Kɛ la tuei-yɔ mɛɛ niaa tosanin a nda yɛ: la bɛnda mì la koombiaa máánnda ndalan, mì la pesi powta ndala sálàlan, mì la koombiaa sungbuma ndama soolan, mì la lom piɔmaa nda sɛl-la.
A co sálàlan solio o pembon tullo, a co ansan lomɔɔ o pembun pɔmbɔn coo, o yálánnde bɛngu, o yɔmii pepliee a o yɔmii terebɛntii puiyɛi bɛngu, ì vunduma ndɔan ma naŋ taw-ve. Le kɔlɔ kon cuavaa ndaa laandua co suundaa ni, mì laandaa poaa ndaa bɛɛ a va suundaa.
O paale masaa Yosia len, mí Mɛlɛka dimul-la aa: «Vɛ̀ɛ̀ a ce pá ɲɛ Israɛl muuluanndo ho tosa-o? O hel o pembon kpow coo, mó kɔa o yɔmii puiyɛi bɛngu, le piɔmnda sooloo.»
Mó tɛɛmbuu vɛlɛ tombun va Yerusalɛm ciee-lekɔɔ o Pembii oliviei a ba too-on. Salomɔn masaa Israɛl ndóò tangul mun ni le Astartee piɔm nɔɔlɛi Sidɔnnda, le Kɛmɔs piɔm nɔɔlɛi Moabua a le Milkɔm piɔm bɛɛtambɛi Amɔnnda.
Mí dimul niaa maa o bɛnda mì la cɛlan o ɲɛ-ɲɛ coo niaa vanaa co o lɛŋnden nden nin-nda le, maa la puusiaa máánnda ndalan, kɛ la tui ya diom te. Le kɔlɔ yɛɛ nɛ niaa tosa yɛ lende?
La sooluu halaa ndaa le, la baŋ vulan nda o labɛngunin te. La kélà mɛɛ nda co kela nɔɔlɛiyo yɛ le, kɛ la pesipesi piɔmaa ndaa, mì la koombiaa powta sálàla ndalan.
Mí vanaa va o lɛŋnde len nin-nda kpow a kɔ luɛi o máán Baal-lo nin, má tɛɛmbuu ndu, má pesipesi fondala-loamaa-lasálàlan a piɔmaa va lon-nda kpow. Má bii Matan vana-solia-lasálà Baal-lo, má dii ndu o fondala-loamaa-lasálàlan hɔl-ndɔ. O kon kɔɔli, mí Yehoyada kɛsi kundala kpalilla o Cɛi-Mɛlɛka-o.
Bɔɔle a co ya dimul aa: «Mɛlɛka, o co Hala naa-o naa n tiindan ni.» Kɛ vɛ̀ɛ̀ o co sooluula ndɔlan a fondala-loamaa-lasálàla ndɔlan te Esekia puusiaa, mó tɛɛmbuu, o kon kɔɔli mó dimul vannda Yuda a haa Yerusalɛm aa la baŋ vulan o fonda-loamaa-lasálàá ho hɔl-ndɔ le?
Mí Mɛlɛka dimi aa: «Israɛl, o co lɛhau le n luɛi nila kalulan a ya le, má tɛɛmbuu nɔu naa ŋiɔn tɛɛn, o kon má dimi aa a yeema lɛ ma va o lecɛ nin te. Kani a co keiyo piɔmnda sooloo o pembon kpow coo a o yɔmii puiyɛi kpow bɛngu.
Heelu vɔ hɔlla o pembon coo mà tofa, kuɛɛ nɛ n kɛɛ yɛ nɔɔlian a piɔmnda sooloo? A co icali o nɛilan lekɔɔ nda cum maa Arabua kela o lɛŋnde veselɛilen nin-nda. A nɔɔliaa lɛŋnden a suunda nɔmndo a á kela nɔm vɔɔndo.
Sina tɛɛmbuu nɔmndo daama. Kani ya Mɛlɛka Hala nɔmndo n simul ni, má laasian kɔlan nɛɛ-nɛɛ ka halaa celen kɔɔli o yɔmii puiyɛi kpow bɛngu. A yeŋ ya nilan te few.› Ya Mɛlɛka soo lende ni.