Tɔŋ miingua 12:5 - BII BILA

⁵ Mɛlɛka hɛlinin fondaa o tàndàla polama niaan ma vanin icali nin-ndan tɛɛn, le diola ndɔlan vaa biilɔnndo lon a le calta ndɔlan kɛsio lon, lon daama niaa vanin kɔlan ndu piɛiyo ni.

Tɔŋ miingua 12:5 Referans Kwoze

Tɔŋ miingua 12:11

O fonda Mɛlɛka Hala niaa hɛlinin kon le diola ndɔlan vaa biilɔnndo lenin-ndo niaa vanin hunɔɔ a ɲɛm ya dimul niaa le yɔngoo-on ni: sálàla loamaala niaalan, sálàla niaala celenndan, o-tɔ́ndɔla niaalan, ɲɛm niaa vanin yɔngoo a yeemɛi-yon a ɲɛm niaa vanin hunɔɔ le yoole niaa baa o Mɛlɛka lo len timbio-on.

Tɔŋ miingua 26:2

vana-vana faŋa ɲɛ pum o kulun tasen o sɔlanin o tɔlɔɔ ndɔɔ nin o lɛŋnde len nin-ndon nin, o vow mun o kambɛiyo nin, o kɔɛ a mun o fonda Mɛlɛka hɛlinin le diola ndɔlan vaa biilɔnndo-o.

2Dɛnnda lemasalan 7:12

mí Mɛlɛka cɔmnun ndu icɔllo, mó dimul ndu aa: «I tuei piɛile nɔmnden, i hɛli fondaa ho mó siŋnun Cɛi ni lasálàá.

Tɔŋ miingua 16:2

La bɛnda mì la soli sálà kafo-hiavaa-coo a nawva, a saa, te kon te a cuinnda le Mɛlɛka Hala niaa biiloo, mì la dii cɔlua kan o fonda Mɛlɛka pila hɛlinin le diola ndɔlan vaa biilɔnndo lon-ndo.

1Masaa 8:29

Paalen a ɲumndan, màá hɔlte nɔmnden le va o Cɛiyo ho coo, kani fondaa ho n dimi ni aa nanu diola nɔmndan la vanin piɔlnɔnndo ni. Lelan, yaŋ nilan o piɛile vana nɔm baalaa co o fondaa ho len.

Condii lisai 78:68

Mó hɛli polale Yuda len, mó kaola pembei Siɔn.

Tɔŋ miingua 12:13

La mandan le sálàla loamaalan solio o fonda oo fonda niaa vanin komallo.

Kolɔsea 2:9

Kani ɲɛ-ɲɛ co o Hala nin, mí kon cua diallon Krista-on, nduyɛ o co ndu nin o peelan ca.

1Masaa 8:27

Kɛ nduyɛ, vɛ̀ɛ̀ Hala nɔla pá calle o lɛŋnden coo? Tofa vɔ mɛɛ halataalaa pɛngɛlan mó tiw tɛngɛ̀-tɛngɛ̀ yɛ, a kon kpow Hala sul o halataala le, o co vɔ le sulɔɔ o Cɛile ya tengul ndu len-nden nin te!

1Masaa 8:20

Sɔɛi Mɛlɛka ndóò dimi ken-nde kpeekpei o peelu nuaa ni. Ya koma cal o kpɛŋɛ lemasa fuɲa nuu coo ni le masalen tosaa Israɛlla coo maa mɛɛ Mɛlɛka ndóò dimi yɛ. I tangul Cɛiyo ho le diola Mɛlɛka lan, Hala Israɛlla pɛɛn.

1Masaa 8:16

‹Kabi paale ya soli vanaa nia, a co Israɛlla-a o lɛŋnde Esipte len nin-nden, i hɛli kobi kɛ́-kɛ̀ o polama Israɛlla tɛɛn le ya cɛi tengul nɛɛ diola nilan la vanin biilɔnndo-a le. Kɛ David ya hɛli ni, mí siinguu ndu simlacinɔ vanaa nia, Israɛlla pɛɛn.›

Hebreea 12:22

Kɛ mí la sɔɔnguu o pembei Siɔn a o kobi Hala nɔ yoomoo o ba-o ikɛi, Yerusalɛm co o halataala-o, nɛɛ mɛlɛkaa co sɛ́lɛ́ a cuu cɔm te-a co-a.

Kundalan 7:89

Te Moise ndóò luɛi pɛ o cɛi-kola-toandaa-labɔɔŋianndo nin le suukanndo nda Mɛlɛka, kpendekele ndóò tuɛi diomndo sɔɛi o kumbu va o handaa o kesu kpemaa coo-o coo ni. Ó mɛlɛkaa ŋiɔŋaa kanda ɲɛm Hala-on-nda tɛɛn ndóò tuɛi diom kon sɔɛi ni. O kon, mì ndáà suukan nda ndu lende.

1Dɛnnda lemasalan 22:1

O kon, mí David dimi aa: «Nanu Cɛi-Mɛlɛka-o vanin ni, Hala pɛɛn. Nanu koni fonda-loamaa-lasálàá vanin vɛlɛ le Israɛlla sálàla loamaalan solio lecoo ni.»

1Masaa 14:21

Roboam, po Salomɔn-ndo ndóò nɔ vɔsilan belehiɔɔlu a ò pilɛ, mó siŋnun masaa Yuda. Mó tosa masalen vɔsilan tɔ́ a laŋɔmmɛw Yerusalɛm, kobi Mɛlɛka ndóò hɛli kon o polama Israɛlla tɛɛn, mí ndóò cɔmnun vanaa ndɔa lon-ndo pɛɛn. Naama kalaa Roboam ndóò nɔ diolan ni, Amɔnnɔɔ o va ni.

Yosue 18:1

Mí Israɛlla kpow a cuungian Silo, má baŋ cɛi-kola-toandaa-labɔɔŋianndo lon. Lɛŋnden kpow le va nda o ba bɛngu.

Fulaa 25:22

O kumbu kesu kon coo, o mɛlɛkaa ŋiɔŋaa vanin kan o kumbu kesoo coo-a tɛɛn ya vanin nɔm cɔmnɔnndo ni. Lon ya vanin nɔm sɔɔn kpow dimullo le Israɛlla ni.»

Yosue 9:27

Mó baŋ Kabaɔnnda yɔmnde tingɔɔ a mɛnndan vilio le Israɛlla a le fonda-loamaa-lasálà Mɛlɛka-o o fonda ndu Mɛlɛka hɛli-o. Háá paalen nden hau, baala kon cuavaa ndaa imamaa co tosaa ni.

Fulaa 15:2

Mɛlɛka co yoomuma nian a vana ya lisà-o ni. Ndu yɔŋnun vana ciindiaa nuu ni. Ndu co Hala nuu ni, i lisanin ndu. Ndu co Hala fuɲa nuu ni, i sangalanin ndu.

Dɛnnda cɔɔmuanndan 14:1

Yáà tofaa, mí ca saa téndóó isisi o pembei Siɔn coo, vanaa ndáà nɔ diola saa téndóó a diola Fuɲa ndɔlan o n'tendu-a va ndu isisi ikɛi, a va vannda vaalan kɛmɛ belehiɔɔlu a lahiɔɔlu (144 000).

Fulaa 20:24

La ców ya fonda-loamaa-lasálàá a puuloo, mì la soli sálàla loamaala niaalan a sálàla kɔlɲulula niaalan lecoo, mì la soli vɛlɛ cɔlua niaa pɔmbɔa a navaa niaa sálàá lecoo. Fonda oo fonda ya cɔmnun niaa pɛ, i hin o niaa lo, i dɔw niaa duaa.

Tɔŋ miingua 12:4

Le Mɛlɛka Hala niaa biiloo ndu, la bɛnda mì la tosa maa nda le.

Tɔŋ miingua 12:18

Mɛlɛka Hala niaa o hɔl, o fonda ndu pila hɛlinin-ndo niaa bɛnda le ɲɛla lan dioo ni. Niaa pila, poaa niaa, cuavaa niaa laandua, buɛyaa niaa piaandua, buɛyaa niaa laandua a leviaa vanin o kobila niaalan nin-nda bɛnda le ɲɛla lan dioo ni. O kon, la dɔwnun ɲaale Mɛlɛka Hala niaa o hɔl le kɔmnde niaa vanin sɔlaa o valta niaalan nin-nden.

Tɔŋ miingua 14:23

La bɛnda mì la de o-tɔ́ndɔ niaa Mɛlɛka o hɔl, o fonda o hɛlinin le diola ndɔlan vaa biilɔnndo-o nin. O va o-tɔ́ndɔ niaa solinin o malun niaa nin-ndo, o va o niaa solinin o mɔima niaama sɛnɛiyan nin-ndo, o va o niaa solinin o cuɛima niaan nin-ndo, o va cɔlua piaandua tasea cɔlua niaa vanin komɔɔ-a. O kon, la pɛɛku mɛɛ niaa bɛnda le siòòŋii Mɛlɛka Hala niaa nɔu le fɛɛn a fɛɛn yɛ.

Tɔŋ miingua 14:24

Lɔ́ɔ́ Mɛlɛka dɔawnin niaa duaa taw o ɲɛ-ɲɛ nin-ndo, te fonda vanndo vanin icali-o bandu pɛ taw a fonda Mɛlɛka Hala niaa hɛlinin le diola ndɔlan vaa biilɔnndo lon-ndo, te vana kon nɔla o-tɔ́ndɔ ndɔɔ vilio le kɔlan a ndu lon te,

Tɔŋ miingua 15:20

Vɔsi oo vɔsi, la bɛnda mì la va nda dioo Mɛlɛka Hala niaa o hɔl niaa yungula niaalan, o fonda Mɛlɛka hɛlinin-ndo.

Tɔŋ miingua 16:6

fɔ o fonda ndu Mɛlɛka pila hɛlinin le ndu pila cɔmnɔnndo-o niaa bɛnda le ndu diyɔɔ ni. La bɛnda mì la dii cɔlu kon a paale yɔngannden, a telen niaa faŋan Esipte-o kpafii.

Tɔŋ miingua 17:8

«Te o va pɛ mi kpundɛ diyaa vanacieo, sɛɛngianndo, yɔŋulɔnndo, te kon te sulalle pum fula o dɛnɔɔ pum nin o kobi niaa pum nin, te yamaa co lon-nda nɔla yamɛi ken kiolɔɔ le, te dɛnɛ kon hiow pɛ nda mayoomu, la kɔɛ a sɔɛi ken o fonda Mɛlɛka Hala niaa hɛlinin-ndo.

Tɔŋ miingua 31:11

te Israɛlla kpow a hun sim pɛ Mɛlɛka Hala niaa o hɔl o fonda ndu pila hɛlinin-ndo, a dimi tɔŋndo nda o hɔl kpow, o kon mì vana-vana tuei.

Yosue 22:11

Mɛɛ Israɛlaa tɔ̀a tuei maa yungula fula o polale Rubɛn-nden nin-ndan, yungula fula o polale Kad len nin-ndan a yungula fula o polale tálále Manase len nin-ndan la cii fonda-loamaa-lasálàá tangul Yurdɛn o peelo, o kɔngɔ ndaa coo o lɛŋnde Kanaan-nden nin,

Ɛsdras 3:2

Mí Yosue, po Yosadak-o can nda puapilɛa ndɔa, vanaa-solia-lasálàá pɛɛn, a Sorobabɛl po Sealtiɛl-lo nda puapilɛa ndɔa, má kandu fonda-loamaa-lasálà Hala Israɛlla cɔvɔɔ, le sálàla loamaalan solio lecoo maa mɛɛ o va o sɛvaa o tɔŋ Moise vana baala Hala-o nin yɛ.

Ɛsdras 6:12

Masa oo masa, te kon te vanaa-mangalaa-isɔɔ súú-súù a tuundan pɛ le dɛnɛ pum tosaa le tɔŋndo ho tɛɛmbuuo, le Cɛi-Hala co kon Yerusalɛm-ndo puusiaa, màá Hala diola ndɔlan la co piɔlnɔnndo o fonda kon-ndo tɛɛmbuu vana kon! Ya Darius pila yii tɔŋndo ho ni, lelan lende kpafii o tosannin ni.»

Ɛsdras 7:17

A tiiya pɛ, a pendu navaa tovaa, saa kóndóa, saa téndéa, kpeyan bɛnda le sálàá solio a nda-o a mɔima bɛnda le sálàá solio a nda-an. O kon, a soli ɲɛm mun kpow sálà o fonda-loamaa-lasálàá coo o Cɛi-Hala niaa nin Yerusalɛm.

Yeremi 7:14

ɲɛ ya tosa a Silo-o, ndu koni ya co tosa a cɛiyo ho ni, cɛi diola nilan la co hoo veelɔnndo nin-ndo, o niaa kɛsi kɔllo coo-o, fonda ya ke kon fuɲaa niaa mamaa a niaa-o pɛɛn.

Yeremi 26:2

«Sɔɛi ya Mɛlɛka dimi-e co hee ni aa: kɔ sim o bɛ́ɛ̀ Cɛi-Hala-o nin, mà dimul vanaa-vanaa fula o kobila Yuda lan nin, mà hin le kaannden. Kɔ miinguu sɔɔn ya co nɔm dimul le nda tɛɛngullo-on, diomndo pilɛ bɛɛ faŋa lecoo le.

Tɔŋ lasálàá 17:4

o bɛnda mò hin-ndɔ fɔlɔn a cɔlu kon o cɛi-kola-toandaa-labɔɔŋianndo sondoo, mò cɔm ya Mɛlɛka ndu o Calta nilan hɔl-ndɔ maa sálà. Te o hin a ndu le, o dii ndu pɛ a ba ndɔ lende, mɛɛ o del kasi le kooma o soli man ɲɛ yoomaa-an. Kani o co mɛɛ tɔŋndo dimi yɛ le o dii cɔlu kon te. Lelan, a bɛnda ma faŋa vana kon Israɛlla tɛɛn few-few.

Tɔŋ miingua 16:7

La yaw pɛ visin mun, la de mun o fonda Mɛlɛka Hala niaa hɛlinin-ndo. Diimandɔɔ idiiyo, la muungu o laniaa lo.

Tɔŋ miingua 16:11

Mì la dɔwnun ɲaale Mɛlɛka Hala niaa o hɔl o fonda o hɛlinin le ndu pila cɔmnɔnndo-o niaa poaa niaa, cuavaa niaa laandua, buɛyaa niaa piaandua, buɛyaa niaa laandua, leviaa vanin icali o kobila niaalan nin-nda, mialaa vanin icali niaa o bɛngu coo-a, vííya a vanlaandua piaandaa ndaa vi-a, á vanin icali niaa tɛɛn-nda.

Tɔŋ miingua 16:15

O palɛi ndii ŋɔmmɛw bɛngu, la bɛnda mì la tosa kafoo le Mɛlɛka Hala niaa biiloo o fonda ndu pila hɛlinin-ndo. Kani o dɔawnin niaa duaa o valta niaalan nin kpow a o ɲɛ-ɲɛ niaa vanin tosaa nin, haliko mi la va a kɔlkɛndɔɔ taw.

Tɔŋ miingua 18:6

Te yeemɛi bii pɛ leviinɔɔ pum taw-taw le kɔlan o fonda Mɛlɛka hɛlinin le diola ndɔlan vaa biilɔnndo lon-ndo, mò faŋan o kobi o vanin icali nin-ndo nin, nɛɛ-nɛɛ o cɛn pɛ o lɛŋnde Israɛl-ten nin,

1Masaa 12:27

Kani te vannda ha lo pɛ kɔlan Yerusalɛm le sálàlan solio o Cɛi-Mɛlɛka-o nin, kɔlta ndalan la co hunɔɔ mulin o vana nda bɛndoo lo, Roboam masaa Yuda pɛɛn, mà mululun ya, mà dii ya, o kon mà mulin dɔ́ɔ́ o ndu Roboam masaa Yuda lo.»

2Masaa 18:22

Bɔɔle mi la dimul-la aa: Mɛlɛka Hala naa naa n tiindan ni. Kɛ vɛ̀ɛ̀ o co sooluula ndɔlan a tombun ndɔn te Esekia tɛɛmbuu, mó dimul vannda Yuda a haa Yerusalɛm aa a va hunɔɔ o sooluulan Yerusalɛm te?›

Nehemi 1:9

Kɛ te la muungu pɛ ya o ibuŋ, mì la bii silala nilan, mì la kela lecoo, hali a kɔ bɛɛ a niaa háá lɛŋnde mɛɛlu, i nuwviaanin niaa, mì cuungiaa niaa nɛɛ pilɛ, mì kɔɛ a niaa o fonda ya hɛli le diola nilan vaa piɔlnɔnndo lon-ndo.›

Yeremi 7:12

Lelan, la kɔ Silo o fonda ni diandaa, nɛɛ diola nilan la va veelɔnndo o tasendɔ-a, mì la kɔ tofa mɔnɛ ya soli a fonda kon, le dɛnɛ vɔɔn vanaa niaa Israɛlla tosa-o.