39

Vana-solia-lasálàá pilɛ, fulaa o yungu Aarɔn-ndo nin liilanin leviia telen nda kɔanin le o-tɔ́ndɔ kon cuaa-o ni. Leviia hunnin a o-tɔ́ndɔ fula o o-tɔ́ndɔɔ nin-ndo o cɛila pɔmbɔla holnun Cɛi-Hala-o lan nin ni.

1Samiɛl 1:21

O kon kɔɔli, mí Ɛlkana muungu vɛlɛ Silo nda yungu ndɔɔ le Mɛlɛka sálà nda soli lepilɛ o vɔsio nin-ndo solullo a le yoole ndóò baa len timbio.

2Dɛnnda lemasalan 7:12

mí Mɛlɛka cɔmnun ndu icɔllo, mó dimul ndu aa: «I tuei piɛile nɔmnden, i hɛli fondaa ho mó siŋnun Cɛi ni lasálàá.

2Dɛnnda lemasalan 31:14

Kore, po Yimna va leviinɔɔ-o, ó va kpalilnɔɔ o dio luɛyaa va a ba paalen le can-ndo-o va ɲɛm-kéan vannda va Hala yɔngoo a yeemɛi ndɛi-yon hɔlla landɔɔ coo ni. Ndu va vɛlɛ ɲɛm-kéan diandan va siŋnɔnndo teengen le Mɛlɛka-on a ɲɛm celen piɔwvo ni.

Nehemi 10:36

Vɔsi oo vɔsi n hunnin vɛlɛ a kɔmnde tasele fula o ciɛɔn naan nin a tɔlɔɔla naalan nin-nden.

Condii lisai 116:17

I solulnin nɔm sálà-malaa-balikaa, mì piɛi o diola nɔmndan.