Tɔŋ miingua 12:10 - BII BILA

¹⁰ Kɛ lɔ́ɔ́ niaa taŋnin peo Yurdɛn mì la kɔ cal o lɛŋnde Mɛlɛka Hala niaa yɔngu niaa kɛ́ɔ len nin-ndo, Mɛlɛka yɔngunin niaa pɛngio a yaamɔaa niaa balunin niaa-a kpow, haliko mi la vannun icali o kɔlɲuloo nin o lɛŋnde len nin.

Tɔŋ miingua 12:10 Referans Kwoze

Esekiɛl 34:28

A ve lɛnin pungapungaa vanaa-mangalaa-isɔɔa tɛɛn te. Visia (biyaa) co o lɛŋnde ndalen nin-nda som ndɛnin nda le, a vanin icali nila ɲulu, vana-vana vueinun ndɛnin nda le.

Yeremi 33:11

yoondiaala kɔlkɛndɛlan, a kponyolan, vana hun tuɛinin vɛlɛ condun vanaa co nɔlan kilaa sɛnɛi-ya a vanaa vanin hunɔɔ a sálàla malaa balikalan o Cɛi-Hala-o nin-nda. A vanin dimio aa: La biilu Mɛlɛka-Nɔ-Kpaayaa-Kpow-vo, kani Mɛlɛka naŋ, ɲíí ndɔɛi co le lɔ́ɔ́-lɔ́ɔ̀!› A toɲa, i minginin lɛŋnden nden mɛɛ le va o tasendɔ yɛ, diom Mɛlɛka dimi-o co kon ni.»

Tɔŋ miingua 11:31

Kani o lo cɔɔlu cobe mì la taŋ peo Yurdɛn, le kɔlan lɛŋnde Mɛlɛka Hala niaa ke niaa len hiɔlɔɔ. La hialunin nden mì la cal lenin.

Tɔŋ miingua 4:22

Ya ya, i co vu o fondaa ho nanu, i teŋnin peo Yurdɛn te. Kɛ niaa, la co ndu taŋɔɔ mì la kɔ hiɔlu lɛŋnde kɛndɛle len.

Tɔŋ miingua 3:27

Hel o pembei Piska bollen ma mɛɛndian a ba paalen le del-lo, a ba luaŋ-ndo, a ba too a á ba paalen le can-ndo. Mɛɛndian lɛŋnden ɲɛkɛndɛi, kɛ a co peo Yurdɛn taŋɔɔ le few.

Esekiɛl 38:8

O vɔsila bɔɔ-bɔɔ kɔɔli, i viamnin nɔm mà kuel lɛŋnde Israɛl-ten. O kon, vanáà hɛlun má ɲaanun cɔwvo o lɛŋii yɛ́-yɛ́i nin-nda muungunin mà kɔ cuungian Israɛl, o co nin lɔ́ɔ́ levil taw, vana hel-lɛ o pembun mun coo le. A faŋannin vanaa celen tɛɛn, mà va nila ɲulu.

Esekiɛl 34:25

I yiinin kpema kɔlɲuloo a nda mì faŋa visia yondoa biyaa o lɛŋnden nden nin. O kon saa nia calnin nila ɲulu o lɛŋnde veselɛilen nin, mà va lɔan o bundɛlan nin.

Esekiɛl 28:26

A calnunnin ndon nila ɲulu, a tangulnin cɛilan mà soli nakɔla n'rɛsɛnndan. Telen ya kialunin yaman vanaa balu nda, mà va nda pɛɛsaa kpow-va o, a calnin nila ɲulu o lɛŋnden nden nin. O kon a sinanin maa ya co Mɛlɛka ni, Hala ndaa pɛɛn.»

Yeremi 32:37

I co nda mɔɔsiaa fulaa o lɛŋii yáà puusiaa nda mí toaw nda a kɔltuwvo, a yolɛi a o kɔl ni fulaa nin-nde nin, mì mingi nda o fondaa ho, mì hun kɛsi nda lon nila ɲulu.

Yeremi 23:6

O paale ndɔlen Yuda sɔlanin baŋaa ni, Israɛlla vanin nila ɲulu fɛɛ. Diola nda kenin ndu lan la vanin ni aa: ‹Mɛlɛka vana naa ciindiaa.›

Talelan 1:33

Kɛ vana yaŋ pɛ ya nilan, ndu sɔlanin kɔlɲuloo o calta ndɔlan. O vannunnin nila ɲulu yili, siòòŋii biinin ndu le dɛnɛ palaa le.›»

Condii lisai 4:8

Nɔm Mɛlɛka, a co kɔlkɛndɔɔ lueiyo ya o kɔl hiovɔɔ kɔlkɛndɛ nda sɔla tuma nda nɔ malun sɛnɛiyon a mɔima sɛnɛiyan-ndo.

1Samiɛl 7:12

Mí Samiɛl cua powvo pum, mó baŋ ndu Mispa a fonda nda veelu aa Ciŋnde-o tɛɛn, mó ke ndu diolan aa: «Pow mala vana-o». Mó dimi aa: «Kani háá hau, Mɛlɛka koni co naa malaa ni.»

Yosue 4:12

Mí vanaa fula o polale Rubɛn-nden nin-nda, a fula o polale Kad len nin-nda a á fula o polale tálále Manase len nin-nda bɛɛndian bɛɛndian cɔwvo, má hiaw Israɛlaa tɔ̀a laci maa mɛɛ Moise ndóò dimul nda yɛ.

Yosue 3:17

Tuma Israɛlla kpow a va kon taŋɔɔ a pelon n'vesɛi sɛ́ɛ́n-ndo, vanaa-solia-lasálàá va kɔlan a kesu kpema Mɛlɛka-o-a va isisi Yurdɛn o peo kɔllo, lɛŋnden le vannun levesɛi sɛ́ɛ́n, a lo isisi lon háá mí vannda kpow a cuu taŋɔɔ.

Tɔŋ miingua 33:28

Israɛlla connun nila ɲulu o calta ndalan. Soon kólaa Yakɔb-o connun teengen o lɛŋnde ɲɛdiaa a mɔima yɛngian ma co nin-nden nin, o lɛŋnde halataalaa co mɔ́mndo tuisio coo len nin.

Tɔŋ miingua 33:12

Mó dɔaw polale Bɛnyamɛn-nden duaa aa: «Vanaa Hala kaola taw-va co kan ni. A calnunnin nila ɲulu ndu ikɛi. Hala co nda mandaa le lɔ́ɔ́-lɔ́ɔ̀. O co icali nda tɛɛn.»

Tɔŋ miingua 9:1

«Niaa Israɛlla, la yaŋ nilan! La co hau peo Yurdɛn taŋɔɔ le kɔlan vanaa-mangalaa-isɔɔa hiow niaa kpaayaa a sɛ́lɔ́ɔ́-a tovɔɔ, mì la hɛlu kobila bɛndulan a kobila co lakungaalan a kpakio háá o halataala lan.

Fulaa 33:14

Mí Mɛlɛka mulul ndu aa: «Ya pila co va nɔm ikɛi ma sɔla pɛngio.»

Yosue 11:23

Mí Yosue hialu lɛŋnde len kpow maa mɛɛ Mɛlɛka ndóò dimul Moise yɛ. O kon, mí Yosue yɔngu Israɛlla lɛŋnde kalalen ɲɛ nda pɛ́-pɛ́, mó piɔw nda len tɛɛn mɛɛ nda va a polama yɛ́-yɛ́an yɛ. O kon, mí vannda pɛngi cɔwlan tosaa.

1Masaa 8:56

«Biiloo co le Mɛlɛka, le ke o ke vanaa ndɔa, Israɛla pɛngio mɛɛ ndóò dimi yɛ-o. Lekɛ́ndɛi, sɔɔn kɛndɛn ndóò dimi a sondo Moise vana ndɔ baalaa-on kpow, ikɛ́-kɛ̀ lo le peelɔnndo le.

Yosue 14:1

Ɲɛ Israɛlla sɔla kɛ́ɔ o lɛŋnde Kanaan-nden nin-ndo yɔŋnun hoo ni, ò Eleasar, vana-solia-lasálàá nda Yosue po Nun-ndo a vanaa va bolii lapangɛi o polama yɛ́-yɛ́an nin-nda a piɔw nda tɛɛn-ndo.

1Dɛnnda lemasalan 22:18

Mó ɲuna nda aa: «Vɛ̀ɛ̀ Mɛlɛka, Hala niaa co niaa ikɛi le? Vɛ̀ɛ̀ o co ndu le yɔngu niaa pɛngio mì la vannun yili le? Kani ndu mal vanaa-mangalaa-isɔaa va o lɛŋnden nden nin-nda ya o ba ni. Sisa, vanaa kan co Mɛlɛka a vanaa ndɔa o ba bɛngu.

Esekiɛl 38:11

A diminin aa: ‹I heelu vɔ mì kɔ del lɛŋnde co lekumbiaalen coo, mì del vanaa co icali o ba ndaa coo nila ɲulu o calta ndalan nin-nda coo. Vanaa co kan icali kpow o kobila co lakungaa a kpaki le lan nin-nda, à kobila ndalan la nɔ kan masɔkɔ a lakoŋ te-a pɛɛn.